1 Labo" maid ge, gye vo wa zeim baung: ru: Mo"so: yham khyo li" lo: li" genae". khoru: ein: re yao: bam wa Nga" dao: thang" re lhau: phyo' mung: Ngo re zai"2 shaid' veko". – yao: bam wa ngonhaung" AsAng Mo"so we" Ngonhaung" wa Israel amyu" ngaid mung: nao re ba: ga: Ngo re3 zag: yao gengaid yang: re: . – Israel amyu" qe wa gai: ra" mau" zo" re shelhaui" pye' ko" mathao mae gye vo: yang pyam" yhin"4 ru qhug' genae". – Yao: bam wa Ngo mae" akhang" maqo" ru yao: bam o: khyo: jhaung zug: re tau: yhe' veko". Yao: bam byo, qeim nae" tau: yao: bam: ngaui hhang:5 yang sulho kaid' veko". – O" Samari ni" nung: jaung nau" alho re shelhaui" pye' wa, . Ai re goe; pa" ra" mo, re Ngo nhag' gyid' ra". Yao: bam wa khomyhao" joe" sho' shao gyang" ra" tarha" re mamyao lo: na:6 na genae" laug i"? – Ai: nung: jaung nau" alho wa Israel qe kaid' ru ngaid: ra". Lo, mau" zaui: yaug kaid' ru mung: Mo"so mangaid: . Samari nung: jaung nau" alho wa dang dang yao: adau atam" gyug' gyoe; gyo" lo" li" nae".7 Yao:bam wa la myug: shi: re sin: mung: lasham" re yaid: yu: li" genae". Gaug gae yaug: li" nae" mangaid: . Gaug nhae mae" cinmain" mathug' nae". Thug' li" ngaid qere: gemang: din" mae" mo, zo"8 li" genae". – Israel amyu" qe wa na: nab: jeim" lo" veko". Khag' yang re: ma-o: ra" zai re" ru: labug: amyu" qe: khug mae ngaid:9 lo" genae". – Asuri' mang: khyo yao: jin" yao: myhi: ye" lo" ve genhaung . Ephrim: wa yao" tau: ate: za: bona: ra" myao: lae" ru" ru boe" mung: bo, jhid' qere jhaung10 qhu" byid' pye' va". – Labug: byumyu"qere jhaung qhu" byid' pye' ngaid qere: ajao" yao: byu jham re zang" ham nhao nae". Mataung" myao" re jhaung zug: we' vo zug: tham: zug: qe vin nhao: ra" qovin re matau matho' vin vo, ca" li" genae".11 Ephrim: wa xeim: ngaui" phain myo: sho' re qobo: tau: kaid' ra" mathao mae phain jham wa yao" qobo ngaid: ein: xam"12 to: nae". – Ngo wa nga" mug' pho: tarha" atug atid re tung" to: ngaid qere:- yao: bam13 wa ai re pe" shui manho ko". – Ngo we' tin" ra" ngaui" xeim: jham re li" ngaui" ra" mo, wa ngaui" mung: phain sho: re zo: veko". Mo"so wa ai bam re makhae: yu ngaid: ra". Yao: bam: qobo re myid: beim: myao mung: pyam" yhin" ra" khyo" yao: bam wa Egutu mang: khyo dam: tug" ye"14 lo" li" genae". – Israel wa yao: re phain: myhung: ra" Mo"so re to" myhid' pye' mung: pa" jhaung: yham ba: kaid' to: veko". Yuda, re: gang" tang: ra" vo kham" kyae" lhang" ra" vo mo" myo: sho' qo" te" to: gengaid yang: re: Ngo ai: vomo" jham re myi: ngha" mung: jhaung: yham jham nga" gyoe; gyo" lo" li" genae".