1 Ngonhaung" wa sham" jhui" pyaung" lo" ru shid' xe: ngo" zin ein: zin sao qhid' lho" khye' daxe: byid ba: ne, Yerusa- lem: re li" phyo' ko" ru daxe: byid zin lo" byang" ne, mae Mo"so: lo, wa nga" dao mae ngaid mung: ai: vogaung: khyo jhui"2 lo" ra". – Mo"so: lamyhung" khyo" ngo re Israel mang: khyo jhui" lo" mung: gyai myhao: ra" bam dao na nhao: ra". Ai: bam anhae mae qid bang: shaid' qhid' kheim:3 qang: ra" vogaung: ru" ru jo; ra". – Ai: jo, qo khyo ngo re jhui" lo" ra" au: gyid: bo" ru" ru ave, ngaid: ra" byu dayaug thug' ka" nae" je jid: yao: we' khyang taui: ci yang: vogaung" kham: dung: mae ye; jo; ra". –4 Ai: yaug wa xaosu byu we" gelho: zhaug' qu" wa, . Gelho: za: tae" gyo" yu wa, . Ngo qhu" nae" mau" re nhag' kao" mae xam" ci wa, . Nao re qhu" nae" tau: ce: jo, qo khyo nao re jhui" lo va". Myao: ra" gu: alhab' geim" re re: Israel amyu" zo: qe re qhu"5 ca" nae" ga: mho: ra". – Ai: yham lhang" gam: mae vokham" kyae" to: ko" ra". Ai: yaug wa khyaug' daung" qhang: ra" je: jid: gyang: ci yang: ai: vokham" re ka" mung: thau phyao: dagyang: yao: myhao phyao: dagyang: yao: bo: ra".6 Ai: thao ba thug' shaid' kham: khyo lo" mung: zam thao do, yang: kham: baung re ka" mung: lae phyao: je jid: dagyang:7 yao: bo: ra". – Qe, nau" jham wa daqe, we' daqe, ngo" daung" kyo ko" ra". Qhang phyao: dagyang: yao: lae phyao: dagyang:8 yao: ngaid ko" ra". – Qe, khug: kham:9 baung re je jid: dagyang: yao: bo: ra". – Vao kham: mo" dung: re re: ka" mung: qhang phyao: she' daung" myhao phyao: shid' daung" daung" bo ko" ra". Vao kham: wa10 qe, khug shaid' mae ngaid: ra". – Ba thug' shaid' kham: shid' shaid' geim" mae qe, nau" nau" zo: sam qe, qe, jo, mung: qhang phyao: lae phyao: amyhao daqi" daqang"11 za: ngaid ko" ra". – Kham: dung: re re: ka" mung: lae phyao: daxe daung" amyhao12 khyo daxe: sam daung" bo: ra". – Qe, nau" jham: taung gaung shid' shaid' geim" mae gin: jao" dadaung" de; ra". Ai: qe, nau" jham wa apyi azhaung khyaug' daung" daung"13 bo: ra". – Ai: thao qe, nau" daqe, mhao: thao mae" ru daqe, joe" sho' ka" mung: lae phyao: shid' xe: ngo" daung" jho" kyo ko" ra". Kham: jham re: dau" te' ngaid ko"14 ra". – Kham: dung: lhang" gam: vokham" akhug: jheim: zang joe" sho' khyaug' xe daung" jho" kyo sho' zhaug' to: ko" ra". –15 Taung gaung kham: dung: mae" ru akhug: vao kham: mo" dung: joe" sho' ngo" xe16 daung" ngaid: ra". – Qe, jham , kham: akhug: zang jham vao kham: mo" akhug: shaid' mae lhae" ra" kham: zo: dung: jham jo; ra". Zang jham mae zhun:palun: gae:17 alho co' tung" te" to: ko" ra". – Ai: thao ngo re taung gaung: vokham" khyo jhui" vhao" mung: qe, jham re ngo myao: . Laug myhung" to: ko" ra". Laug myhung" to" ra"18 adao sam xe qe, phag' to: ko" ra". – Kham: jham re cao" mung: kham: nhae mae jo; ra" laug myhung" to" ru wa o mae" laug myhung" to" ru ngaid: ra".19 Yao: wa o: zhao" kham: dung: taung gaung mae" ru akhug: vang" kham: dung: joe" sho' ka" mung: ai: dayo daung" jho" kyo ko" ra". Ba thug' shaid' qid bang"20 shaid' daqi" za: ngaid ko" ra". – Dam: qid meim shaid' khyo jhui" lo" mung: taung gaung: vokham" qid meim khyo qhid' kheim: qang: ra" kham: amyhao we' lae21 phyao: re ka" ra". – Qe, jham wa thoes- haid' ceshaid' mae sam qe, qe, ngaid: ra". Zang jham sag' qhang jham wa sao qhid' mae" kham: dung: we' daru: za: ngaid: ra". Qhang phyao: ngo" xe daung" lae khyo22 shid' xe: ngo" daung" ngaid: ra". – Kham: zo: dung: , sag' qhang , zhun:palun: gae jham wa sao qhid' mae" kham: dung: we' daru: za: ngaid mung: qhang phyao: ngo" xe daung" alae khyo shid' xe: ngo" daung" ngaid: ra". Zam thao nhaid' kham kham: dung: khyo do; ra". Sag' qhang jham wa zam thao we' dajin za: ngaid: ra".23 Vang" akhug mae qid meim: kham: dung: we' ba thug' kham: dung: vang" vang" ngaid: ra" kham: dung: ngaid: ra". Taung gaung vang" kham: mae" ru vang" akhug: kham: joe" sho' dayo daung" jho"24 kyo ko" ra". – Ai: thao mae qid bang: shaid' khyo jhui" lo" mung: kham: re the' myao: , zang jham sag' qhang jham re ka" mung: sao qhid' re" jham we' daru: za: ngaid:25 ra". – Sao qhid' mae" kham: zo: re" ru: kham: zo: dung: jham , sag' qhang jham jo, mung: qhang phyao: ngo" xe daung" alae khyo shid' xe: ngo" daung" ngaid: ra". –26 Zam thao nhaid' kham kham: khyo do; ra". Sag' qhang we' dajin za: ngaid: ra". Shaid' khao" ngo" zang jham mae zhun:palun:27 gae alho co' tung" te' to: ko" ra". – Qid bang: shaid' mae akhug: vang" kham: jo; ra". Kham: dakham: we' dakham" agyo: mae ka" mung: dayo daung" jho" kyo ko"28 ra". – Dam: akhug: vang" khug khyo qid bang" kham: khyo" vhao" mung: sao qhid' mae" we' daru: za: akhug: kham: re ka"29 ra". – Qe, ngai jham , sag' qhang jham , zang jham wa sao qhid' mae" re" ru: daqi" za: ngaid ko" ra". Kham: lhang" gam: mae re: , sag' qhang lhang" gam: mae re: kham: zo: bo mung: qhang phyao: ngo" xe daung" lae phyao: shid' xe: ngo" daung" ngaid:30 ra". – Lhang" gam: mae" sag' qhang jham re: qhang phyao: shid' xe: ngo" daung" alae31 khyo ngo" daung" ngaid: ra". – Sag' qhang jham wa taung gaung: vokham" khyo myo, nho qang mung: zang jham: adao mae zhun:palun: gae alho co' tung" te' to: ko" ra". Zam thao she' kham khyo" do; ra". –32 Ba thug' shaid' mae re: akhug: vokham" khug khyo" vhao" mung: ai: kham: re sao33 qhid' mae" dakhyo: ka" ra". – Qe, ngai jham zang jham , sag' qhang jham wa sao qhid' re" ru: daqi" za: ngaid ko" ra". Kham: lhang" gam: mae re: , sag' qhang jham mae re: , kham: zo: bo mung: qhang phyao: ngo" xe daung" alae khyo shid' xe: ngo"34 daung" ngaid: ra". – Sag' qhang jham wa taung gaung: vokham" shaid' khyo qang yang: shid' shaid' mae" zang jham mae zhun:palun: gae alho co' tung" te' to: ko" ra". Zam thao she' kham: yang do, ko"35 ra". – Dam: qid meim: kham: khyo jhui" lo" mung: sao qhid' lhang re" ru: ka" ra". –36 Qe, ngai jham , zang jham , sag' qhang jham: lhang" gam: mae kham: zo: jham we' byang" ra". Qhang phyao: ngo" xe daung" alae khyo shid' xe: ngo" daung" ngaid:37 ra". – Sag' qhang jham wa taung gaung vokham" khyo qang mung: thoeshaid' ce shaid' zang jham mae zhun:palun: gae alho co' tung" te' to: ko" ra". Zam thao she'38 kham khyo" kham: khyo do; ra". – Myi: phaid' ngaui" nae" xeim: dau: jham re qid:39 yang cid' nae" qe, daqe, jo; ra". – Phaid' ngaui" xeim: , qobo khyaid' xeim: , zai" shaid' nghung" qobo khyaid' xeim: dau: jham re se' nae" tau: vao kham: akhug shid' shaid' mae gai" shid' gai" to" to: ko" ra". –40 Qid meim: kham: khyo do, nae" vao kham: taung gaung shid' shaid' mae re: , gai" shid'41 gai" jo, mung: – Kham: dung: shid' shaid' geim" mae xeim: dau: re se' nae" gai" byid gai" jo; ra". Alhab' re she' gai" ngaid: ra". –42 Phaid' ngaui" xeim: tau: mae be; lhang" yhaung" yu: ra" laug pye: byid lam: jo; ra". Qhang phyao: dadaung" dathu , lae phyao: dadaung" dathu , amyhao khyo dadaung" bo: ra". Ai: gai" dao mae xeim: ngaui" au:43 ci nae" zai jham kai" to: ko" ra". – Ai: gai" dao lhang" gam: mae lo, byid shi: kho da bu daung" pye' mung: caung da" ngaui" nae"44 xeim: sho: kai" to: ko" ra". – Qe, khug: kham: taung gaung mae vokham" akhug: shaid' mae qe, shid' qe, re ngo myao: , daqe, wa qid meim: kham: nhae mae jo, mung: qid bang: khyo qang: ra". Daqe, wa qid bang" kham: nhae mae ngaid mung: qid45 meim khyo qang: ra". – Qid bang: khyo qang: ra" qe, wa yham mae caung da" ra" khin jaung jham na nae" , qid meim khyo qang: ra" qe, wa xeim: ngaui" zaui" ra" khin46 jaung jham na nae" qe, ngaid: ra". – Ai bam re Mo"so jhao" qui" te' mung: mau" vin nae" tau: mae Levi' zo: qe mae khyin: yu: ra" Zadug' zo: myid: qe ngaid ko" ra"47 ga: ngo re mho: ra". – Ai: au: vokham" re ka" mung: qhang phyao: dayo daung" lae phyao: dayo daung" lhang" gam: ngaid: ra". Xeim: phain wa yham jao: kheim: mae48 zhaug' to: ko" ra". – Yao: wa jao: kheim: khyo ngo re jhui" thug' lo" mung: kham: dung: shid' lam: re ka" yang: lae phyao: ngo" daung" daung" ngaid: ra". Kham: pyid' the: shid' lam: wa sam daung" daung"49 ngaid: ra". – Jao: kheim: wa aqhang khyo shid' xe daung" apyi khyo daxe: dadaung" bo: ra". Zam thao daxe kham khyo" do; ra". Yham jao: kheim: thoe shaid' ce: shaid' mae zang baung: dazang zang zaug: jo; ra".