1 Ana" sam xe zin ein: zin lho" byid khye' ngo" ba: ne, mae sham" pyaung" lo: ra" mo, we' daga" Kheba: qid yae mae na: bam: au: mug: gaung bung" li" mung: Mo"so:2 lamyhung" re ngo myao: ru wa – Jhaung zug: Yehoiakim: kyam: laung" ru ngo" zin ein: zin lho" byid khye' ngo" ba mae –3 Khalade" mang: mae" Kheba: qid yae mae Mo"so: mung dao: khin: jaung Buzi yao: zo: Ezekia jhao" joe" mung: Mo"so: lo,4 wa yao" au: dao kai" to" ra". – Ana" ngo zhaug' qu" na: re thin: ra" la qi" ra" jham no, thaui: de; bao: ra" myi: shae wa qid meim shaid' khyo" thug' li" ra". Myi: shae khug mae" Hashmela' hhang ave, ru" ru5 thug' na: ra". – Ai: myi: khug mae" gug' nyhug' byid dau: thug' li" ko" ra". Ai: gug' nyhug' jham: akhyao ave, wa byu: akhyao6 ave, vin ko" ra". – Myo, khung: byid shaid' shaid' daung byid lam: lam: yaug nge, mae7 de, ko" ra". – Yao: bam: khyid din: din" ru ngaid ko" ra". Khu vo: wa nung: jaung nau" khyid sin: ru" ru ngaid mung: gyid: bo"8 ave, ru: bao ko" ra". – Gaung khyao byid lam" daung gyid' mae byu: lo, de; ra". Ai: gug' nyhug' byid dau: wa myo, khung: re: daung re: jab jab ngaid ko" ra".9 Daung yao: cao: xo' taui: ko" ra". Su" lo" re yao: bam lhang: qin" maca" qhid'10 au: khyo din: din: za: su: ko" ra". – Ai: gug' nyhug' byid dau" myo, khung: jham wa dashaid' khyo byu: myo, khung: , lo, yo shaid' wa lo:tin: myo, khung: , lo, vai: shaid' wa nung: jaung lo" myo, khung: de, mung: zeim baung: myo, khung: re: de, ko"11 ra". – Daung jham wa au: dao khyo phyid: lhu: ci mung: daung shid' lam: jho" xo' taui" ci ko" ra". Daung shid' daung: yang12 yao: yao" gaung re nghoe' ci ko" ra". – Yao: bam yaug nge, wa myo, khung: qang: ra" khyo din: din: su: ko" ra". Solo su: nug: ra" khyo: su: ko" ra". Lo, vai: lo, yo lhang ca" ru mangaid: .13 Ai jham: ave, wa de; zu" ra" myi: gyoe: we' bao: ra" myi: dam we' dau: ra". Myi: de; ru: yang khyi" khao: ngo" su" lhang: qin" mung: myi: khug mae" lhe' caid' thug'14 ra". – Ai: gug' nyhug' jham wa lhe' caid' vhag' ru ru: bao mung: tao" ye" qu" dam:15 lo: qu" kaid' na: ako". – Ai: gug' nyhug' jham re ngo zhaug' qu" na: au: yao: bam: anhae lhin" ce' byid dau de; ra" lhin" ce' dalam: lam: jo; ra".16 Ai: lhin" ce' jham: ave, wa laug qhi ave, we' dau: ra". Ai byid lam" geim" daja: daru: za: ngaid ko" ra". Akhyao wa lhin" ce' dalam" khug mae lhin" ce' dalam: te'17 to" ru" ru ngaid: ra". – Su" lo" ra" au: lhin" ce' jham wa daru: za: ngaid mung:18 malhang lo: za: su" lo" gai ko" ra". – Ai: lhin" ce' akheim" jham wa myhao mung: qu" gyaug sho' ru ngaid ko" ra". Ai: lhin" byid lam" geim" mae myo, jid' byang" sho'19 de; ra". – Ai: gug' nyhug' jham su" lo" lao" lhin" jham re: thao myhi thao khyain: cao"20 ko" ra". – Solo su" lo" ru we' dakhyo: yao: bam cao" su: ko" ra". Ai wa solo su" ra" khyo dang ngaid: ra". Lhin" ce' jham re: yao: bam we' te' te' cao" ko" ra". Khoru: ga" re ai: gug' nyhug' jham: solo wa lhin"21 ce' jham mae bo ko" ra". – Yao: bam su" lo" lao" lhin" ce' jham re: cao" su: ko" ra". Yao: bam thang lao" lhin" ce' jham re: cao: thang ko" ra". Yao: bam myid mae matin: lo: su: lao" lhin" ce' jham re: myid mae matin: lo: cao: su: ko" ra". Khoru: ga" re gug' nyhug' jham: solo wa lhin" ce' jham mae bo: ra". –22 Ai: gug' nyhug' jham: au: dao mae mug: nyhug ave, ru" ru bo mung: gyaug pho" ra"23 laug the: ru" ru ngaid: ra". – Mug: nyhug lasung" gyid' mae yao: bam: daung jham wa dalam: shaid' khyo dalam: ang ang phyid: lhu: to: ko" ra". Dashaid' mae yao: bam: gaung re nghoe' gam nae" tau: daung shid' daung daung de, shi: ko" ra".24 Yao: bam su" lo" ra" au: daung vhag' thoe wa qid dae mo" thoe ru: qam: mo" kheim: so' bo: AsAng: thoe ru: ngo the' gyo". Yao: bam jhau: ra" dao: thoe wa byu ajham ataung: jhau thoe re" ru: ngaid: ra". Thang: ra" au: daung jham re khyo" to: ko"25 ra". – Thang mung: daung khyo" to" ra" au: yao: bam: au: dao mae mug: nyhug lasung"26 khug mae" dao: thoe thug' na: ra". – Yao: bam: au: tho' mug: nyhug lasung" dao mae laug ne bo" ru" ru ave, de; ra" la kin thug' li" ra". La kin: akhyao dao mae byu khyao27 ve, vin: ra" ru thug' li" ra". – La kin khug mae re: avai: ayae mae re: phyid' dam: mae" au: dau: gu: laug nyug mai: we' myi: ave, ru: ngaid: ra". Khyid tam" dau: gu: wa myi: ru" ru ngaid mung: avai: ayae lhang"28 gam: mae de; bao: ra". – Ai re" ru: de; bao: ra" ave, wa mug: byam: ra" ba mae nhag' qhid' thaui: mae to" ye; li" ra" sang yhao re" ru: ngaid: ra". Ce: ru wa Mo"so: phung bao ave, akhyao ngaid: ra".