1 Naonhaung" wa myid gaung re Ma khae: yu nae" tau: pha" khyo" yang: kho' khaui" re shao lho" ra" myid gaung dacug' Mo"so re qhaug' ca" genae". Ai: ru re qhang khyo je jid: gyang: yao: shid' tug gyang: yao: lae phyao: datug gyang: yao: ngaid ca"2 nae". – Ai: myid gaung cug' wa agaung: mae qhang phyao: ngo" daung" lae phyao: re: ngo" yo daung" byid khyug daqi" qi" ngaid: ra" gu: wa shao gyang" jo, qo ngaid veshao: . Ai: tau mae lhang" gam" kyo: dam:3 khyo" ngo" xe daung" bo ca" nae". – Ai re" ru: ka" ru wa qhang phyao: shid' tug: ngo" taung , lae phyao: datug daung" ka" mung: gyai shao gyang" ra" jo, qo we' shao gyang"4 ra" jo, qo kaid' nae" tau: ngaid: ra". – Ai: shao lho" ra" myid gaung wa Mo"so: mau" vin nae" qui" te' li" mung: shao lho" jo, qo: mau" zaui" ra" khin: jaung qe: tau: ngaid nae". Yao: bam: yham kaid' nae" we' shao gyang" ra" jo, qo kaid' nae" myid gaung5 ngaid veshao: . – Qhang phyao: shid' tug: ngo" taung , lae phyao: datug: gu: wa yham khug mae mau" zaui: mo, Levi' byu qe na nae" tau: qe, shid' xe qe, kaid' nae" jo, qo ngaid nae".6 Vomo" we' tin" ra" myid gaung wa shao lho" ra" jo, qo anhae mae qhang phyao: datug: ngo" taung alae khyo ngo" taung lae mung: Israel mang: din" geim" tau: mae7 ngaid veshao: . – Shao lho" ra" myid gaung cug' we' vomo" kyo: dam: ba vao shaid' datam" we' ba thug' shaid' datam" gu: wa8 zug: pho" tau: ngaid veshao: . – Nga" zug: pho" wa thao phyao: nga" byu qe re se' da: be, khyaid' makaid' nae" akhyo ai: myid gaung cug' wa Israel mang: mae zug: sang: ra" myid gaung cug' ngaid veshao: . Dang shi" ra" myid gaung re Israel amyu" akaung aboe: jham re gae byid: ca" nae".9 AsAng Mo"so ce ru: ga: mho: ra". Israel amyu" zug: qe we" , ga" veko" ra". Se' da: be, khyaid' mau" re to" pye' mung: dang main" ra" khyo re cao" kaid' ge, . Nga" amyu" zo: qe re se' da: be, khyaid' dakaid'10 ge, ga: Mo"so mho: ra". – Jo main: ra" jao jo main: ra" lag , jo main" ra" lag jao11 re ci yhung: ca" genae". – Lag we' lag jao (Bad') wa daqi" qi" ngaid ca" nae". Shid' ja" geim" wa Home" re ngha mung: lag (Epha:) wa da Home" mae xe zhain dazhain , lag jao Bad' re: da Home" mae daxe zhain12 dazhain bo ca" nae". – Gera: shid' xe re dakye' , khyaug' xe kye' re da maneh: bo13 ca" nae". – Vo; lhaui: jhaung qhu" xeim: caung da" ra" au: mae saungso cin ngaid qere: , yho" cin ngaid qere: da Home" mae dabye: dahome" re caung da" ca" nae". –14 Xau we' tin: yang: cao" nae" ru wa dako ra' mae baid' daxe bun mae" dabun caung da" ca" nae". Dahome" wa daxe baid' ngaid mung: dakora' wa daxe baid' ngaid: ra". –15 Yao: bam: qobo re khyaid' nae" tau: Israel gyo, zo: jao: qid qo" ra" jo, qo mae na: ra" yao shid' yo mae" dadau: re gaug zo xeim: we' daga" myi: hab' nae" xeim: zam" khug xeim: jham re caung da" ca" genae" ga:16 Mo"so mho: ra". – Mang: byu din" byu alhab' wa ce: xeim: jham re Israel zug:17 pho" re khyui: dai" ca" genae". – Zug: pho" re: poe ba na lho" xin" ba dug no: ba Israel volo byu ham phaung: ba lam: khao: ngo" mae myi: hab' xeim: gaug zo xeim: vhe' sheim: xeim: jham re caung da" ca" nae". Israel amyu" qobo khyaid' nae" tau: qobo khyaid' xeim: gaug zo xeim: myi: phaid' ngaui" xeim: re thug' byid: ca" li" nae".18 AsAng Mo"so ce ru: ga: mho: ra". Sao qhid' lho" khye' daba: ne, mae no malo" ra" nung: jaung lo: abau: dadau: re ci: li" mung: shao gyang" jo, qo re shao kyang"19 ca" nae". – Khin: jaung pho" wa qobo khyaid' xeim: dau: mae" sa: daqhae: re yu mung: yham kham: zang mae re: , xeim: phain qao: byid jheim mae re: qe, khug: kham: zang mae re: gyaid byid: ca"20 nae". – Ai mae" getau shaid' nghung" ra" yaug we' makhyang: mashab: ra" yaug: tau: nhaid' ba: ne, mae ai re" ru: caung da" ca" nae". Yham: tau: mae re: qobo khyaid' poe21 re kaid' ca" nae". – Sao qhid' lho" khye' daxe: byid ba: ne, mae lai: loe, poe kaid' ca". Poe nhaid' ba: geim" mae bai: phaui:22 mabo: cinmain" re zo: ca" genae". – Ai: ba mae zug: pho" wa yao" tau: re: , mang: byu qe: tau: re: nung: jaung lo: dadau: re qobo khyaid' xeim: caung da" ca" nae". –23 Poe nhaid' ba: geim" mae Mo"so re phaid' ngaui" nae" nung: jaung lo: nhaid' dau: , no malo" ra" yao lo: nhaid' dau: re re: qobo khyaid' nae" tau: caid' be, nau" dadau: re ne, khao: ngo" caung da" ca" nae". –24 Nung: jaung ngaid qere: yao ngaid qere: dadau: dadau: we' bobo nae" gaug zo xeim: cinmain" nhug' dalag da-epha: xau dahin:25 re nyhang" seim" to: ca" nae". – Lho" nhaid' khye' khye' daxe: ngo" ba: ne, mae poe kaid' mung: azhao: mae" qobo khyaid' xeim: myi: phaid' ngaui" xeim: gaug zo xeim: jhaung qhu" , xau caung da" jhaung qhu" xeim: kaid' caung da" ru we' dakhyo: nhaid' ba lam: lam: kaid' ca" nae".