1 Dam: xaosu byu we" Israel bam jham re lapa pa mung: kai" zhao: kyo: nae" akhyo wa- Israel bam jham we" Mo"so: dao: re tae"2 gyo: ge, wo". – Mo"so mho: ru wa gyevo wa e" he" , Mo"so: bam jham wa ngon- haung" lo, khug vao va" ga: naonhaung" ta"3 ko" mathao – Lapa pa mung: Mo"so: dao: kai" zhao: kyo: nae" ru wa- naonhaung" wa dang shi" ra" labug: amyu" qe: jo, nho" dai kham boe" sho' yao: bam wa naonhaung" re byu sheim manae: jao: boe" nhao yang: lhang" gam: mae bin" caid' zo" pye' ko" mathao mae su: gaui mho jao: jung" khyoe' jao: boe" geyang: Israel bam jham we" Mo"so: dao: thoe re tae" gyo: ge, wo".4 Mo"so wa bam zo: bam zang , qid yug jao: lao: khaung: lao: nhe' byo; qeim: byaug va" din" yo mae" ru avai: ayae mae na ko" ra" labug: amyu" dang: na: shi" mo, lhaid' yu jung" gaui mung: vobyu qe shepye' co' ra" vo jham mho: ru wa ,5 Dang dang nga" mang: din" re lhaid' zo: lhaid' shaug' jao: boe" nae" shepye' to: nae" tau: gyai ngaui: nhag' myid , manug nhung: ra" nhag' myid bo mung: ngo yao: lhaid' zo: jao: kaid' ra" Edom: byu alhab' geim" re nga" nhag' lam: gyid' ra" myi" yang mho"6 shid' nae". – Ai mung: Israel mang: re qang mung: lapa pa zo" re" bam zo: bam zang , bug gaung , lao: khaung: lao: nhe' qid yug jao: jham re Mo"so: dao: re kai" zhao: kyo: nae" ru wa- naonhaung" wa su pe" yang jung" khyoe' ru qhug' ko" mathao ngo wa7 nhag' yo" gyid' mung: ta" va". – AsAng Mo"so ce ru: ga: mho: ra". Dang dang naonhaung" avai: ayae mae na: bam ko" ra" labug: byumyu" qe wa yao: yao: qho' phau: genae" ein: ngo jham kai: va".8 Israel bam jham we" naonhaung" kam" wa agae yaug nhao mung: nga" amyu" Israel zo: myid: qe: tau: ashi: re zaui: ca" genae". Yao: bam dam: lhang" lo nae" ayo,9 jhao" va". – Naonhaung" shaid' mae ngo na mung: naonhaung" na: ra" khyo dam: lo yang: naonhaung" dao mae yothaung: phaug' mung: myug: shi: sin: nae". –10 Naonhaung" adao mae Israel zo: myid: qe alhab' geim" re gyai na: je: nhao yang: yao: bam wa vo mae na mung: byo, qeim: byaug va" jo, qo jham re dam: nyhang" byao: li"11 genae". – Naonhaung" dao mae byu we' gug' nyhug' jham re na: myo: na: je: nhao yang: yao: bam je" myo" laug: lo mung: zo: qae: myid' xag' malai: lo: genae". Na qao: jo, qo jham mae na nhao mung: qhid' phyao: re" ru: jeju byid: nae". Ngo wa Mo"so ngaid: ru re naonhaung" ba: li"12 genae". – Ngo wa nga" amyu" Israel qe re naonhaung" adao mae su: du" lhau nhao nae". Yao: bam wa naonhaung" re sang: yu mung: Ma khae: yu geyang: thao phyao: naonhaung" mathao mae zo: myid: shid:13 ru qhug' lo: genae" mangaid: . – Mo"so ce ru: ga: mho: ra". Mang: din" we" nao wa byu re bin" caid' zo: ba: ra". Yao" amyu" re lhaid' zo: lhaid' shaug' ba: ra" ga: labug:14 amyu" qe ta" ko" mathao – Thao phyao: byu re magai: bin" caid' zo: lo: nae". Yao: yao" amyu" mae lhaid' zo: lhaid' shaug' ru magai: kaid' lo: nae" ga: Mo"so mho: ra".15 Thao phyao: su pe" mang: din" yang jung" khyoe' gaui mho: ra" dao: re the' gyo: lo: nae" mangaid: . Thao phyao: amyu" yao: cao: se' da: be, khyaid' ru gai: kaid' lo: zai mangaid: ga: Mo"so mho: ra".16 Mo"so: mung dao: wa ngo jhao" joe"17 gyo" li" mung: – Xaosu byu we" Israel amyu" qe wa yao: bam: mang: mae na ko" yo, mae yao: bam: na qab: ye, bao ave; yang mang: din" re anyain: avho: boe" nhao veko". Yao: bam: ave, wa nga" qhid' kheim: mae mai ci: ra" myiqe: re" ru: anyain:18 avho: mashao malho" poe" veko" ra". – Ai: mang: mae byu se' qobo ,sulho we' mung: anyain: avho: boe" nhao ko" mathao mae ngo wa nhag' yo" gyid' ru vhe' sheim" ke'19 va". – Yao: bam re amang: mang: adin" din" khyo pyo: sin" ke' va". Yao: bam: ave,20 we' dakhyo: ngo dao: phyid' va". – Ngaid qere: yao: bam gemang: gedin" khyo joe" lo" ko" au: ce bam wa Mo"so: byu qe ngaid ko" ra". Yao" mang: din" mae" thug' lo ko" ra" ga: getau: byu qe ta" geyang: nga" mang khyao: re khyoe' ko" mathao ,21 Israel amyu" qe joe" na: ra" mang: khao: mang: ngo" mae jung" khyoe' ko" ra"22 nga" mang khyao: re ngo o: do: ra". – Ai mung: Mo"so: dao: re Israel amyu" qe re kai" zhao: kyo: nae" ru wa Israel amyu" we" naonhaung" re tau yang: ngo kaid' ru mangaid: . Naonhaung" joe" na: ra" mang: khao: ngo" byumyu" qe: qhid' kheim: mae khyoe' ko" ra" nga" mang khyao: re tau yang: kaid' ru angaid: ga: mho: ra". –23 Labug: byumyu" jham: agaung: mae naon- haung" khyoe' ko" ra" nga" mang khyao: amo" laha: re ngo nga: yhe' nae". Yao: bam: qhid' kheim: mae naonhaung" khyo" yang ngo wa nga: ye; ru qhug' au: ngo wa Mo"so AsAng ngaid: ru re yao: bam ba: li" genae"24 ga: Mo"so mho: ra". – Khoru: ga" re naon- haung" re amang: mang: adin" din" jham mae" ngo jhui" lo mung: ham phaung nhao yang: naonhaung" na qao: mug: myid khyo ngo jhui" dai" nae".25 Naonhaung" adao mae shao lho" ra" qid vhe' gyain: yang: naonhaung" anyain: avho: mae" dadu alho jham we' va" lin26 nhao nae". – Aung khug: nhag' myid asag' re ngo byid: nae". Nhag' lam: asag' re ke' to: byid: nae". Naonhaung" gaung khyao khug mae" laug baui kheim re she: pye' mung: sa: sho: kheim re ngo byid: nae". –27 Nga"solo re re: naonhaung" akhug khyo ke' vhao" byid: yang: naonhaung" wa nga" tarha" re cao" mung: nga" cao" khyao jin kham jham re cao" pyang" li" genae". –28 Phug' pho" qe re ngo byid' ra" mug: myid mae naonhaung" qhug' na mung: nga" byu jham boe" genae". Ngo re: naonhaung"29 Mo"so boe" zai ngaid: . – Naonhaung" anyain: avho: re ngo cid' shao: pye' nae". Bao" khug' re qab: pye' mung: gaug zo re yaug: li" nhao mung: myo: laug nhao30 nae". – Naonhaung" vae: moe; qid shab' mung: su pe" amyu" jung" ko" ru mae" lhoe' ke' nae". Sag' gae we' myid gaung: qhovo: qho shi: jham re myo: laug nhao31 nae". – Alao" naonhaung" wa yao: yao" makhyang: mashab: ra" ave, re myid: beim" ke' mung: yao: yao" makhyang" ra" akhyo we' anyain: avho: mau" mathao yao" gaung yao: re: ca' byaug: li" genae".32 Naonhaung" re tau yang: ce: mau" re ngo kaid' ru mangaid' ru re ba ge, . Israel amyu" qe we" yao: yao: zai" shaid' ra" qobo: mathao mae myid: nghae" mug' na33 ge, ga: Mo"so mho: ra". – Mo"so ce ru: ga: mho: ra". Naonhaung" zai" shaid' nghung" ra" qobo alhab' re khyaid' shao: pye' lao" vo tham: mae byu na nhao mung: byo, qeim: byaug va" jo, qo jham re nyhang"34 byao: yhaung" yu: li" genae". – Su: du" lai: lhau mo, myo, qhao: tae mae cae: jhug tag shepye' to" ra" mug: myid wa yothaung:35 din" boe" nae". – Alao" su geje wa qhid' phyao: shepye' to: va" mug: myid wa Edin: khyae ru: boe" va" ra". Phyo' qheim" khyo" pye' va" vo jham re: gang" tang mung: vobyu jham byang" sheim: na veko" ga: ta"36 genae". – Alao" byo, qeim: byaug va" jo, qo re Ngo Mo"so dam: nyhang" byao: yu: ga" ru re re: shepye' to: va" myid gaung mae yothaung: kaid' ru re re: naonhaung" avai: ayae mae na: dang: gyo" ra" getau: byumyu" qe ba: li" genae". Ngo Mo"so wa mho: ru37 we' dakhyo: lo, qaug kaid' nae". – AsAng Mo"so ce ru: ga: mho: ra". Israel amyu" tau: ce: mau" kaid' nae" akhyo yao: bam ngo re mho' bain: ca" genae". Yao jham myo: laug: ru ru: ai: amyu" re na: je: myo"38 laug nhao nae". – Tu" ka" to" poe ayo, mae xeim: ngaui" byid: nae" tau: Yerusa- lem: vogaung: mae yao jham byang" jo; ru we' dakhyo: abyo, acui: mung: byaug va" vogaung: jham byu thaui: mo" we' byang" lo nhao nae". Alao" Ngo Mo"so ngaid: ru re yao: bam ba: li" genae" ga: mho: ra".