1 O" Israel amyu" qe we" Mo"so: dao: re tae" gyo: ge, Mo"so wa mang: din" byu qe mae vin tang" ru nhag' khyag' shogu: ru we' Mo"so mabo lo: ko" mung: mang: byu qe we' tarha" jho" pyam" nae" mau"2 qo" ra". – Nhang: myain" nhang: thoe we' kheim: co' lab: ru . Byu se'ru su: zai yo khug' ru su: myi: shaid' ru jham mae tam" kyo" ru majo, byu se' ra" qobo wa apaug'3 apyae qo" veko". – Ai ru: mung: mang: din" wa nhag ' ngai: ru we' ai mae" mang: byu qe we' daga" gug' nyhug' gug' du: jham mug: le; phyo: mae" ngho' jham nang" lo" li" genae". Qid dae mae" ngo: jham lao" re:4 thao" lo" byaug: li" genae". – Ngaid qere: khag' yang re: datam" ge, khag' re: damho" shid' ge, khoru: ga" re ni" amyu" yao: cao: yao: khin jaung we' phai shai" ra" yaug ru:5 ngaid shao: . – Nao wa na" dao: gaung mae tha" thu:lang: nae" khin jaung pho" re: myi" re nao we' daga" tha" thu: lang" li" nae". Ni" myhi" re re: ngo nai: mhain" pye' nae".6 Nga" byu qe wa juyi mabo geyang: seim: lo" veko". Nao wa juyi re pe" shui manho: ra" mathao mae Nga" khin jaung maqo" boe" shao: ngo nao re shelhaui" pye' nae". Ni" Mo"so: tarha" re nao to" myhid' pye'ra" mathao mae ni" zo: myid:7 qe re ngo to" myhid pye' nae". – Yao: bam wa myo" je" lo veko". Ru: yang yao: bam ngo re gyai yao: zai" shaid' to: veko". Ai mung: Ngo yao: bam: myo,nho nga: lao:8 re qho' phyo' byid: nae". – Nga" byu qe: qobo khyaid' xeim: sho: re zo" na gau lao" re: ai: qobo mau" re nhag' taui" na shi: ko"9 ra". – Ai mung: mang: da: volo byu qe mae re re" ru: khin jaung qe mae re: boe" li" nae". Yao: bam: lo, qaug mau" zo" re Ngo ca: qu" yang: yao:bam: lo, mau" zo"10 re qu" yang: Ngo loge, phaug' nae". – Yao: bam wa Mo"so re nhaung thao" phaug' ko" ra" mathao mae zo: qe re: magyi: genae". khyao: mavao: ra" khyo" gaung sho: zam" gengaid: yang: re: zo: dau maqo" genae".11 Khoru: ga" re nhag' lam: re byo, qeim nhao: ra" phavae mau" mae nhag' dag: na: ru sabyi' qang: we' yhid shaug' ru mae za: zo: pyo: shaug' pyo" na ge mung: Mo"so re12 shelhaui" pye' veko" ra". – Nga" byu qe wa sag' thaung: we' jho" qham: nyang veko". Yao: bam: zaung: bao" wa juyi khyug' byid: ba: ra". Phavae mau" mae au: am" lo" gemung: yao: bam wa khyo nghung" lo" mung: yao: bam: Mo"so: akhug mae mana13 lo: shaid' nyhung" lo" veko". – Bam nyaug mae bug gaung mae re: ba sham qab: ra" lashe' gae qao: ru" ru myhao: gae qao: mae re: sheim nae pyo" ra" xeim: phaid' ngaui" ba:ako". Ai: mathao mae naonhaung" yao: zo: zomyi: qe yaug gai nau" qe we' na: shaid' mung: naonhaung" dau mo" qe wa14 su: lao lhaid' mau" zaui" ako". – Naon- haung" yao: zo: zomyi: qe yaug gai nau" qe we' na: shaid mung: dau mo" qe wa su: lao lhaid' gengaid yang: re: Ngo qobo dae mabyid: nae" . Khoru: ein: re yaug gai qe yao:yao" yham sang myhi" to: co'mung: yaug zhang: myhi" qe we' zam" ako". Anyain: avho" myiqe: qe we' daga" xeim: ngaui" ba: ako". Ai mung: juyi mabo: ra" byu qe wa aseim akeim boe" genae".15 O" Israel amyu" qe we". Nao wa yaug zhang: myhi" kaid' ngaid qere: . Yuda, amyu re daye: zai" shaid' Giligala' vo khyo date' ye: ge, Bed' Aven: vo khyo daye: ge, Mo"so daui: ru we' dakhyo: ein: jham re:16 datang: ge, . – Israel amyu" qe wa vang: ra" nung: jaung bae: re" ru: nhaung phaug' ba: ako". Ana" kam" Mo"so wa mug: he' lae: ra" jo, qo mae yao nau" re zam" re re" ru: Israel amyu" qe caung gam: li" nae". –17 Ephrim: wa mo"so: alho mae nhag' taui" na18 shi" ra". Ai ru: na: na shao: . – Yao: bam zo" lai :shaug' lai: ra" poe wa lai: lo" byaug va". Zug: kaid' mo, wa matarha" ra" phavae mau" re kaid' veko". Qho' pho: gyaug pho: mau" re myo, no, o: byid: na veko" ra". –19 La wa yao: yao" daung vho' yang nghoe' gam: ci: lo" li" nae". Yao: bam wa yao: yao" ngaui" xeim: mathao mae qho' phau" li" genae".