1 Israel no dae re gai nae" khyo: Ngo kaid' na: au: . Ephrim" qobo we' Samari' qe deim: so: zag kaid' ru de: de: myao: thug' li" ra". Yao: bam: wa dao: so: maza- ung lo: akhug khyo khug' vao ba veko". Taung gaung mae re: cang tau: qe se' da:be,2 khyaid' kaid' na veko". – Yao: bam kaid' ra" deim: so: zag mau" re Ngo xam" ci nae" lao" yao: yao" nhag' myid mae mabeim: ko". Ana" yao: lao" ai: mau" wa yao: bam re lhang" kham" ci veko". Nga" qhid' kheim:3 mae yao: kaid' na: ako". – Anyain: avho" mau" yang jhaung zug: re mhug' ra" dao: kheim" yang zag mung: ngaui bau: nhao4 ko" ra". – Ai bam alhab' wa tarha" mavao: ra" phavae mau" yang shaid' nghung: yang: boe" mung: cinmain" te' yaug myi: dalhang zain: mung: bai: phaui: zaug shao: ga: myi: re makyag' to" ra" myi: khyeim" we' dau:5 ra". – Ngonhaung" jhaung zug' zinqug: poe ba mae zug: qe wa sabyi' yhid shaug' byain: mung: jhaung zug: wa jho maqho kaid' mo,6 re lhaung" ba: khae: yu: ra". – Gai gai: yao: yao: bam wa jhug' qu" na zo" re" na ko" au: yao: bam: nhag' lam: phobau: phoxe' myi: laung: ru re" ru: mung: na veko". Yao: bam: cinmain" te' yaug wa damyi khyeim yab: myhid'qe re: ne, seim mae myi: shae ru:7 de; zu" jo, ashi". – Ai bam alhab' wa myi: khyeim" re" ru laung: na veko". Yao: bam: tarha" agyi qe re re: nga" jeim" pye' veko". Yao: bam: jhaung zug: qe alhab' re: gyang: gyo" veko". Ngo re khai: yao mo, dayaug re: mana lo: ko".8 Ephrim: wa labug: amyu" qe we' jho" zam" na: lhag' lo" byaug va". Dashaid' za: ug' we' te' mung: maphaug' lhag' ra"9 cinmain" yho' boe" byaug va". – Yao: maba mabeim: thao mae labug: amyu" qe yao" qam: o: re khyug' lo" na ko" ru re maso: lo: au: mae" xae alhau: alhag' phyu: lo10 va". – Israel qe: ngaid beim" ru wa yao" qhid' kheim: mae nyham: khyo" ke' ru qhug' ngaid yang: re: yao: bam: Mo"so jhao" madam: lo lo: ko". Qug: qae" kyin" nhaung" qhug' yang: re: Mo"so re maqho11 ko". – Ephrim: wa au: naug: so zo: madu: makhyang" ra" phaung" kyug' we' dau: byaug: ra". Egutu mang: re khai mung:12 Asuri khyo phao: ra". – Yao: bam ye" lo" ra" khyo khe' khao: ngo" mae yao: bam re Nga" myho: yang nghae' gam:yu nae". Mug: le; phyo: mae" ngho' jham re myid khyo lao" khyo" nae". Yao: bam: ham phaung mae gyo: veko" ru we' dakhyo: Ngo dae se"13 yang mho" shid' nae". – Yao: bam Ngo mae" gao" lo" geyang: nhang: kheim: phau: veko". Ngo re shaid' nghung: geyang: byo; qeim vegeshao: . Ngo yao: bam re lhoe' yu nug qere: yao: bam Nga" akhyo re mhug'14 ta" veko". – Yao: bam: yab said' mae kaug' myain" qhu: thoe mung gengaid yang: re: yao: bam: aung khug ngag myid we' Ngo re mayao ko". Gaug zo we' sabyi' qang: qo" shao: ga: ham phaung mung: Ngo re tau:15 lhain: veko". – Ngo yao: bam re mho" shid' mung: yao: bam: lo, re qam: o: ke' byid: qere: yao: bam Ngo re magai: ra" khyo" ta"16 khyoe' nae" ga: myid: na ko" ra". – Myhao thao" mae" yaug jhao" dam: tug' lo ko" ru mangaid: yao: bam wa madin" ra" la:myo: we' dau: ako". Yao: bam: zug: qe nhaid' tho' ra" mathao shae lhae mae shid mung: ai: ru wa Egutu mang: byu qe jung" khyoe' ru qhug' li" genae".