1 Mo"so ce ru: ga: mho: ra". Ba thug' shaid' qang: ra" akhug: kham: re mau" zaui" ra" khyaug' ba geim" pyid' to: ca" nae". Dug no: ba we' lho" xin" ba mae2 phung" to: nae". – Zug: pho" wa ai: kham: mo" dung: khyo" vao mung: kham: zang nhae ye; na ca" nae". Khin: jaung pho" wa zug' myi: phaid' ngaui" xeim: , zam" khug xeim: jham re caung da" mung: yao: wa kham: baung nhae mae goe; pa" bin lao" taung gaung khyo thug' lo" nae". Ngaid qere: myi" thao joe" sho' kham: re magai:3 pyid' shi: nae". – Ai we' dakhyo: mang: byu qe wa dug no: ba mae ai: kham: dung: nhae mae Mo"so re goe; gam" pa" caung:4 ca" genae". – Dug no: ba mae zug: pho" wa phaid' ngaui" xeim: no malo" ra" yao nau" khyaug' dau: , yao lo: dadau: re Mo"so:5 qhid' kheim: khyo ci: li" ca" nae". – Gaug zo xeim: ngaui" nae" tau: yao lo: dadau: we' cinmain" nhug da-epha: , xau dahin: re re: yao nau" we' ca" qo: ra" gu: re caung6 da" nae". – Lho" xin" ba mae no malo" ra" nung: jaung lo: dadau: , yao nau" khyaug' dau: , yao lo: dadau: re caung da" byid: ca"7 nae". – Gaug zo xeim" tau: nung: jaung dadau: we' cinmain" nhug da-epha: , yao dadau: we' da-epha: , yao nau" we' qo ca" ra" gu: re re: , cinmain" nhug da-epha: we' xau dahin: re caung da" byid: ca" nae". –8 Zug: pho" vao: ra" kham: mo" dung: khyo" vao mung: ai: kham: khyo" dam: thug' ca" nae".9 Mang: byu qe wa tu" ka" to" poe ayo, mae Mo"so: qhid' kheim: khyo vao: re qid meim: kham: khyo" vao yaug wa qid bang" kham: khyo" thug' shao: . Qid bang" kham: khyo" vao yaug wa qid meim: kham: khyo" thug' shao: . Vao: ra" kham: khyo" gai: thug' nae" mangaid: . Myo, khung: qang: ra"10 kham: khyo" za: gai: thug' nae". – Mang: byu qe vao lao" zug: pho" re: vao nae" ngaid: ra". Yao: bam thug' lo" lao" zug: pho"11 re: cao: thug' nae" ngaid: ra". – Poe kaid' mung: volo byu ham phaung: ra" ayo, mae gaug zo xeim: jhaung qhu" wa nung: jaung dadau: we' cinmain" nhug da-epha: , yao dadau: we' cinmain" nhug da-epha: , yao nau" we' qo ca" ra" gu: re re: , cinmain" nhug da-epha: we' xau dahin: re caung12 da" ca" nae". – Zug: pho" wa yao: yao" nhag' myid khyo" phaid' ngaui" xeim: , zam" khug xeim: re yao: yao: o ngaui: ru we' dakhyo: Mo"so re caung da" ra" au: ba thug' shaid' qang: ra" kham: re phung" nae" ngaid: ra". Yao: wa dug no: ba mae caung da" ru we' daru: za: caung da" nae" ngaid: ra". Bin: caung da" yang: dam: thug' lo" mung: kham: re pyid' to: co' ca" nae". –13 Ne, qug Mo"so re phaid' ngaui" nae" xeim: no malo: dazin: yao nau" dadau: re ne,14 seim: ayo, mae caung da" ca" nae". – Ne, seim khao: ngo" yao nau" we' daga" gaug zo: xeim: cinmain" nhug da-epha: mae khyaug' bun mae" dabun re caung da" ca". Ce ru wa Mo"so re malam: lai: kaid' cao" nae" gaug zo xeim: jhaung qhu" ngaid:15 ra". – Ai re" ru: ne, qug malam: lai: phaid' ngaui" na nae" tau: yao nau" re re: , gaug zo xeim: jhaung qhu" we' xau re re: seim" nyhang" ca" nae".16 AsAng Mo"so ce ru: ga: mho: ra". Zug: pho" wa yao: zo: re jhaung qhu" daja: ja: re byid' re ai: jhaung qhu" wa Ma dai kham ngaid mung: yao: zo: wa Ma khyo" khae:17 yu: li" nae". – Jeim re Ma dai kham daja: ja: byid' ru kam" wa loe, nae" zin na joe" sho' za: gai: sang nae". Thao mae zug: pho" lo, khyo dam: joe" nae". Yao: zo: wa malam: lai" Ma khae: yu zai ngaid: ra". –18 Ai mae" getau zug: pho" wa mang: byu qe: Ma mug: myid re lhaid' yu mung: myid gaung sang re magai: khe' thug' nae". Yao: yao: sang: ra" mug: myid mae" yao" zo: dau qe re Ma byid: ca" nae". Nga" byu jham re yao: bam sang: ra" Ma mug: myid mae maqo" na lo: khyi" khao: ngo" khyo magai: byo: sin" lo" nhao nae".19 Ai: thao yao: wa kham: dung: nhae mae jo; ra" vao dung: khyo" ngo re jhui" lo" mung: qid meim khyo qang: ra" khin: jaung qe: shao gyang" ra" jo, qo khug khyo vhao" mung: ba vao shaid' mae jo; ra" jo, qo dalam: re ngo the' myao: ke'.20 Ce: jo, qo wa khin: jaung qe zai" shaid' qobo xeim: , qobo khyaid' xeim: re jho' kyug' mung: gaug zo xeim: , cinmain" baung" ra" jo, qo ngaid: ra". Byu qe re shao lho" nhao nae" tau: mae ai: zai yo jham re taung gaung khyo magai: ci: thug' nae" ga:21 ngo re mho: ra". – Dam: qe, khug khyo ngo re vhao" mung: kho' qae byid jheim jham re su" lo" nhao yang: ai byid jheim jham mae kho' qae dalam: lam: jo; ru re22 ngo myao: . – Ai: kho' qae nau" jham wa qhang phyao: byid xe daung" lae phyao: sam xe daung" bo mung: apyi azhaung23 daqi" za: ngaid ko" ra". – Ai: byid khyug: akhug lhang" gam: mae jho' yhaung" nae" tau: laug koe jham ajin taung" jo; bam ko"24 ra". – Ce: jo, qo jham wa yham lhaug' mo, byu qe caung da" ra" xeim: dau: jham jho' kyug' ra" jo, qo ngaid: ra" ga: ngo re mho: ra".