1 Dam: Mo"so: mung dao: wa ngo jhao"2 joe" gyo" li" mung: – Xaosu byu we" Yosha' , Meshed' , Tubala' mang: re ug: ra" Magoga' mang: byu Go"ga, jhao" myo, khung: qang lapa pa yang: kai" zhao: kyo:3 wa, . – AsAng Mo"so: dao: re kai" zhao: kyo: nae" akhyo wa Yosha' , Meshed' , Tubala' mang: re ug: ra" Go" ga, jhaung zug: we" ngo nao re lham: tam" kyo"4 nae". – Nao re ngo dam: li" nhao nae". Ni" boqae re jo, to' nghoe" yang nghoe" zhaug' re nao mae" mung: sin: cao jab ci: ra" mo; go , shae re ci: ra" mo, mo" thaui: jham we' myao: , myao: jui: sulhe: jham re ngo5 jhui" yu nae". – Yaug nge, go ci mung: jo, to' maug re zhaung" ci: ra" Persi' mang: byu , Khusha' mang: byu Phuta' mang:6 byu – Go"ma: we' yao" gyezo: jham qid meim: mang: byu Togama' amyu" we' yao" gye phung: mo, mo" thaui: jham wa7 nao we' daga" cao: li" genae". – Nao mae ham phaung: na veko" mo, mo" thaui: we' daga" nao yao: seim" jin" wa, . Seim" nyhang" na zo" re" yao: bam re lao" na8 wa, . – Ga" go" zo: myao" thao mae nao wa ug nae" akhang" qo" li" nae". Shae gye mae" lhoe, mung: byumyu" cao jab: khug mae" jhui" thug' yu: ra" mang: byu , myao" mae" cae: jhug tag boe" jo; ra" Israel qe: bam dao khyo dam: jhui" lo: ra" mang: byu qe na: ra" jao: khyo thao phyao: nao wa gye she nae" li" lo nae". Ai: mang: din" byu jham byumyu" cao jab: khug mae jhui" thug' lo: ru ngaid mung: damang" geim" mae phain dang yaug yo za: na: na9 ko" au: mae – Nao wa mug: qu la qam" re" ru: li" lo mung: nao mae bocao: ra" gyezo: mo, mo" thaui: wa ai: mang: mae10 mug: dab: ru ru: boe" nae". – Mo"so ce ru: ga: mho: ra". Ai: ba na mae nao wa ja: khao: ja: ngo" mae magai: ra" ru myid:11 yaung tau" da: li" nae". – Vozo: vozang myo" ra" mang: vokham" makyae" , kham: kyao" makyao" , kham: dung: made, gaung yug nae" pe" majo, yaug yo: ra" mang: din"12 khyo ngo ye" lo" mung: – Yao: bam: zai yo jo, nho" re sham" yu nae". Qhid' phyao: cae: jhug tag ngaid mung: ana" byu na: ra" jo, qo jham re re:, byumyu" cao jab mae" zang" lo yang: gug' nyhug' jham we' jo, nho" jham qo" ko" ra" mang: gaung: mae na mo, re re: khaid' nae" myid yaung: li" nae".13 She: ba' mang: byu , Dedain: mang: byu Tarshi' gau mung myho" khyo" mo, we' lo:tin: bae: alhab' geim" wa nao jo, nho" jham lhaid' yu nae" tau: li" lo: i"? Gug' nyhug' we' ngaui hhang jham sham" yu zo" re" phyo' qheim" nae" tau: mo, thaui:14 khai: zhang" i"? ga: myid' li" genae". – Ai mung: xaosu byu we" lapa pa mung: AsAng Mo"so: dao: re Go"ga, zug: re kai" zhao: kyo: nae" ru wa nga" byu Israel amyu" zo: qe wa phain dang yaug yo na ko" au: nao wa ba mung: -15 Myao: jui: mo, taung mo, yo we' qam: bo: ra" gye khe' sulhe: jham we' daga" qid meim shaid' khyo" to" gyo" li" genae". –16 Mang: din" re mug: dab: ru re" ru: nga" byu Israel amyu" zo: qe re li" khaid' genae". Thao phyao: nga" mang: din" khyo nao re jhui" vhao" nae". Khoru: ga" re Go" ga' zug: we" byumyu" cao jab: qhid' kheim: mae nao re tau: to' yhe' ra" au: yao: bam wa ngo17 re ba nae" akhyo ngaid: li" nae". – Mo"so ce ru: ga: mho: ra". Ngo nao re yao: bam jhao" lo: do; khaid' nhao nae" ein: qhid' phyao: zin ve; myo: sho' mae" lapa pa: ra" nga" daui mung mo, Israel lapa jham re ngo qhu" to" ra" lamyhung" wa nao re qang yang: qhu" to" ru mangaid: i"?18 Mo"so mho: ru wa ai: ayo, mae Go" ga' jhaung zug: wa Israel mang: re khaid' lo: ra" ayo, akhin: mae nhag' lam: laung mung: nhag' yo" gyid' nae" ngaid: .19 Dang dang ai: ayo, mae Israel mang: mae myid lab: qi: sho' lab: nae" ein: ngo nhag' lam: laung: nga" zo" re" ta" va". –20 Qid dae ngo: , mug: le; phyo: mae" ngho' , seyo: gug' nyhug' we' myid mae yoe" qin" ra" gug' nyhug' , mug: myid: dao mae na ko" ra" byu alhab' wa nga" qhid' kheim: mae ko, ko, nin" genae". Bam jham wa byo; bai" gyo" ru kha" zhaung yang: myhao: ra" jo, qo jham gyang: gyoe; gyo" ru we' vokham" jham alhab' wa gyang: lang" lo"21 li" genae". – AsAng Mo"so ce ru: ga: mho: ra". Nga" bam jham alhab' mae shae re ngo pyang: ke' yang: byu jham wa dayaug22 we' dayaug jho" qam: genae". – Ngo wa no qam" gye , shid sho' se' ra" gye khyo" yang qobo dae byid: nae". Yao: we' bobo: ra" gyezo: qe mo, mo" thaui" adao mae qo" nghoe' ra" mug: qid lag qu ce' aqi: , fang we' lhag' ra" myi: mug: re qu: khyo" nhao23 nae". – Ai ru: ngo wa ngo yao" gaung re nga: yu mung: qu" phug' myao: sho' ra" phung bao ham" hung: re qhu" ra" au: Ngo wa AsAng Mo"so ngaid: ru re yao: bam ba: li" genae" ga: mho: ra".