1 Yuda jhaung zug: Uzia , Yotham: , Ahaza: , Hezekia . Israel jhaung zug: Yosha' yao: zo: Yeroboam: ug: na ko" ayo, mae Beri yao: zo: Hosea jhao" sao qhid' ma qhid Mo"so: mung dao: joe" li" ru wa .2 Nao ye: mung: yaug zhang: myhi" we' yao" dae nau" jham re ye: sham" jhui" yu wa, . Khoru: ga" re mang: din" byu qe wa Mo"so re lhaui" pye' mung: apaug' apyae yao: shaid' veko" ra" ga: Hosea re pin: ke'3 ru we' dakhyo: . – Hosea wa ye" lo" mung: Dibalin" yao: zo: Goma: re ye: jhui" na yang: gaung la: mung: yaug gai zo: khau byid'4 ra". – Mo"so wa ai: zoshao re Yeserela, ein: mhang" wa, khoru: ga" re . khomyhao" mamyao" re Yeserela' jo, qo mae sa: zai" sheim: ra" qobo: mathao mae Yehu yham re ngo qobo dae byid: mung: Israel mang:5 din" re lhau: paui" pye' nae". – Israel byu qe re Yeserela' mae Ngo nai:mhain" pye' ra" ba mau" zo" ai: ru bin lao yo, nae" ga: mho:6 ra". – Dalhang maqao" gaung dam: ngaid: li" mung: myiqe: zo: khau: ra". Ai: myi qe: zo: re Loruhama: ein: mang mhang" wa, . Khoru: ein: re Ngo Israel amyu" re nhag' makhyag' lo: dang dang yao: lhau: sin"7 pye' nae". – Yuda, amyu" qe re kam" wa nhag' myain: shi: nae". Ngaid qere: la: shae lhae sin: jham we' myao: jui: sulhe" yang khyaid' yu zai mangaid: yao: bam: AsAng Mo"so: kheim: so' qam: o: khyo" yang8 khyaid' yu nae" ga: mho: ra". – Loruhama: nug' to: thao mae maqao" gaung dam: ngaid: li" mung: yaug gai zo: re khau: ra". –9 Ai: zoshao re Lo-ammi' ein: mhug' mhang" wa, khoru: ga" re naonhaung" wa Nga" byu jham mangaid: Ngo re: naonhaung" AsAng10 mangaid: ga" ra". – Ngaid qere: Israel qe wa maqo" lag maqo" tho' qug lo" ra" laung byid ma mo" dam: mae" ma coe ru: myo" laug: lo: li" genae". Naonhaung" wa Nga" byu qe mangaid: ein: mho: ra" jo, qo mae lao" re: yao: bam wa daui: na: ra" AsAng Mo"so: zo: dau qe ga: mhang" ru qhug'11 khae: yu: li" genae". – Ai: au: mae Yuda, amyu" qe we' Israel amyu" qe wa zang" ham mung: jhaung zug: dayaug re za: tau: yhe' mung: ai: mang: mae" loe; phao: thug' lo: li" genae". Yeserela' ba na wa qi: qhang phug' de; ra" ba na boe" lo: li" nae" ga: mho: ra".