1 Ai: thao ba thug' shaid' khyo qang: ra" kham: dung: khyo dam: jhui" lo" ra". –2 Israel amyu" Mo"so: phung bao wa ba thug' shaid' khyo" li" lo mung: thoe wa qid dae mo" myang thoe re" ru: ngaid: ra". –3 Ngo myao: ra" lamyhung" wa vogaung: re phyo' pye' nae" tau: thug' ra" lamyhung" we' Kheba: qid yae mae ngo myao: qu" va" lamyhung" ru" ru ngaid mung: ngo wa myo, khung: goe; gam" yang: na: jo; . –4 Mo"so: phung bao wa ba thug' shaid' khyo qang: ra" kham: dung: gau: khyo" yham5 khug khyo vao lo" ra". – Alao"solo wa ngo re vo, yang: vang" khug khyo jhui" lo" mung: qu" wa, . Mo"so: phung qab bao6 wa dayham geim" byang" jo; ra". – Azhao: mae" byu wa nga" nhae mae ye; na zo" re" yham khug mae" ngo re mho" ra" thoe7 re ngo the' gyo" ke' ru wa – Xaosu byu we" ce: jo, qo wa nga" la kin jo; na nae" jo, qo Israel amyu" zo: qe mae malam: lai: nga" jo, qo boe" nae". Israel jhaung zug: qe we' amyu" zo: qe shaid' nghung" ra" khyo" re: jhaung zug' shid mao gaung khyo" re: myhao: ra" bug gaung jham mae nga" mang khyao: makhyoe' majung" lo:8 genae". – Yao: bam: kham: baung , yao: bam: khaung zang wa nga" kham: baung , khaung zang anhae mae zaug: jo, yang: yao: bam we' nga" agyo: mae kho' qae za: akyo lo" ru: yang yao: bam: anyain: avho: mau" zo" jham: yang nga" mang khyao: re maphug' mamyao: , anyain: avho: kaid' ko" mathao ngo nhag' yo: mung: yao: bam re9 phyo' pye' va". – Ana" kam" wa yao: bam shaid' nghung" mau" we' jhaung zug' shid mao gaung jham re ngo mae" va" lin: sho' qab: pye' geshao: . Ngo re: yao: bam we'10 malam: lai: lo: na nae". – Xaosu byu we" Israel amyu" zo: qe yao: yao" qobo: mathao qho' phau: vegeshao: . Ai: pa" jhaung: yham re qhu" wa, . Pa" yham: akhyao alho11 re yao: bam ka" qu" vegeshao: . – Yao: bam wa yao: yao: zai" shaid' ra" mau" yang dang dang qho' ko" re yham alho we' vao thug' kham: jham , cao" nae" cao" khyao jham , li cao" khyao jin kham" tarha" alhab' geim" re ci: qhu" wa, . Li cao" khyao jham re yao: bam cao" pyang" vegeshao: yao: bam: qhid' kheim: tung" to: wa, .12 Bam nyaug mae de" to" ra" pa" yham: cao" khyao tarha" wa pa" yham: kyo: dam: khug mae bo: ra" gu: alhab' wa shao gyang" ca" nae". Ce wa pa" yham: tarha" ngaid va".13 Xeim: phain: apyi azhaung wa sam thu dadaung" yang ka" re phain apain dada- ung" , lae phyao: dadaung" lhang" gam: ayae dathu bo mung: ce ru wa xeim: ngaui"14 phain: apain aqao: ngaid: ra". – Apain mae" shid' daung" myhao mung: lae phyao: dadaung" ngaid ca" nae". Lhae" ra" kai" we' lae: ra" kai" agyo: mae byid daung" myhao mung: lae phyao: dadaung" ngaid ca"15 nae". – Xeim: ngaui" phain myhao phyao: re: byid daung" ngaid ca" nae". Khyug byid16 khyug re re: bote' ca" nae". – Ai: xeim: phain wa byid khyug daqi" qi" ngaid mung: aqhang khyo daxe: shid' daung" lae phyao: re: daxe: shid' daung" ngaid ca" nae". –17 Apain re: byid khyug daqi" qi" ngaid mung: qhang phyao: daxe: byid daung" lae phyao: re: daxe: byid daung" ngaid nae". Avai: ayae lhang" gam: dathu myhao ca" nae". Qao: tae wa xeim: phain lhang" gam: mae dadaung" ze mung: zam thao wa ba thug' shaid' khyo qang ca" nae".18 Dam: xaosu byu we" Mo"so mho: ru we' dakhyo: phaid' ngaui" xeim: re caung da" mung: sa: re pyi" sheim: nae" tau: phain re kaid' ra" ne, mae cao" nae"19 tarha" cao" khyao wa – Mau" zo" zaui:so: nae" ngo jhao" qui" te' li" ra" Levi' amyu" Zadug' yao: zo: myid: khin jaung qe re qobo khyaid' xeim: kaid' nae" nung: jaung:20 lo: abau: dadau: ci: li" ca" nae". – Nung: jaung sa: daqhae: re yu mung: xeim: phain mae khyug byid khyug akham azhao" byid jheim ayae lhang" gam: re gyaid: ra" khyo"21 yang shao kyang" ca" nae". – Qobo khyaid' nung: jaung re yu mung: shao gyang" qe, taung gaung pa" yham khug nyhang" to" ra" jo, qo mae myi: ngha" hab' ca" nae". –22 Shid' ba ein: ba mae re: no malo" ra" caid' nau" dadau: qobo khyaid' xeim: caung da" ca" nae". Xeim: phain re nung: sa" yang shao kyang" re" ru caid' sa" yang shao23 kyang" ca" nae". – Ai re" ru: xeim: phain re shao kyang" bin thao mae no malo" ra" nung: jaung lo: abau: we' no malo" ra" caid' lo: re Mo"so: qhid' kheim: caung da" ca"24 nae". – Khin: jaung qe wa xo: phyu: yang: Mo"so: qhid' kheim: ngha" ngaui" caung25 da" ca" genae". – Nhaid' ba lam: lam: dane, mae caid' be, dadau: dau: re qobo khyaid' xeim: toe' mung: caung da" ca" nae". No malo" nung: jaung lo: abau: dadau: we' yao lo: dadau: re re: caung da" ca" nae". –26 Nhaid' ba lam: lam: xeim: ngaui" phain re shao kyang" mung: yao" gaung re re: khin:27 jaung aya: re khae: yu ca" nae". – Nhaid' ba lo" byang" mung: she' ba: ne, mae re: ai: ba: ne, mae" qhid mung: re: , khin: jaung qe wa xeim: ngaui" phain dao mae naon- haung" myi: hab' xeim: we' zam" khug xeim: jham re caung da" byid: ca" genae". Ngo re: naonhaung" re khae: yu nae" ga: AsAng Mo"so mho: ra".