1 Ephrim: dao: ta" lao" su pe" gyaug: nin" ako". Israel amyu" mae je: kheim: so' qi: yaug ngaid: ra". Ngaid qere: yao: wa Bala' mo"so we' shaid' nghung: yang: shid:2 ra". – Ana" yao: bam wa je: kaid' mung: yao: bam: juyi khyo" ngaui: yang: sheim" lham" sulho . Lo, mau" ba yaug kaid' ra" sulho re yao: bam: tau: kaid' mung: xeim: ngaui" yaug wa nung: jaung nau" re3 bobaug baug ge, ga: ba: ta" ko" ra". – Ai ru: mung: yao: bam wa Ne, seim mae" lao" khyam" ru: no' mae" baui" lo" ra" nghin coe: re" ru: gaug khyo" jao: mae" phaui: lhug la sham" mae bodao" lo" re" ru: myi: khyeim" mae" myi: khug' thaui: re" ru: ngaid: li" genae".4 Ngaid qere: Ngo wa nao re Egutu mang: mae" khyaid' jhui" lo: ra" ni" Mo"so ngaid: Ngo mae" je yang: getau: Mo"so re nao maba ngaid: ra". Ngo mae" lai" yang:5 qo" khyaid' yu: ra" AsAng mana lo: . – Gyai kyaug' vhai" ra" jo, qo ga" seyo segae: mae Ngo nao re ba va". Gyo, zo: jao: mae gyi:6 gyi: baug baug qhug' zo: veko". – Zo" gyi: shaug' gyi: lao" bau" nghao" nhag' lam: bo mung: Ngo re mabeim: maso: lo: ko".7 Ai ru: mung: yao: bam: phaung mae Ngo wa lo: tin: ru: boe" nae". Khyo yae mae lham: na: ra" nintin ru: ngo yao: bam8 re kung" nae". – Yao: zo: jhui" phyaug' ra" vae zang re" ru: yao: bam re kyo" tam" mung: yao: bam: kheim aung kyo re lao" caid' sin" pye' byid: nae". Lo: tin: zang re" ru: thaung" qhug' jao: mae bin: zo: nae". Seyo mae" zo qhid ngaid mung: atam" adau lao" caid' kho' khyo" pye' nae".9 Israel we" nao re qo" khyaid' yu: ra" yaug AsAng re naonhaung phaug' ra" mathao mae pe" so' ha" nae" mangaid: . –10 Ni" jhaung zug: wa vo khao: ngo" mae" nao re qo" khyaid' yu nae" yao: khai: mae na ko" ra" i"? Ni" tarha" agyi wa11 khai: mae na ko" ra" i"? – Jhaung zug: we' agyi: khaung: mhao: qe re byid: la, ga: mho' geyang: Ngo nhag' gyid' ru we' jhaung zug: re byid: va". Thao dalhang nhag' qu" gyid' mung: jhaung zug: re qab:12 pye' va". – Ephrim: kaid' shaid' ru re Ngo kag' zeim: to: mung: yao" qobo re xam"13 qaung: va". – Yao: wa zo: khau no no: re" ru: kyi" khyag' ayo, joe" nae" jhao" va" ra". Yao: wa mashab: ra" zoshao ngaid mung: zo: loe, kham: mae myao" sho' li" qe"14 venhaung . – Yao: bam re mo: vo: mug: mae" she: khyaid' yu nae" i"? Shid zug' lo, vo: lo, mae" khyaid' yu nae" i"? Shid zug: we" nao re mau byin: boe" nhao nae". Mo vo: mug: we" nao mae no phyo: qam" nhao nae". Naung myid qo" nae" akhyo re pe" dao" manghae: nae".15 Yao: yao" mao: nhaung: qe mae na: je" myo" laug ge qe re: ba thug' shaid' mae" la lo: li" nae". Mo"so: la wa seyo khyo" hug' lo mung: yao" qid thug' bolao: re kyaug' ho: lo" nhao mung: qid mayug lo: nae". Jo, nho" bain" mae bo: ra" zai kug re gye vo qe lhaid'16 yu: lo" li" genae". – Samari' vo wa yao" AsAng Mo"so re tau: lhain" ra" mathao mae byo, qeim: lo" li" nae". Vo byu qe wa shae lhae dae mae shid genae". Zoshao qe wa myid gaung mae thaung" zhain: jab: pye' ru-zoshao: gaung ngaid: ra" myhi" zang qe wa vae: dug: kyo' kho' ru phau: genae".