1 O" khin jaung qe gyo" qu" shi: ge, .O" Israel amyu" qe tae" gyo: ge, wo". Jhaung zug' yham na mo, xam" ci ge, . Naon- haung" wa tarha" pyam" ru qhug' li"genae". Khoru: ga" re naonhaung" wa Mizapa: bam mae" taui: kheim". Tabo: bam mae" myho2 boe" veko". – Xeim: dau: jham re se' ra" khyo" yao: yao" qobo myo" lo nhao veko". Ai mung: Ngo ai bam alhab' re qobo dae3 byid: nae". – Ephrim: re Ngo ba: . Israel qe re: Nga" qhid' kheim: mae maqo" vho' na genae". Ana" lao" o" Ephrim: nao wa shaid' nyhung: naung: Israel wa anyain:4 avho: boe" va" ra". – Yao: bam wa ai re" ru: shogyi: gyi: kaid' na gemung: yao: bam: Mo"so jhao" madam: lhang: lo lo: ko". Shaid' nghung" ra" gau: khyo mae za: nhag' taui" lo" mung: Mo"so re maba lo:5 ko". – Israel qe ngaid beim" ru wa yao" qhid kheim: mae deim" khyo" ra" khyo joe" yang: Israel we' Ephrim: wa yao" tau: yao" qobo mae gyoe; gyo" mung: yao:bam we' daga" Yuda, qe re: bogyoe; gyo" genae". –6 Caid' kyaung" nung: kyaung" pyaung: yang: Mo"so re qho nae" tau: ye" lo" ge7 ngaid yang: re: maqhug' genae". – Yao: bam we' va" lin: byaug va". Yao: bam wa Mo"so: dao: thang" re phyo'qheim" veko" khoru: ga" re yao: bam wa labug: zo: qe re khau myhung veko". Lho" xin: lao" yao: bam we' yao: bam: jo, nho" dai kham wa byo; baui" lo" li" nae".8 Gibea vo mae re Roma' vo mae labo" re maid ge, . Bed' Even:vo mae zag: hug' ge, . O" Benyamin: amyu" thao khyo lhang: qu"9 wa, . – Israel amyu" akaung aboe: jham re ta" peim: mho" shid' ra" ba mae Ephrim: wa byo; baui" lo" nae". Ai: ru wa xo' xo'10 boe" nae" ein: Ngo ta" to: va". – Yuda, jhaung zug: qe wa mug: kyo: dang: laug re qhui" ke' mo, ru: boe" ko" ra" Ngo wa yao: bam: dao mae nhag' gyid' ru wa qid11 ru: vhe' gyain" ke' nae". – Ephrim: byu: khang" dao: re cao" ra" mathao mae pyam" yhin" ru qhug' mung: dao: phyid' ru qhug'12 yang: gyoe; gyo" lo" li"nae". – Ai ru: mung: Ngo wa Ephrim: tau: nhug: yang Yuda, yham byu tau: zo" xain ba: ra" mau byin:13 re" ru: boe" nae". – Ephrim:wa yao" dae khu re Yuda wa yao" mau byin: re the' myao lao". Ephrim: wa Suri' jhaung zug: jhao" ye: mung: Yuda, wa Yared' jhaung zug: jhao" nhao: ke' qere: Ai: zug: qe wa naonhaung" dae khu re maqo" pho byid: mau byin: re re:maqo" zai" gai byid: ngaid:14 ako". – Khoru: ga" re Ngo wa Ephrim" tau: lo: tin: re" ru: Yuda, tau: lo: tin: lo: ru: boe" nae". Ngo wa ngo yao: bin" caid' thaid' lai: lo" nae". Bin" she: lo" ru re khag' maqo"15 lhaid' yu genae". – Yao: bam wa yao: bam: qobo mamho' bain: Nga" myo, nho re qho: the' myao nae" ba na ayo, joe" sho' Ngo wa Ngo yao" jo, qo mae dam: lo" na: jo, nae". Qug: qe" kyin" nhaung" qhug' ra" au: yao: bam wa Ngo re qam: qhao: yang: qho: lo: li" genae".