1 Israel wa ashi: myo: sho' zaui" ra" sabyi' naui ngaid: yao: za: yao: ashi: ba: zaui" ra". Ashi: myo" laug: ra" nho" xeim: ngaui" phain re je: myo" lo nhao ko" ra". Yao: bam: mang: din" gai: ru ru: gai: ra"2 sulho jham re kaid' veko" nhaung . – Yao: bam mae nhag' myid shid' gao bo ko" ra". Ana" yao: qobo: dae phau: genae". Yao: bam: xeim: ngaui" phain jham re AsAng yao: phyo' li" nae". Gyoe: alho jham re re:3 phyo' lhaui" pye' nae". – Ngonhaung" wa Mo"so re maba: gyaug phug' yang: jhaung zug: maqo". Jhaung zug: na ngaid qere: ngonhaung" tau: pe" qo" kaid' zai la, ga: alao" jao" yao: ta" pye' li" genae".4 Yao: bam wa dao: seim za: jhau mung: dao: thang" to" ra" au: pyag' sham" ra" khyo" nhang: kheim: ke' ako". Tarha" dao: phyid' ra" mau" wa yothaung: dang: dao mae" khin" dau" gae ru: yaug: li" nae". –5 Samari vo byu qe wa Bedaven: nung: jaung nau" tau: mae" gyaug pho: ngaid: li" nae". Ai: nung: jaung nau" alho: wa phung sham: lo" mung: mang: byu qe we' ai mae nhag' taui" na: ra" Alho: khin jaung jham wa kaug' qhui qhug' ko" ra". Khoru: ga" re gye vo qe wa ai: phung bao re lhaid' yu6 gemung: . – Ai jham re lao" Asuri' mang: khyo yu: lo" mung: jhaung zug: Yared' re lo" jhaung: li" genae". Ephrim: wa qho' phau: mung: Israel yao: yao" lo, mau" zo"7 yang: qho' gyaug: ru qhug' nae". – Samari' mang: we' ai: mang: mae" jhaung zug: wa qid dao mae" nyab baung: ru" ru ngaid:8 ra". – Israel qe: qobo aqao: Bed' Aven: vo mae" bug gaung jham byo; gyo" lo" mung: zau: gae aja: ja: jham wa yao: bam: xeim: ngaui" phain jham re yaug: se: nghoe' lo" li" nae". Vo byu qe wa bam jham we" ngonhaung" re nghoe' pye' byid: la, . Bug dam: bug gaung jham we" ngonhaung" adao mae baid: zag byid: la, ga: khai: li" genae".9 Israel we" nao wa Giba: vo mo" ta mae" qobo ai mae ye; bam shi: ko" ra". Giba: vo mae se' da: be, khyaid' kaid' ra" mo, re10 khe' ra" au: magai: seim" nae". – Ngo wa yao: bam re ngo o: khyo: mho" shid' nae". Yao: bam shaid' nghung" ra" qobo shid' ja" mathao: yang taui" to" au: labug: byumyu" qe yao: bam re lhang" kham" to: veko".11 Ephrim: wa gaug nao: nug: ra" nung: jaung bae: nau" ru: boe" ngaid qere: Ngo wa nung: kyau: re vin nhao mung: kyau: re vin mung: . Yuda, wa yo phaug' yang: Yaku' wa myid zhai: khai" re be; phyi: lo"12 zo" mae na: na genae". – Yao: yao" tau: main" ra" myug: shi: re sin: mung: nhag' khyag' shogu: ba: ra" ashi: re yaid: yu ge, . Maphaug' qu" shi" ra" yothaung: re phaug' ge, . Mo"so wa joe" li" mung: naonhaung" adao mae din: main" mug: qu byid: nae" ayo, majoe" shi: re Mo"so re qho nae" ayo,13 ana" ngaid va". – Naonhaung" wa mashab makhyang" ra" myug: shi: sin: mung: yo phaug' ko" ra" mathao mae qobo: ashi: re yaid: yu genae". Mhug' vhain" pyag' ra" ashi: re zo: ko" ra". Khoru: ga" re yao: yao: cao" ra" akhyo we' myo" laug: ra" sulhe: qe14 re khug ngha: na: ra". – Ai ru: mung: ni" byu qe thaung she lao nhain boe" genae". Shalamain: jhaung zug: wa Bethela, vo re phyo' pye' re re" ru: ni" gye qe, jham alhab' byo, qeim: lo" byaug: li"nae". Yao: myhi" wa yao: zo: qe we' daga" thaung" jab: pye'ru15 qhug' li" genae". – Ai re" ru: Bethela, wa naonhaung" shaid' nghung" qobo: mathao mae naonhaung" re kaid' lo genae". Ne, seim: ayo, lai: lo" re" ru: Israel jhaung zug: qe re: byaug: baui" lo" li" genae".