1 Israel wa ngai shi" ra" au: Ngo jhid' de, yang: Nga" zo: re Egutu mang: mae" khai:2 jhui" lo va". – Yao: bam re khai: jhui" lo: ra" yaug: lo, mae" phao: thug' lo" ko" ra". Bala' mo"so re kug' ngaui" mung: kyaung" co' kaid' to" alho jham re sheim nae pyo"3 ra" ja: re ngha" ngaui" veko". – Ngo wa Ephrim: re ba: du: su: nae" juyi re lo, mae she yang: mho" shid' va". Ngaid qere: Ngo bao" thaug' ra" jeju re yao: wa mabeim: lo:4 na: ra". – Byu re qo" lao" te' yu: ra" jhid' khyang kao khyang: yang Ngo lao" yu va". Bo: jhae: nhae te' sho' kyau: re qhui" yu yang: yo yo za: zo: nam re zho: va".5 Yao: bam Egutu mang: khyo madam: gai: ye: lo: genae". Asuri' jhaung zug: wa6 yao: bam: jhaung zug: boe" genae". – Yao bam juyi khyug' ra" khyo: mathao mae shae lhae gye wa yao: bam: vo mae joe" mung: kham: kyao" jham re be; khyug' mhain" pye'ru we' zug: qe re se' pye' li"7 genae". – Nga" byu qe wa Ngo mae" gao" lin: lo" mung: myhao: thao" ra" Mo"so jhao" khai ngaid qere: ai: Mo"so re khoyaug re: macaung: khin: nug ko".8 Ephrim: we" ngo nao re khoru: tho' shepye' nae" i"? Israel we" nao re khoru: kaid' yang: gai: qhaug' pye' nae" i"? Nao re Adama vo re" ru: khoru: gai: doe, nhao nae" i"? Zebain: vo: akhu mae khoru: gai: to: nae" i"? Ngo wa nhag' myid atha" qo" mung: gyai yao: nhag' myain" myid9 bo yaug ngaid: . – Nhag' gyid' ra" qhi" makaid' nug . Ephrim: re alhang lhang madam: phyo' qheim" nug . Ngo wa byu mangaid: va" re . Mo"so angaid: vo mo" khug mae na: ra" vo byu mangaid: yang: re: . Naonhaung" khug mae na: na: ra"10 shao gyang" Mo"so ngaid: . – Yao: bam wa thain" madaui: Mo"so: thao cao" lo: li" genae". Lo: tin: re" ru: kyid' nae". Kyid' ke' ra"au: zo: dau qe wa ba vao shaid' mae"11 tao" lo: li" genae". – Jhikhyao" re" ru: Egutu mang: mae" re: . Phaung" kyug' re" ru: Asari' mang: mae" re: phyaid phyaid tao: mung: yao: bam re na qao: jo, qo mae na nhao nae". Ngaid: ga: gyag maqui:12 Mo"so mho: ra". – Ephrim: wa mhug' dao: we' Israel wa pyag' sham" ru: yang: re: Ngo re nhaung" khoe' ba ko" ra". Yuda, kam" wa Mo"so we' te' na mung: shao gyang" ru we' vin tang: za: na: na: ra".