1 Dam: dalhang Mo"so: mung dao: ngo2 jhao" joe" gyo" li" mung: – Xaosu byu we" nao Seira bam khyo myo, khung: qang mung: lapa pa wa, . Mo"so ta" ru re kai"3 zhao: kyo: nae" akhyo wa – Seira bam we" ngo nao shaid' khyo myo, khung: qang yang: na: , nao re khaid' mung: qab: lhaui"4 pye' nae". – Ni" vogaung: jham re ngo phyo' sin" pye' yang: nao wa byu sheim manae: jao: boe" lao" Ngo Mo"so ngaid:5 ru re ba nae". – Nao khonhae" re: manug mung: ra" Israel amyu" zo: qe mae qug: khai: qhug' ra" ayo, qobo dae phau" ra" ayo, athao" mae yao: bam re shae: yang se'6 ra" mathao mae – AsAng Mo"so ce ru: ga: mho: ra". Ngo kao daui: na: ru we' dakhyo: byu se' ra" mau" nao mae kaid' nae". Ai: mau" wa nao re cao" khe' li" nae". Byu se' ra" mau" re nao manghung" ra" mathao ai:7 ru wa nao re cao" khe' li" nae". – Ai re" ru: Seira bam re ngo qab: lhaui" pye' yang: thug' lo" ra" mo, dam: vao lo: ra" mo, re ngo lham: se' kain" pye' nae".8 Ni" bam zo: bam zang jham mae ni" sulhe: jham: mao gaung we' byang" nhao nae". Ni" jo, qo bug gaung lao: khaung: qid yae cao" yang: mae re: shae: yang se' qhug'9 ra" mo, jo; jo; li" genae". – Nao re mathang mano: sham" khyaid' khyo" na: ru: yang ni" vogaung: jham mae khag' magai: na nae". Ngo Mo"so ngaid: ru re alao" nao10 ba nae". – Nao wa ce: mang: shid' mang" geim" re ngonhaung" ug gam mung: sang: yu nae" ga: ai: mang: mae Mo"so na: na:11 gau mae ta" ra" mathao: yang – Mo"so ce ru: ga: mho: ra". Ngo kao daui: na: ru we' dakhyo: nao wa yao: bam re gye she mung: nhag' yo" myid , nghang" nyung: ru re qam: pin" ru we' dakhyo: ngo nao mae kaid' nae". Nao re pyam" ra" au: yao: bam12 re ngo qhu" myhao" nae". – Nao wa Israel bam jham wa byo; lo" mung: ngonhaung" zo: pho: boe" veko" ga: jung" dao: ta" ru re Ngo Mo"so the' gyo: va" ga" ru nao ba: li"13 nae". – Ai re" ru: ngo wa nga" akhyo dao: zang ke' mung: ngaid beim: nghao" ra" dao: alhab' geim" re ngo the' gyo: va" ga: mho: ra".14 Mo"so ce ru: ga: mho: ra". Damang: geim" zhao: yao ngaui bau" ra" au: nao re15 ngo phyo' pye' nae". – Israel amyu" qe: Ma mug: myid byo, qeim: ru re nao wa ngaui bau" ra" mathao mae ai re" ru: nao re re: kaid' nae". Seira bam we" nao we' daga" Edom: mang: wa gain sho' byo, qeim mung: Ngo Mo"so ngaid: ra" akhyo re ba: li" genae" ga: mho: ra".