1 Israel we" nao wa nao yao: kaid' shaid' ra" qobo mae tha" lang" ava". Ni" Mo"so2 jhao" dam: lo wa, se, . – Mho' bain: dao: ta" mung: Mo"so jhao" lhang: lo zo" ngon- haung" qo" ra" qobo re shao kyang" pye' byid: la, jeju mae" lham: khae: yu la, . Ngo-nhaung" nhaid' thoe ein nae" nung: jaung nau" jham re ngaui" byid: nae". –3 Asuri jhaung zug: wa ngonhaung" re qo" khyaid' yu: ru mangaid: . Ngonhaung" wa myao: jui: sulhe: makaid' lo: nae". Yao: yao" lo; yang kaid' ra" zai jham re AsAng wa ngo-nhaung" mo"so ngaid: ein: khon- hae" re: mata" lo: nae" khoru: ga" re cug' mo" cug' zo: qe wa nao mae" za: nhag' myain: nhag' khyag' ru the' yu genae" ngaid: ra" ein: ta" ge, .4 Ngo wa nhag' yo: gyo" va" ru mung: yao: bam lae" lo" ru re nyhang" yu nae". Ngo yao" nau" nhae" nhag' myid: yang5 jhid' kao: yu nae". – Ngo wa nghin coe: re" ru: Israel adao mae na nae" yao: wa nghin phyu re" ru: bu" yaung" li" nae". Lebanon: yo qao" re" ru: agyi: gang: tang6 genae". – Anyaug jham wa byo: lin: li" mung: Zhainlun: gae jham re" ru: yaung" lho"mung: Lebanon: yo qao" yo re" ru:7 nae pyo" li" genae". – Ai: sag' gae qao: ba sham mae na: ra" mo, wa byu sag' boe" yang: dam: lo: mung: gaug zo re nyhang" caung genae". Sabyi' naui ru: ko' lo, lin: li" Lebanon: sabyi' qang: ru: lahau: qo"8 genae". – Ngo wa thao phyao: sulho jham we' pe" tin" i"? ga: Ephrim: ta" li" nae". Yao" dao: re ngo tae" gyo: mung: yao: re qu" caung: na nae" . Ngo wa nyug lao qam" ra" hhu: je; gae ru: boe" mung: nao wa Nga" jeju: yang ashi: byang" sheim: li" nae".9 Khoyaug wa juyi bo: i"? Ai: yaug wa ce jham re ba: se" kho' li" nae". Khoyaug wa au: naug: sozo: du" i"? Ai: yaug wa ce jham re ba: li" nae". Mo"so: gau: khyo wa din"ra". Dang main" ra" mo, wa cao" genae". Mashab makhyang: mo, kam" wa ai: khyo mae tha" thu: lang: genae".