1 Ai mung: xaosu byu we" Go" ga, shaid' myo, khung: qang lapa pa mung: Mo"so ta" ru re zhao: kyo: nae" ru wa- Yosha' , Meshed' , Tubala' mang: jham re ug: ra" Go" ga, zug: we" ngo nao re lham: tau:2 lhain: nae". – Ngo nao re lao" lhang: yu yang: qid meim shaid' mae" do, lo mung: Israel bam jham: adao khyo joe" do, nhao3 nae". – Ai: au: ni" lo, kaung: shaid' mae" la: re re: , ni" lo, yo shaid' mae" myo: khe'4 re re: ngo be; khyo" pye' byid: nae". – Nao we' ni" gyezo: jham wa Israel bam jham: adao mae lang" gyoe; shid genae". Naon- haung" re ngho' aja: ja: we' din" yo mae" zoqhid jham: zo: pho: boe" nae" tau: ngo qhaug' pye' nae".5 Nao wa din" yo mae lang" gyoe; shid: li" nae". Ngo ta" va" ga: Mo"so mho: ra".6 Mago" ga, mang: we' qid dae yae nhae mae yaug yo za: na ko" ra" mo; adao khyo myi: re nhao: ke' mung: Ngo wa AsAng7 Mo"so ngaid: ru re ba: li" genae". – Ai re" ru: nga" mang khyao: re nga" byu Israel qe mae bao myhao" nae". Thao phyao: yao: bam nga" mang khyao: makhyoe' lo: genae". Ngo wa Israel amyu" qe: shao gyang" ra" Mo"so , gyag maqhui: Mo"so ngaid: ru re getau: byumyu" qe ba: lo: li"8 genae" ga: mho: ra". – Dam: Mo"so mho: ru wa ai: ba na wa joe" va". Ai: mau" wa boe" nae". Ngo ta" to" ra" ba na wa ce: ba9 va" ga: Mo"so mho: ra". – Israel vogaung: jham mae na ko" ra" mo, wa thug' ye: mung: gye khaid' sin: , go , la: myo: khe' , lhae daung: jham re nhaid' zin lam: lam: myi: ngha" li" genae".10 Ai: ayo, mae khyae mae thao: maqho , seyo mae thao: mathau , gye khaid' sin: jham we' myi: maid: li" genae". Phyo' zo: phyo' shaug' mo, re phyo' lhaui" pye' li" genae". Lhaid' zo: lhaid' shaug' mo, re re: lhaid' zo" pye' li" genae" ga: Mo"so mho: ra".11 Ai: ayo, akhin: mae Israel mang: qid tham: ba thug' shaid' su" lai: qin" ra" lao: khaung: mae lab bug re Go"ga, jhao" ngo byid: nae". Su" lai: lhau mo, nho jhid' ci: li" genae". Ai: jo, qo mae Go" ga, we' yao" byu thaui: alhab' re nyhab' mung: ai: jo, qo wa Hamon: Go" ga, lao: khaung: ga: mang12 mhang" genae". – Israel amyu" zo: qe wa mang: din" re shao kyang" nae" tau: nhaid' zin lam: lam: nyhab' shaung genae". –13 Mang: din" byu alhab' wa myid gaung mae ceim" nyhab' shaung ko" ru: yang nga" phung bao phung" ra" ai: ba na mae yao: bam re: ham" hung: qi" ru khyo joe"14 genae" ga: Mo"so mho: ra". – Khyi" khao: ngo" su" lhang: qin" ru we' daga" myid gye, dang: jo, shi" ra" shid mao jham re ceim" shaung: nyhab' mung: ai: mang: re shao kyang" nae" tau: byu khyin: nha: to" li" genae". Yao: bam wa lho" mo" nhaid' khye'15 cao" qho ko" re – Su: du" lai: lhau mo, sho: qug: re the' myao lao" shaung: nyhab' mo, wa Hamon: lao: khaung: mae manyhab' shi: re sho: qug: nhae mae so: xam: zang16 zhaug' ca" genae". – Ai: jo, qo mae de" ra" vogaung: re re: , Hamon: vogaung: ga: mhang" yang: mang: din" re shao kyang" li" genae".17 Xaosu byu we" Mo"so: dao: re ngho' cao jab we' myid gye, gug' nyhug' jham re kai" zhao: kyo: nae" ru wa zang" ham: lo ge, . Israel qe: bam dao mae ngo nyhang" to" ra" poe mo" khyo khyi" khao: ngo" mae" zang" ham: lo mung: sho: sa: re zo: shaug'18 nae" tau: zang" lo ge, . – Naonhaung" wa qam: mo" bo: ra" mo; sho: , mug: myid: zug: qe: sa: , Bashain: mang: mae xau sho' khau: to" ra" yao lo: , caid' lo: , nung: jaung lo: jham: sa: sho: re qhug' zo: shaug' li" genae".19 Naonhaung" tau: ngo nyhang" seim" to" ra" xeim: ngaui" poe mae xau thaung: re gyi: sho' zo: genae". Sa: we' yid sho'20 qhug' shaug' genae". – Naonhaung" wa nga" zobo" mae myao: we' myao: jui: mo, qam: mo" bo mo, gye khaid' ra" mo, cao jab re gyi: gyi: baug baug zho: jhaug' nae" ga: Mo"so mho: ra".21 Ngo wa nga" phung bao ham" hung: re labug: byumyu" jham: qhid' kheim: mae ci: myhao" mung: ngo khyo" to" ra" tarha" mau" we' yao: bam mae nga" lo, kai" qang: to" ru re labug: amyu" qe the' myhao: li"22 genae". – Ngo yao: bam: Mo"so ngaid: ra" akhyo re Israel amyu" zo: myid: qe wa ai: ba mae" qhid mung: ba: li" lo genae". –23 Israel amyu" zo: myid: qe wa yao: bam: amyu" qobo: mathao mae cam" sham" pyaung" tai: lo" qhug' ra" akhyo re labug: byumyu" qe ba: li" genae". Ngo re zai" shaid' ko" mathao ngo myo, khung: lhang: phaug' mung: gyevo: lo, mae qhaug' pye' ru: yang ai bam alhab' wa shae gye mae shid veko".24 Yao: bam: mashao malho" mau" , yao: bam lhoe" shaid' ra" mau" zo" we' daru: ngo yao: bam re dae co' phaug' mung:25 nga" myo, khung: lhang phaug' va". – Ai mung: Mo"so ce ru: ga: mho: ra". Sham" pyaung" tai: lo" qhug' ra" Yaku' amyu" re dam: jhui" lo mung: Israel amyu" zo: qe alhab' re nhag' myain: khyi: yu: ra" khyo" nga" mang khyao: re ngo gug: gam nae". –26 Yao: bam re byumyu" cao jab: khug mae"27 ngo khai: jhui" lo" mung: – Ngo yao: bam re gyevo qe: mang: din" mae" khai: zhang: mung: nga: lho" nhao: ra" akhyo byumyu" cao jab myo, qhao: tae mae yao: bam re kyaug' nhin" su mana , phain dang yaug yo qhug' na ko" ra" ayo, mae phau" lai: lo va" qho' gyaug we' ngo re shaid' nghung" lo: ra" qobo jham re myid: beim" li" genae" . –28 Ngo yao: bam re labug: amyu" qe sham" jhui" pyaung" phau: nhao: ra" mathao mae re: , dam: na qao: mang: khyo jhui" lo: ra" akhyo: mathao mae re: yao: bam: AsAng Mo"so ngaid: ra" akhyo re ba: li" genae". –29 Ngo wa Israel amyu" zo: myid: jham: adao mae nga" solo re vhe' sheim" ra" au: yao: bam dayaug re re: shepye' lo: nae" mangaid: . Nga" myo, khung: re: malhang: phaug' lo: nae" ga: Mo"so mho: ra".