1 Ephrim: wa la re ba: qho zo" ra". Ba thug' la re cao" khe' na: ra". Ba qug nhang: myain" nhang: thoe we' byo; qeim khyo jham re myo" laug nhao: ra". Asuri' jhaung zug: we'zam" khug: na gau mae Egutu mang: khyo xau re ci: ye" ra".2 Mo"so wa Yuda, amyu" qe jhao" tarha" phyid' nae" khyo bo: ra". Yaku' ave, re ca: qu" mung: yao: kaid' ru we' dakhyo:3 qobo dae byid: nae". – Yaku' wa yao: myhi" aung khug mae yao: mao" khun- hag' thaung: thao re zaui" ci: ra". Qam: bo4 mung: Mo"so we' mai qhi" ra". – Gai gai: yao: yao: wa mug: lhaug' logyo: we' jho" zhaug' mung: aung: ra". Yao: wa ngug zo" mae" mho' bain" ru kaid' va". Gug: mang: dae gam Mo"so re Bethela' mae the' myao yang: ngonhaung" tau: lamyhung" re qhug'5 khae: yu va". – Thain" madaui Mo"so ga" ra" mang khyao: wa AsAng: mang khyao:6 yao: ngaid va". – Ai ru: mung: ni" Mo"so jhao" dam: lo wa, nhag' myain" tarha". Din: main" ra" tarha" re cao" mung: ni" Mo"so re kho nhae" re: myid: nghae" na7 wa, . – Yao: wa Khanain: byu ngaid mung: mamain: ra" jao re ci ba: ra". Su re pyam" nae" o ngaui: ra".8 Ngaid qere: Ephrim: wa ngo qho: qo" ra" jo, nho" re qaung" to: va". Qam: ke' zaui: so" lo: ra" gu: mae zai" shaid' nghung" ra" qobo re qho qere: myao nae"9 mangaid: ga: ta" li" nae". – Ngo Mo"so wa nao re Egutu mang: mae" jhui" thug' lo: ra" AsAng Mo"so ngaid: . Qu yo, nge, poe kaid' au: lhaung" na: ru we' dakhyo: seim zaung mae dalhang dam: na nhao nae". –10 Ngo wa lapa qe myo, myhung" byid: va". Lamyhung" myo: sho' re re: qhu" va". Lapa qe khyo" yang ave, qab re to" to: va". –11 Gilaid' mang: mae qobo bo: ra". Mang: byu qe wa jeim: maug yhaung: zhaung: veko" ra". Giligala' vo mae nung: jaung jham re xeim: ngaui" ra" phain jham wa yophaug' lo, zo" mae" myid zhai: bam jham nho"12 myo" laug: ra". – Yaku' wa Suri' mang: khyo phao: ra". Israel wa yham sang myhi" qo" nae" tau: jeim doe, mung: yao jham re zaung" lhaug' ra".13 Mo"so wa lapa qe khyo" yang Israel amyu" re Egutu mae" jhui" thug' yu mung: lapa qe khyo" yang qu" gam caung: lo14 va". – Ephrim: wa nhag' yo: nae" khyo: lhau: pug va" ra". Ai ru: mung: byu: kao re se' ra" qobo wa yao: mae joe" nae". Yao" jung" khyoe' qobo re yao" AsAng wa dam: byid: zai ngaid: ra".