1 Dam: Mo"so: mung dao: wa ngo jhao"2 joe" gyo" li" mung: – Xaosu byu we" nao lapa pa yang: Mo"so: dao: re kai" zhao: kyo: nae" akhyo wa joe" lo nae" ba na ayo, wa byuxa: voqoe, nae" ein: zag: hug' kyo:3 wa, . – Ai: ba na wa jhao" li" va". Mo"so: ba na , mug: dab: ra" ba na , getau: byumyu"4 qe: tau: dang: to" ayo, joe" va". – Shae gye wa Egutu mang: dao mae joe" mung: dae de; mo, wa Egutu mang: mae lang" qain" bam: ra" au: Ethiopia mang: wa gaung yug sho: byo; li" nae". Mo, mo" thaui: re qab: lhaui" pye' mung: azhao: apain aqao: re5 dau" phyo' pye' genae". – Ethiopia mang: , Phuta' mang: , Luda mang: byu xag' kaui mo, alhab' we' Khuba' byu , dao:so: to: zam" khug: ra" mang: byu qe wa Egutu byu qe we' daga" shae mae shid genae". –6 Egutu re bao" thaug' mo, re: shid: ru qhug' yang: Egutu qam: o: kheim:so' nga: gyoe, genae". Migdola' vo mae" re Thune: vo joe" sho' Egutu byu qe shae mae shid genae" ga: Mo"so mho: ra".7 Byo, qeim: ra" mang: mae je: byo, qeim: ru bo mung: byu sheim manae: ra" mang:8 mae Egutu mang: bobo: ra". – Egutu mang: re ngo myi: te' ke' yang: ai: mang: re bao" ra" mo, alhab' byo, qeim: lo" au: mae ngo wa Mo"so ngaid: ru re yao: bam ba: li"9 genae". – Ai: ba: ne, mae pe" shui manho: ra" Ethiopia byu qe kyaug' nhin" nae" tau: nhao: ke' ra" logyo: qe lha jui: yang: ye" lo" ko" mung: Egutu qe: ayo, mae yao: bam re: myid myo: myid laug genae". Ai: ayo,10 wa jhao" li" na va" ga: mho: ra". – AsAng Mo"so mho: ru wa Babilon: jhaung zug: Nebukhaneza: khyo" yang Egutu mo, mo" thaui: re ngo phyid' pye' nae".11 Ai: jhaung zug: we' daga" yao" gye zo: mo, mo" thaui: wa li" lo mung: qu" gyaug pho" ra" byumyu" jham wa shae lhae ci mung: damang" geim" gye phung: byang"12 ug: li" genae". – Qid gyaung: jham re ngo kin" lo" nhao mung: azhaug' amhe' mo, re mang: din" re aung" ke' nae". Gemang: gedin" byu jham: lo, khyo" yang mang: din" we' daga" mang: din" mae na: ra" jo; ra" gu: alhab' re ngo phyo' sin" khyo" pye' nae" Ngo13 Mo"so ta" va". – AsAng Mo"so mho: ru wa alho jham re ngo qab: pye' mung: Nopha' mang: mae sulho jham re phyo' qheim" khyo" nae". Thao phyao: Egutu jhaung zug' anyaug magai: na lo: nae". Egutu gyaug din14 nae" khyo: ngo kaid' nae". – Pathru mang: re ngo phyo' pye' nae". Zona' vo re re: myi: ngha" nae". No" vogaung: re re: qobo dae byid: nae".15 Egutu qam: o: myo, nho nga: lao: ngaid: ra" sin: vogaung" adao mae nga" nhag' laung: gyid' ru re vhe' sheim" ke' mung: No" vobyu alhab' re qab: lhaui" pye'16 nae". – Egutu mang: re myi: te' ke' mung: sin: vogaung: laui" nain" ru , No" vogaung" vokham" byo; bung" ru , Nopha' vo wa na" dao: gaung mae mang: li" khaid' ko"17 ru phau: nae". – Avin: vo we' Phi-besid' zolau: qe shae gye mae shid mung: myiqe: jham wa sham" jhui" pyaung" tai: lo" ru qhug' genae".18 Taphaned vo mae Egutu lhae taid' re ngo nag: khyug' pye' mung: yao" qam: o: myo, nho nga: lao: gain: thao" lo" ra" au: na" ayo, mae bo" bao sham: lo" li" nae". Mug: dab mung: zomyi: jham wa sham"19 jhui" pyaung" tai: lo" ru qhug' genae". – Ai re" ru: Egutu mang: mae ngo qobo dae byid: mung: Mo"so ngaid: ru re yao: bam ba genae".20 Zin ve, daxe: dazin ein: zin lho" ngo" khye' nhaid' ba: ne, mae Mo"so: mung dao:21 wa ngo jhao" joe" gyo" li" mung: – Xaosu byu we" Egutu jhaung zug: Pharaoh lo, lam: re ngo nag' khyug' va". Mocid' magai: pho nae". Shae qo" ci sho' yao" dae pin:22 cug' yang magai: yag: thab' nae". – Ce we' tin: yang: Mo"so mho: ru wa ngo wa Egutu jhaung zug: Pharaoh re lham: khaid' nae". Yao" lo, lam: ga" ra" qam: bo: ra" lo, pau" we' azhao sao qhid' khyug' ra" lo, pau" re nag: khyug' mung: yao" lo, mae" shae re23 lhag' ke' nhao nae". – Egutu mang: byu jham re amang: mang: adin" din" khyo24 byo: sin" lo" nhao nae". – Babilon: jhaung zug: re ngo qam: o: pin" byid: mung: nga" shae re yao" lo, mae qhaug' nae". Pharaoh jhaung zug' lo, re nag: khyug' yang: yao: wa se' ru qhug' nae" yaug zag: gyi: hug' re" ru: Babilon: jhaung zug' qhid' kheim: mae zag:25 gyi: hug' li" nae". – Babilon: jhaung zug' lo, re ngo qam: o: pin" byid: nae". Pharaoh lo, kam" wa pyain" lo" li" nae". Nga" shae re Babilon: jhaung zug' lo, mae ngo qhaug' mung: yao: wa ai: shae: yang Egutu mang: re khe' zin: lao" ngo wa Mo"so ngaid: ra"26 akhyo re yao: bam ba: li" genae". – Ai re" ru: Egutu byu jham re amang: mang: adin" din" mae pyo: sin" ke' nae". Alao" ngo wa Mo"so ngaid: ru re yao: bam ba: li" genae" ga: mho: ra".