1 Ngo ai: lamyhung" re myao: ra" au: goe; gam" na: . Byu dayaug wa xaosu byu we" din: din: ye, wa, . Nao re ngo ta" kyo:2 nae" ga" thoe the' gyo" ke'. – Ai ru: ga: ngo re ta" na: au:solo wa ngo mae vao mung: ye, nhao: ra". Ngo we' jho" jhau: na yaug:3 dao: re ngo the' gyo" ru wa – Xaosu byu we" ngo re tau: lhain: ba ko" ra" amyu" ga" ra" ana" ba joe" phug' pho" qe we' daga" ngo re tau: lhain: mung: shaid' nghung" ra" Israel amyu" qe na: ra" khyo nao re4 ngo nhao nae". – Vae" ra" myo, nho we' qao: ra" nhag' myid bo ko" ra" amyu" qe na: ra" jao: khyo ngo nao re nhao mung: nao wa Mo"so mho: ru wa ein: yao: bam5 re ta" ca" nae". – Yao: bam wa tau: lhain: ba: ra" amyu" ngaid ko" mung: yao: bam tae" gyo: ko" ngaid ngaid matae" gyo: ko" ngaid ngaid yao: bam mae lapa na: ru re6 ba vegeshao: . – Xaosu byu we" nao zau: jam" aja: ja: we' thaung" qhug' mung: gung gug' jham we' na ngaid qere: yao: bam re dagyaug. Yao: bam wa tau: lhain: ba: ra" amyu" ngaid mung: yao: bam: dao: thoe re dagyaug. Yao: bam: myo, nho: mathao7 nhag' lam: dabyo, . – Yao: bam tau: lhain: nae" nhag' myid bo ko" mung: tae" gyo: ko" qere: matae" gyo: ko" qe re: nga" dao:8 re yao: bam re ta" kyo: ca" nae". – Xaosu byu we" ngo ta" ra" dao: re tae" gyo: wa, . Ai: tau: lhain: ba: ra" byumyu" re" ru: tau: lhain: nae" nhag' myid dabo. Ni" nhaid' ho" mung: ngo byid' ra" ja: re zo: wa, ga: mho9 lao" – Ngo qu" ke' re tung" dang: zhab' ci: ra" lo, wa ngo jhao" li" yheim" ke' ra". –10 Ai: tung" dang: re nga" qhid' kheim: mae phung" ke' re ai: myo, nho shid' lam: mae kaug' myain" qhu: thoe we' nhag' lam: yaug mayo nyung thoe we' byuxa: voqoe, nae" khyo bo: bam: ra".