1 Dam: Mo"so: lo, wa nga" au: dao mae ngaid mung:solo: yang ngo re jhui" thug' ye" lo" ru sho: qug: sho: qae byang" jo; ra" lao: khaung: gaung: mae ye, nhao yang: –2 Ai: sho: qug: jham: avai: ayae su" qin" nhao: ra". Ai: lao: khaung: mae sho: qug: myo: sho' bam: zao: jo, mung: gyai kyaug' byaug veko" ra".3 Mo"so wa xaosu byu we" ce: sho: qug: jham gai: daui: li" shi: genae" i"? ga: myid' re ngo wa AsAng Mo"so we" AsAng she, ba nae" ngaid: ra" ein: dam: tau: va".4 Mo"so wa ce: sho: qug: jham: akhyo re lapa pa mung: ta" kyo: nae" ru wa , kyaug' ho: byaug va" sho: qug: sho: qae jham we" Mo"so: dao: thoe re tae" gyo: ge, wo". –5 Ce: kyaug' gao: byaug va" sho: qug: jham re Mo"so mho: ru wa ngo naonhaung" akhug khyo kaoso' ke' mung: naonhaung" daui: li" genae".6 Naonhaung" dao mae sho: gyi: lao" taui: byid: mung: sho: zau zau: li" nae". Sho: qid: yang nghoe' gam yang: kaoso' ke' lao" daui: li" mung: Ngo Mo"so ngaid: ra" akhyo re ba genae" ga: mho: to" ru we'7 dakhyo: ngo lapa dao: ta" ru ngaid: . – Ana" ngo lapa pa: au: thoe myang: ra" lab: nain" li" ru we' sho: qug: jham wa dalam: we'8 dalam: jho" xo' lo" ko" ra". – Ngo zhaug' qu" na: re sho: gyi: jham thug' li" mung: sho: zau zau: li" ko" ra". Sho: qid re: nghoe' gam: lo" ra". Ngaid qere: kao mabo shi:9 ko". – Mo"so wa xaosu byu we" la re lapa pa wa, . La re kai" zhao wa, . Mo"so ce ru: ga: mho: ra". La we" mug: myid: myo, nho byid shaid' mae" thug' lo mung: ce: shid' mao jham daui: li" sho' yao: bam: dao mae10 hug' zao" wa, ga: ngo re mho: ra". – Ai re" ru: ngo re mho: ru we' dakhyo: ngo lapa pa mung: la wa yao: bam mae vao yang: yao: bam wa daui: to" li" ko" ra". Yao: bam wa gyai myo: laug: ra" mo, thaui: boe" li" yang: ye; na: bam ko" ra".11 Mo"so re: xaosu byu we" ce: sho: qug: jham wa Israel amyu" jham ngaid ko" ra". Yao: bam wa ngonhaung" sho: qug: kyaug' gao: byaug va". Ngonhaung" myid: nghae" jao: gain: va". Ngonhaung" wa na: kain" lo" na: bam va" ga: mho ko" ra".12 Ai mung: lapa pa yang: Mo"so: dao: re yao: bam ta" kyo: nae" ru wa , nga" byu qe we" naonhaung" mang: khung: re phung" pye' mung: naonhaung" re she: thug' yu yang: Israel mang: khyo jhui" dai" nae". –13 Nga" byu qe we" naonhaung" mang: khung: re phung" mung: naonhaung" re mang: khung: mae" she: thug' yu yang: –14 Nga" solo so' naonhaung" aung khug khyo ke' byid: lao" naonhaung" daui: li" genae". Naonhaung" re na qao: mug: myid mae na nhao: ra" au: Ngo Mo"so ngaid: ru re naon- haung" ba genae". Ngo Mo"so wa mho: to" ra" ru re zaui:so" pyang" ru re naonhaung" ba: li" genae" ga: Mo"so mho: ra".15 Mo"so: mung dao: wa ngo jhao" joe"16 gyo" li" mung: – Xaosu byu we" sag' kaung dakhyaung: re yu mung: Yuda boe: we' yao" zam" cao: Israel amyu" zo: qe: tau: ai mae tung" xam" to: wa, . Getau sag' khyaung: dalam: dam: yu mung: Yoseb' kaung we' yao" zam" cao: Israel amyu" zo: qe: tau: Ephrim" zaung: bao" ngaid: ra" ein:17 tung" to: wa, . – Ai: sag' kaung zaung: bao" shid' lam: re dalam: za: boe" sho' qhain"18 ke' mung: lo, ci kaid' wa, . – Ni" amyu" zo: qe wa ai ru: kaid' ru wa khoru: i"? Ngon- haung" re magai: ta" shid' kyo: i"? ga: myid:19 ko" re – AsAng Mo"so: dao: kheim: re yao: bam re kai" zhao: kyo: nae" ru wa Ephrim: ci: ra" Yoseb' we' yao" zam" cao: Israel amyu" akaung aboe: jham re ngo yu mung: Yuda we' qhain" zham" yang: dalam: za: boe" byaug: ra" zaung: bao" re ngo ci nae"20 ein: mho yang: – Nao tung" to" ra" sag' khyaung: re yao: bam: myo, qhao: tae mae lo, ci zaung: bao" kaid' yang: na wa, .21 AsAng Mo"so: dao: re re: kai" zhao: kyo: nae" ru wa Israel amyu" zo: qe joe" na: ra" labug: amyu" qe: jo, qo khyi" khao: ngo" mae" ngo khai: zhang" ham: yu mung: yao: bam: na qao: mug: myid khyo jhui"22 dai" nae". – Ai: mang: din" mae Israel qe: bam jham: adao mae byu damyu" za: boe" nhao mung: jhaung zug: dayaug re za: ai bam alhab' re ug: li" nae". Thao phyao: yao: bam wa shid' myu" mangaid:, damyu" za: poe" pye' nae". Mang: re: shid' mang:23 magai: kho' khaui: lo: nae". – Thao phyao: yao: bam: sulho jham anyain: avho: mau" , tarha" lhoe" shaid' ra" mau" we' yao: bam re magai: nyain: vho: lo: nae". Yao: bam shaid' nghung" ra" jo, qo khyi" khao: ngo" mae" ngo she: thug' yu mung: shao kyang" nhao nae". Yao: bam wa nga" byu qe boe" genae". Ngo re: yao: bam: AsAng Mo"so24 boe" nae". – Nga" jeim Davi wa yao: bam: jhaung zug: boe" mung: yao: bam alhab' wa yao zaung" ru dayaug za: ngaid genae". Nga" cao" khyao jin kham tarha" khyo dang25 mae cao" pyang" na: li" genae". – Nga" jeim Yaku' re byid: mung: yao" phug' pho" qe na: qu" ra" mang: mae yao: bam we' zo" qae: myid' xag' qe wa qhug' na genae". Nga" jeim Davi re: yao: bam re malam: lai:26 ug: li" nae". – Ai mae" getau yao: bam we' yaug yo: dao:so: to: mung: ai: dao:so: wa malam: lai: dao:so: ngaid nae". Yao: bam re na jao: byid: mung: na: myo" je: nhao nae". Nga" shao gyang" ra" jo, qo re yao: bam:27 phaung gaung: mae to" to: nae". – Nga" pa" jhaung: yham re: yao: bam mae jo, mung: ngo wa yao: bam: Mo"so boe" nae".28 Yao: bam re: nga" byu qe boe" genae". – Ai re" ru: nga" shao gyang" ra" jo, qo re yao: bam: phaung gaung: mae malam: lai: jo; jo; ra" au: Ngo Mo"so wa Israel amyu" re shao lho" nhao va" ra" ga" ru re labug: amyu" qe ba: li" genae".