1 Li" geri: Mo"so jhao" dam: lo" gelang: yao: wa bin" phyid' pye'va" ru re qo" xo'2 byid:nae". – Qobo dae byid: ngaid qere: dae re qo" thab' gai byid: nae" Shid' ba lai lao" ngonhaung" re kao daui nhao mung: sam ba ein: ba mae daui: to" lo nhao yang: yao" khug mae ngonhaung" kao qo" daui:3 na nae" ngaid: . – Juyi ba jhao: ru re: qo" nae". Mo"so re ba nae" tau: cao" qho: li" genae". Mug: qu wa myid gaung re dag nhao: ra" la jham: qu" mo" thaui: ru" ru joe" li" nae".4 Ephrim: we" Ngo nao re khoru: kaid' gai: i"? Yuda we" nao mae Ngo khoru: kaid' shi: nae" i" ? Naonhaung" lam" myid wa ne, seim mae" lao" khyam" ru: , no' yang baui" byaug: ra" nghin coe: re" ru boe"5 nae". – Ai ru: mung: yao: bam re lapa qe khyo" yang Ngo wa adau atam" zin" phyid' pye' va". Nga" nhaid' mae" thug' ra" dao" yang se' va". Nga" dao: phyid' ru re: bo"6 bao ru: boe" va". – Kug' ngaui" ra" xeim: tho' mae nhag' myain" ru re . Ngha" ngaui" ra" xeim: tho' mae Mo"so we' tin: te' ru re7 Ngo o ngaui: ra". – Yao: bam wa Adam: re" ru: dao: thang" re lhoe"veko". Na qao:jo, qo mae Nga" dao: so: re phyo' veko". –8 Gilaid' vomo" wa makhyang: mashab mo; jo, qo ngaid mung: byu: sa: lhau" ra" khyid9 khu za: ngaid: ra". – Cang tau: mo, thaui: mo" wa gyaung: su: mo, re jhug' qu" ru ru: . She khin: ye: khyo mae khin jaung10 qe re se' pye' veko". – Gai gai: yao: deim: so: zag kaid' veko". Qu" gyaug sho' ra" mau" Ngo Israel qe mae Ngo myao va". Ai: amyu" mae Ephrim:wa shaid' nghung"11 ava". Israel wa anyain: avho: boe" va". – Ai mae" getau o" Yuda, amyu" sham" pyaung" tai: lo" ra" Nga" byu qe re Ngo dam: jhui" lo: ra" au: gaug yaid yo, re ni" tau: ngo nyhang" to: va".