1 Zin ve; daxe: shid' zin ein: zin lho" daxe: shid' khye' lho" xin: daba mae Mo"so: mung dao: ngo jhao" joe" gyo" li"2 mung: – Xaosu byu we" Pharaoh jhaung zug' tau: nao kaug' myain" mung zo" re" ta" kyo: nae" ru wa- nao wa byumyu" cao jab mae lo:tin: bae: re" ru: ngaid: ra". Qid tham: mae na: ra" qid dao kha: ru" ru re: ngaid mung: qid qhe' qhe' ga: ni" khyid lo, lab: ra" ru: yang qid gyaung: re lhau: mhoe:3 ra". – Byu myo: sho' ham yang: nga" geim: yang nao re pye' lhaung" mung: yao: bam wa geim we' daga" nao re she: thug' yu:4 li" genae". – Ngo wa nao re taung mae she: lhe' mung: gaoso yo mae shepye' to: nae". Mug: le; phyo: mae" ngho' jham re ni" dao no: nhao nae". Myid kin: zoqhid jham re ni" sho: gyi: sho' zo: geshao: . –5 Ni" sho: re bam dao mae myhung: nae". Lao: khaung: jham mae ni" shid mao we'6 zai" pyang" nae". – Nao mae" yug: thug' ra" sa" yang myid gaung re bam nyaug joe" sho' jhug' dag: lo" nhao nae". Qid zo: qid gyaung: zang jham wa ni" sa: byang" lo" li"7 genae". – Ngo nao re nai: mhain" ra" au: mug: gaung re nghoe' pye' mung: kyi jham re sham nhao nae". Ba re jham thaui" yang nghoe' pye' mung: lho" re: mabao lo: nae".8 Ni" au: tho' mug: gaung mae bao: ra" bo" bao alhab' geim" re sham: no; lo" nhao mung: ni" mang: din" mug: caid'9 yang nghoe' gam: lo" nae". – Nao maba: ra" mang: din" jham mae nao byo; qeim: lo" ra" akhyo re ngo hau" ke' ru: yang byumyu" jham re gaung yug sho: byo,10 nhao nae". – Gai gai: ni" mau" zo" mathao mae byu myo: sho' re myid: mug' nhao nae". Ngo wa jhaung zug: qe: qhid' kheim: mae shae she: qang: ra" au: yao: bam wa ni" akhyo: yang gyaug din: li" genae". Nao byo, qeim: lo" ne, mae yaug nge, yao: yao" kao: tau: gaung yug sho: byo; li" genae" ga:11 Mo"so mho: ra". – Mo"so ceru: ga: mho: ra". Babilon: jhaung zug' shae wa ni" au:12 dao mae joe" li" nae". – Qam: mo" bo: ra" yaug , qu" gyaug sho' ra" byumyu" qe khyo" yang ni" byu mo, mo" thaui: re ngo gyang: gyo" nhao nae". Yao: bam wa Egutu nhag' myid qi" ru re deim" khyo" pye' mung: mang: din" byu na mae: na re se'13 mhain" pye' li" genae". – Qid gyaung: yae jham mae gyo, zo: ko" ra" gug' nyhug' jham re ngo sham" khyo" pye' nae". Thao phyao: byu: khyid we' gug' nyhug' khyid sin: jham wa qid mazai" mhoe lo: genae".14 Ai: qid gyaung: jham re ngo gyang" lo nhao nae". Qid gyaung: jham re xau re" ru: yug nhao nae" ga: AsAng Mo"so mho: ra". –15 Ngo Egutu mang: re cae: jhug tag boe" nhao mung: mang: din" byu jham re dae byid: lao" ngo wa Mo"so ngaid: ru re ba: li"16 genae". – Ce ru wa kaug' dao: qhui dao: ngaid mung: byumyu" qe: zomyi: zo: qe wa Egutu mang: we" byu mo, mo" thaui" tau: mae ai: dao: kheim: re cao" mung: kaug' myain" qhu: thoe mung genae" ga: Mo"so mho: ra".17 Zin ve; daxe: shid' zin ein: zin lho" ngo" khye' daxe: shid' ba: ne, mae Mo"so: mung18 dao: ngo jhao" gyo" li" mung: – Xaosu byu we" Egutu mang: byu mo, mo" thaui" tau: mae kaug' ngug wa, . Mang: khung: khyo gyo" lo" ra" mo; jo, qo myid khug khyo joe" sho' hau: ko" ra" byumyu" zomyi: qe we' daga" nyham: khyo" zo" zhao: kyo: nae"19 ru wa – Nao wa su geje tho' je: yaung" i"? Nyaug phyid' ru makhae: yu: ra" mo, we'20 daga" gyo" lo" mung: jo, qo yu wa, – Shae gye mae qhaug' mung: shae mae shid: ra" mo, yao: mae" dadu yao" byu mo, mo"21 thaui: jham re lao" khyo" yu wa, . – Qam: mo" bo: ra" sulhe: jham wa mo: vo: mug: mae yao: we' yao" daui mung mo, re lham: tug: yu: li" nae". Yao: bam gyo" lo" veko". Shae mae shid: ra" nyaug maphyid' ra"22 qobo mae lang" jhao" na genae". – Ai: jo, qo mae Asuri we' yao" byu mo, mo" thaui: re: na ko" ra". Yao: bam wa shae mae shid mung: lang" jhao" ru we' yao: bam:23 avai: ayae mae lab jo; bam: ako". – Ai: lab mang: khung: jham wa laug khyaung anhae mae ajin taung" zug: qe: lab re lhang" kham" to: ko" ra". Yao: bam wa mug: myid: dao mae gyaug nae" ru ngaid ko" qe re: ana" wa shae mae lang" gyoe;24 shid mo, za: ngaid ko" ra". – Ai mae Elam: we' yao" lab avai: ayae mae yao" byu mo, mo" thaui: alhab' wa shae mae shid mung: lang" jo, ko" ra". Mug: myid: dao mae gyaug pho: ru" ru ngaid ko" qe re: nyaug phyid' ru makhae: yu: ra" byu ngaid mung: myid khug khyo gyo" lo" geyang: ai bao: we' daga" qho' phau: mung: yao: bam we' daga" na ko" ra".25 Yao: bam wa yao: bam: mo, thaui: we' daga" shae mae shid: ra" mo; agaung: mae yao" tau: yab jaung: nyhang" to: veko" ra". Yao" lab lhang" gam: mae jo; qain" bam ko" ra". Mug: myid: dao gyaug pho: ngaid ko" qe re: mang: khung: khyo vao lo" ko" ra" mo, we' daga" qho' phau: yang: shid mo,26 we' daga" na ko" ra". – Meshed' , Tubala' we' yao: shid' zo" byu mo, mo" thaui: alhab' ai mae na: bam ko" ra". Yao: shid' zo" lab jham wa avai: ayae mae jo; bam: ra". Alhab' wa shae mae shid: ra" nyaug maphyid' mo, ngaid ko" ra". Yao: shid' zo: wa mug: myid: dao mae gyaug pho: ngaid27 ko" ra". – Yao: shid' zo: wa qhid' phyao: mae" shid ko" ra" nyaug maphyid' ra" ade, qe we' daga" qhug' yab: na: li" genae" mangaid: i"? Ai bam wa mo: vo: mug: khyo yao: yao" shae we' daga" gyo" lo" mung: shae re au: khau" khau" genae". Yao: shid' zo" mashab makhyang" mau" wa yao: shid' zo" sho: qug: sho: qae re nghoe' li" genae". Khoru: ga" re yao: shid' zo: wa mug: myid: dao mae kao qi: va" ade, qe: gyaug pho: ngaid ko" ra".28 Nao re: nyaug maphyid' ra" mo; agaung: mae gyug' gyoe; gyo" mung: shae mae shid: ra" mo, we' daga" lang" jhao"29 na: li" nae". – Ai: jo, qo mae Edom: re: na: ra". Edom: jhaung zug: we' agyi khaung: mhao: jham wa yao: bam: kheim: so' qam: o: bo: au: mae shae mae lang" shid: ra" mo, we' daga" lang" jhao" na ko" ra". Yao: bam wa nyaug maphyid' ru mang: khung: khyo gyo" lo" mo, we' daga" yoe"30 jhao: yang: na: li" genae". – Ai: jo, qo mae qid meim: zug: , Sidon: zug: jham re: bona ko" ra". Yao: bam: kheim:so' qam: o" yang zai" thug' ra" gyaug pho" mathao mae yao: bam qho' phau: ko" ra". Shae mae shid: ra" mo, we' daga" nyaug maphyid' ra" byu jham ngaid mung: mang: khung: khyo gyo" vao: ra" mo, we' daga" qho' phau: yang: na31 genae". – Pharaoh jhaung zug: wa ai jham re myao mung: shae mae shid: ra" yao" byu mo, mo" thaui: alhab' mathao mae gaung yug sho: byo; ru we' shae gye mae shid genae" ga: Mo"so mho: ra".32 Mug: myid: dao mae ngo yao: re gyaug pho: boe" nhao qe re: Pharaoh we' yao" gye phung: mo" alhab' wa shae mae shid: ra" mo, we' daga" nyaug maphyid' ra" mo; phaung gaung: mae lang" jhao: yang: na: li" nae" ga: Mo"so mho: ra".