1 Ai: thao pa" jhaung: yham khyo jhui" lo" mung: kham: jheim akyo re ka" mung: thau phyao: yham myid gyae: myhung: thau: ru we' dakhyo: za: khyaug' daung"2 ngaid: ra". – Pa" jhaung: yham kham: lae phyao: daxe daung" , kham: dashaid' we' dashaid' ngo" daung" daung" lae: ra". Pa" jhaung: yham re ka" mung: qhang phyao: byid xe daung" alae khyo shid' xe daung"3 ngaid: ra". – Ai: thao akhug khyo vao ye: mung: ja: khao: ja: ngo" jham re ka" re kham: mae" zang shid' daung" , kham: wa khyaug' daung" kham: thoeshaid' ceshaid'4 nhaid' daung" daung" ngaid: ra". – Ai: qe, wa pa" jhaung: yham lae phyao: we' daqi" ngaid yang: aqhang khyo shid' xe daung" lae phyao: re: shid' xe daung" bo: ru re ka" mung: ce: qe, wa gyai shao gyang" ra" jo, qo ngaid: ga: ngo re mho: ra".5 Ai: thao yham kho' qae re ka" mung: thau phyao: khyaug' daung" , yham lhang" gam: khinqae qe, jham wa lae phyao: byid daung" daung" bo: ra".6 Kho' qae qe, jham wa dapyae we' dapyae sam xe ngaid mung: sam pyae ngaid: ra". Ai: kho' qae jham wa akhug khyo mavao7 ngaid qere: kho' qae we' xo' to" ra". – Ai: khinqae o: pyae mae" ru shid' pyae: azhao" mae re: , shid' pyae ein: pyae mae" ru sam pyae khyo do; ru we' dakhyo: yham kho' qae lhang" gam: dazhao" we' dazhao" lae: li" mung: adao mae" pyae wa je: lae: ra". Ai mae" getau o: pyae mae" mung: ale' pyae8 khyo" tho' khyo do, ko" ra". – Yham atho' pyae lhang" gam: myhao: thao" ra" kho' qae: qe, jham khyaug' daung" qhang: ra"9 je jid: gyang: dagyang: kho lae: ra". – Kho' qae taung gaung shaid' mae" kho' qae thau phyao: ngo" daung" ngaid: ra" gung" jo, shi"10 ra" gu: re: ai we' tin" ra". – Kho' qae: qe, jham mae" ru yham lhang" gam: khyae wa shid' xe daung" jho" kyo ko" ra".11 Kho' qae qe, jham: kham: wa gung" jo; ra" jo, qo shaid' khyo phung" mung: qid meim qid bang: shaid' khyo qang ko" ra". Gung" jo, shi" ra" jo, qo lhang" gam: wa apyi khyo ngo" daung" ngaid: ra".12 Ai: gung" jo; ra" jo, qo ba vao shaid' khyo qang mung: vokham" wa qhang phyao: nhaid' xe daung" bo mung: yham lhang" gam: kham" ru re: , thau phyao: ngo" daung" qhang phyao: gug xe daung" ngaid: ra".13 Dam: yao: wa yham re ka" mung: gung" ra" jo, qo , yham kho' qae , qae: kham" ru bobo mung: dayo daung" bo:14 ra". – Ba thug' shaid' gung" ra" jo, qo bobo yang: jao: kheim: alhab' re: daung"15 dayo bo: ra". – Gung" jo; ra" jo, qo mae qae: go: to" ra" ba thug' shaid' we' ba vao shaid' kham" ru re ka" mung: shid' shaid' geim" mae jo; ra" qe, jham bobo: re qhang16 phyao: daung" dayo ngaid: ra". – Kham: baung jham , lhae" ra" kham: zo: dung: jham , kham: baung alhab' thoeshaid' ceshaid' sam zhao" ngaid: ra" kho' qae: qe, jham wa myid gaung mae" kham: zo: dung: joe" sho' sag' the" yang nghoe' to" ra". Kham: zo: dung: jham re: nghoe' pye'17 ra". – Kham: dung: alhab' dao mae yham khug we' taung gaung shaid' lhang" kho' qae mae Kherubim: we' zhun:palun: gae18 lho co' tung" te' mung: – Kherubim: shid' lam" agyo: mae zhun:palun: gae dagae gae jo; ra". Kherubim: dalam: mae myo, khung:19 shid' lam: lam: de; ra". – Zhun:palun: gae shid' gae: gyo: mae dashaid' mae byu: myo, khung: dashaid' mae lo:tin: myo, khung: re20 qhu" to" ra". – Ai re" ru: yham lhang" gam: myid gaung mae" kham: dung: joe" sho' pa" jhaung: yham kho' qae mae Kherubim: we' zhun:palun: gae alho co' tung" te' to: ko"21 ra". – Pa" jhaung: yham: zang jham byid khyug ngaid: ra". Shao gyang" ra" jo, qo22 myo, nhao jho" dau: ako". – Xeim: ngaui" phain wa sag' the: ngaid: ra". Amyhao khyo sam daung" , aqhang khyo shid' daung" , apyi shid' daung" ngaid: ra". Phain akhyug we' zang zhaung gai" wa sag' pye: ngaid: ra". Ce: gai" dao wa Mo"so: tau: ngaid: ga:23 ngo re mho: ra". – Pa" jhaung: yham we' shao gyang" qe, mae kham: dadung: dung:24 phung" to: ko" ra". – Kham: dakham: mae kham: the: shid' khye' khye' te' to:25 ko" ra". – Pa" jhaung: yham mae re" ru: kham: the: jham mae re: Kherubim: we' zhun:palun: gae jham co' tung" te' to: ko" ra". Jao: kheim: vao kham: adao mae yham tho" te' to: ko".26 Jao: kheim" kho' qae mae shid' shaid' kham: zo: dung: gai: pyid' ra" kham: zo: mae zhun:palun: gae jham za: te' to: ko" ra". Ai: yham kho' qae: qe, jham we' kham: baung jham ai ru" ru ngaid ko" ra".