1 Ai: thao yao: wa yham kham: dung: khyo ngo re jhui" lo" mung: kham: baung gyid' khyo" ba thug' shaid' khyo yug: lo" ra" qid re ngo the' myao: . Jao: kheim: wa ba thug' khyo qang mung: qid wa yham: lo, yo shaid' agyid' mae thug' li" mung: xeim: phain qid bang: shaid' khyo yug: gyo" lo"2 ra". – Dam: qid meim: kham: khyo" ngo re jhui" thug' mung: taung gaung shaid' lhang" gam: su" lo" yang: ba thug' khyo qang: ra" kham: dung: joe" lo" au: lo, yo shaid' khyo" yug: li" ra" qid re ngo the'3 myao: . – Taui: re ci: ra" yaug wa ba thug' shaid' lo" mung: dataung daung" byang" sho' ka" mung: ngo re nag nhao: ra". Qid4 wa khyid myo; joe" ra". – Dam: dataung daung" byang" sho' ka" mung: ngo re nag: gau: nhao: ra". Qid wa paid' laug joe" ra". Dam: dataung daung" ka" yang: ngo re nag: gau: nhao: ra". Qid wa phyid' dam:5 joe" ra". – Dam: dataung daung" loe" sho' ka" ra" au: maqo" nag: gau: lo" qid gyaung: boe" byaug: ra". Qid qhe' qhe' yang: gau"6 de, nae" qid gyaung: boe" byaug: ra". – Ai: yaug wa xaosu byu we" ce jham re myao va" mangaid: i"? ga: ta" yang: dalhang dam: jhui" lo" mung: qid yae khyo dam: tug'7 lo" nhao: ra". – Ana" ngo dam: tug' lo: re qid gyaung: thoe te' ce: te' mae sag' gae8 myo: sho' re ngo myao: ke'. – Ce: qid wa ba thug' shaid' yug: lo" mung: seyo lai sho' qid tham: khyo yug: vao yang: qid wa cug9 myho' nae". – Ai re" ru: qid yug: lo" ra" khyi" khao: ngo" mae gug' nyhug' aja: ja: jham wa kao daui mung: gyai myo: laug: ra" ngo: jham na genae". Ai: qid cug myho' ra" ru mung: qid yug: joe" ra" khyi" khao: ngo" gug' nyhug' cao jab qo" daui: na: li"10 genae". – Ngo: kung" mo, wa qid tham: yae mae ye, yang: Engedi jo, qo mae" ru Engalim: joe" sho' geim lao" khao" lhe' ra" jo, qo boe" nae" ngaid: ra". Ngo: aja: ja: jham re: qid dae mo" ngo: jham re"11 ru: myo: laug genae" ngaid: ra". – Tham: bab: qid we' tham: nheim" qid kam" wa khonhae" khonhaung: xo: ngae: jo; li"12 nae". – Qid yae shid' shaid' geim" mae zo: pho: gai: ra" agae jham myo: sho' yaug: li" nae". Avho' re: manyhug' majhoe' , ashi: re: malam: lai: zaui: nae". Lho" khye' khao: ngo" ashi: nau" zaui" li" nae". Khoru: ga" re ai: qid wa shao gyang" jo, qo mae" yug: thug' li" ru ngaid: ra". Ashi: zo: pho: ngaid mung: avho' wa mau byin: no pho: gai nae" mocid' boe" nae" ga: ngo re mho: ra". –13 AsAng Mo"so mho: ru we' dakhyo: Israel amyu" zo: daxe: shid' nyaug khae: yu nae" mug: myid wa Yoseb' wa mug: myid adau14 shid' dau qo" sang nae". – Yao: bam: phug' pho" qe re ngo dang: to" ru we' dakhyo: ngo byid' ra" mug: myid wa naonhaung" Ma mug: myid boe" mung: naonhaung" yao: yaug yao" Ma re khae: yu genae". –15 Ai: mang: din" mug: kyo: wa qid meim khyo qid dae mo" mae" Hetalon: khyo dang16 Zedag' gau: cao" yang: – Hamaid' vo we' Berotha: vo , Damasku' we' Hamaid' mug: kyo: agyo: Tebarim: vo , Horain: vo nhae mae" Haza Haidtikon vo re kho' mung: –17 Dam: qid dae we' kyo mung: Damasku' mug: kyo: nhae Hazara Enon: vo , qid meim shaid' mae Ziphyung: vo , Hamaid' bobo nae". Ce ru wa qid meim: shaid' mug: kyo: ngaid nae".18 Ba thug' shaid' mug: kyo: wa Horain: vogaung: Damasku' vo , Giled' mang: Yodain: gyaung: nhae Israel mang: cao" lo" yang: ba thug' shaid' qid dae mae lo" thao" joe" gu: wa ba thug' shaid' mug:19 kyo: ngaid nae". – Qid bang: thao" mug: kyo: wa Tama: vo mae" qhid mung: Kade- sha: Meriba' joe" sho' re: , qid dae mae yug: vao: ra" qid gyaung: joe" sho' cao" lo" nae". Cegu: wa qid bang: shaid' mug:20 kyo: ngaid: ra". – Ba vao shaid' mae qid dae mo" wa qid bang: mae" qhid mung: Hamaid' vogaung: joe" sho' gu: wa ba vao21 shaid' mug: kyo: ngaid: ra". – Mug: myid re Israel amyu" zo: yaug nge, re gae: myho"22 byid: ca" nae". – Naonhaung" amyu" yaug nge, Ma khae: yu nae" tau: re: , naon- haung" mae bona mung: khau: ra" getau: amyu" zo: qe Ma khae: yu nae" tau: mae re: , pha" khyo" yang: gae byid: ca" genae". Getau: amyu" zo qe mang: din" mae khau: ra" Israel amyu" zo: qe re" ru: ngaid mung: yao: bam re: Ma mug: myid re qo" khae: yu23 ca" nae". – Getau: amyu" qe na: ra" mug: mae yao: Ma khae: yu nae" mug: myid re byid: ca" genae" ga: Mo"so mho: ra".