1 Naonhaung" mao: nhaung: qe re Ammi nga" byu ga: re: Naonhaung" nhae: mo" qe re nhag' myain: gai: ra" zomyi: (Ruhama:) ein: dam: mho shi: ge, .2 Naonhaung" yao: myhi" byin qham: qu" ge, yao: wa nga" yham sang myhi" mangaid: Ngo re: yao" yham sang pho" mangaid' ru re jho" ta" ngag: qu" ge, yaug zhang: myhi" ave, re jao" pye' mung: shaid'3 nghung" mae" re: jao" pye' veshao: . – Ai: akhyo re maqo" jao" pye' ngaid: re yao" mai bau: re ngo khyaid' shao: pye' byid: mung: co' phyid' ra" ba mae mai bau: made; ru ru: gaung: lam: shopyaid' taung gaung khyo she: thug' pye' nae". Gao so yo mae khe' yhe' to: nae". Ai: gao so yo mae qid shab' yang: shid shao: .4 Yao" yao: zo: qe wa mo" mabo: dae zo: qe ngaid mung: yao: bam re ngo nhag'5 mamyain: lo: nha: to: nae". – Yao: bam: yao: myhi" wa yaug zhang: myhi" ngaid: ra" yao: bam re gaung laui: lo: ra" yaug qho' pho: mau" re kaid' ava" yao: re: nga" cinmain" , nga" qid , nga" sug' khyang , nga" ngaui , Nga" xau , Ngo shaug' nae" cug yo, qang: re ba: gin khin" byid' ra" nga" bo, jhid' nhag' taui: qe jhao" cao" lo"6 naeva" ga: mho: ra". – Airu: mung: yao: re cug' zau: gae: yang kyae" lhang" to: nae". Maqo" phao: loe; thug' nae" khyo: laug7 cang cang: to: nae". – Yao: wa bo, te: zo qae: qe re cao" khe' ngaid yang: re: mamyhi nae". Qho qe re: maqhug' lo: na: na: au: yham sang pho" xug' jhao" dam: lo" li" nae". Ana" na: ra" jo, qo tho'mae azhao na co' ra" jo, qo wa je: gai venhaung ga: ta"8 nae". – Gaug zo maui: lam: sabyi' qang: xau jham ngo yao: bam re byid' to: mung: Bala' mo"so re ngaui" byid: nae" ngaui hhang jham yao: mae myo" caung nhao9 va" ga: mamyid: beim: lo: nhaung . – Ai ru: mung: gaug yaid yo, mae nga" gaug re re: sabyi' qang: pyag' yo, mae nga" sabyi' qang: re re: yao" gaung gam xug' yao mug' we' jid: mo" khyang re re: ngo qab: yu: pye' nae".10 Ana" jao" yao: yao" zoqae: myhi" qe: qhid' kheim: mae yao" mai bau: re lao" shao: pye' mung: qho' phau: nhao nae". Nga" lo, mae" khag' yang re: mali" qo" she:11 thug' genae". – Yao" ngaui bau: khyo alhab' we' yao" poe ba na lho" xin" ba dug no: ba na jham yaung: to" ra" volo mang: qham phaung ru: alhab' geim" re ngo lhau: phyo'12 byid: nae". – Ceru wa nga" bo, jhid' zoqae: byid' ra" jhaung qhu" ngaid: ga: mho: ra" sabyi' khyae . Pho' ham" khyae jham re pain" pye' mung: pyaid' laid sede" jao: boe" nhao pye' yang: seyo: gug' nyhug' jham13 zo" pye' li" genae". – Bala' mo"so jham re sheim nae pyo" ja: phaid' ngaui" mung: nho khao" we' qui: nyhang" shaung: ci mung: bo, jhid' zoqae: jham: thao cao" lo" ru: yang ngo re to" myhid' pye' ko" ra" mathao mae yhin" pyam" nae" ga: Mo"so mho: ra". –14 Ngaid qere: Ngo yao: dam: mhai" nae". Seyo segae: khyo" jhui" lo ngaid qere: ngaui15 bau: lau dao: ta" nae". – Seyo segae: lai lao" sabyi' khyae jham re re: . Akho: lao: geim: mae nhag' nghae: kham: dung: re re: Ngo byid: nae". Seyo segae: lai lao" ngai shi" yo, Egutu mae" phao: thug' lo: au: nghaui" ru we' dakhyo: nghaui" thoe nghaui" li" nae".16 Ai: ayo, mae nao wa ngo re asang ga: magai: ta" nae". Myi: lao khyo" za: ata"17 lo: nae". – Getau: asang: mang yaung" khyao: jham re ni" nhaid' mae" qab: lhaui" pye' mung: ai: mang khyao: jham re thao18 phyao: magai: ta" lo: nae". – Ai: ayo, khin: mae ngo wa yao: bam: tau: myang kha: zoqhid mug: le, phyo: mae" ngho' re: myid dao yoe" qin ra" gug' nyhug' jham we' ba nam kaid' zam" khug nhao mung: shae lhae la: myo: jham re myid gye, mae" qab: lhaui' pye' mung: yao: bam wa gyaug din ci" ru majo, lo: yaug yo za: qhug' na: li"19 genae". – Ngo wa nga" tau: mae" nao re malam: lai: jhui" yu: na nae". Din: main" ru dang main: tarha" khyo" dao: phyid' ru jhid' de, nhag' myain" ru we' dakhyo: nga"20 tau: nao re jhui" yu nae". – Dao: thang: zaung: ru ru: ngo nao re jhui" yu mung:21 nao wa Mo"so re ba: lo: li" nae". – Ai: ayo, abang: mae Ngo wa tae" gyo: nae". Mug: gaung: lau dao: re tae" gyo: mung: yao: wa myid gaung: dao: re Ngo atae" gyo" na nae"22 ga: Mo"so mho: ra". – Myid gye, re: gaug zo maui: lam: sabyi' qang: xau jham: dao: re tae" gyo: mung: yao: bam re: Yeserela' dao: re tae" gyo" li" genae".23 Ai: myiqe: myhi" re qhovo: qhoshi: re" ru: Nga" tau: myid gaung mae sin: nae". Nhag' mamyain: mazam" nug: ra" myiqe: myhi" re ngo nhag' khyag' shogu: ru we' zam" khug nae". Nga" byu mangaid' ra" yaug re re: nga" byu ein: ngo mho nae". Yao: re: AsAng wa nga" Mo"so ngaid: ga:ta" li" nae". ga: mho: ra".