1 Ai: thao qid meim: gau: khyo" taung gaung vokham" khyo jhui" lo" mung: yham: qid meim shaid' gung" ra" jo, qo: qhid' kheim: qae mae jo; ra" qe, jham re2 qhu" ra". – Ai: qe, jham wa qid meim: kham: joe" sho' qhang phyao: dayo daung" lae khyo ngo" xe daung" ngaid: ra". –3 Vang" akhug shaid' we' tin" gu: shid' xe daung" taung gaung vang" we' tin" ra" laug myhung" dau" te' khinqae: qe, jham4 sam zhao" ngaid: ra". – Ai: qe, jham: jao: kheim: mae sam daung" lae: ra" khyo dang we' apyi khyo daxe daung" lae: ra" gin zin jo; ra". Ai: qe, jham: kham: dung: wa qid5 meim khyo qang: to: ko" ra". – Tho' zhao" mae" qe, jham wa lhae: ko" ra". Myhung: xai" re: o mae" qe, jham agaung" zhao" qe, jham ru: mangaid: je: jhe' lo" byaug: ra". –6 Khoru: ga" re azhao" sam zhao" ngaid qere: ai: qe, jham mae getau: qe, jham re" ru zang mabo , ai mung: o: qe, we' ale' zhao"7 qe, tho' je: jhe" lo" byaug: ra". – Taung gaung vang" shaid' qang: ra" ai: qe, jham qhid' kheim: mae go: qae: to" ra" kho' qae wa ngo" xe daung" ngaid: ra".8 Taung gaung vang" we' tin" qe, jham wa qhang phyao: ngo" xe daung" bo: ra". Pa" jhaung: yham jao: kheim" gu: wa dayo9 daung" ngaid: ra". – Taung gaung vang" mae" li" lo mung: ai: qe, jham mae ba thug' shaid' khyo" vao nae" khyo dang jo;10 ra". – Ai: yham: qid bang: shaid' gung" ra" jo, qo re qae: go: ra" kho' qae mae re: qe,11 jham bo shi: ko" ra". – Ai: qe, jham jao: kheim: mae" gin zin mae" dadu qe, apyi azhaung , vao thug' kham: alhab' wa qid meim: qe, zhain we' akhyao jho" dau ko"12 ra". – Qid bang: shaid' mae" kham: jham re: qid meim shaid' kham: jham we' dau ko" mung: vang" thoeshaid' ceshaid' gin zin thao khyo qang: ra" vao kham: bo:13 ra". – Ai re ka" ra" yaug re: , gung" ra" jo, qo khyo qang: ra" qid meim qid bang" qe, jham wa shao lho" ra" qe, Mo"so: mau" vin: ra" khin: jaung jham wa ai: shao lho" ra" ja: re zo: nae" qe, ngaid: ra". Ai: jo, qo wa shao lho" ra" mathao gyai shao gyang" ra" ja: , gaug zo xeim: , qobo khyaid' xeim: , zam" khug xeim: jham re to" ra" jo, qo ngaid:14 ra". – Khin: jaung qe wa vao lo" ra" au: caung da" mai bau: ve, yang: shao gyang" ra" jo, qo mae" taung gaung khyo magai: thug' nae". Ai: mai bau: wa shao lho" ra" mathao mae khyaid' pye' yang: mang: da: volo byu qe na: khyo agai: thug' nae" ga:15 ngo re mho: ra". – Pa" jhaung: yham qe,16 khug bin: ka" thao – Ba thug' shaid' kham: khyo jhui" lo" mung: ka" se: ngaid: ra" je jid' gyang: yao: we' ba thug' shaid' re ka"17 re je jid: gyang: yao: ngo" yo bo: ra". – Qid meim shaid' dam: ka" re re: je jid: gyang:18 yao: ngo" yo ngaid: ra". – Qid bang: shaid' dam: ka" re re: je jid: gyang: yao: ngo"19 yo ngaid: ra". – Ba vao shaid' dam: ka" re re: je jid: gyang: yao: ngo" yo ngaid:20 ra". – Myo, nho byid shaid' geim" re ka" mung: lhang" gam: mae" vokham" wa shao gyang" jo, qo mashao magyang" jo, qo jham re kho' khaui: yang: qhang phyao: ngo" yo gyang: yao: lae phyao: re: ngo" yo gyang: yao: bo: ra".