1 Zin ve; daxe zin ein: zin lho" daxe khye' daba mae Mo"so: mung dao: wa2 ngo jhao" joe" gyo" li" mung: – Xaosu byu we" Egutu jhaung zug: Pharaoh shaid' khyo myo, khung: qang mung: yao: we' Egutu mang: damang" geim" mae lapa pa3 wa, . – Mo"so: dao: re kai" zhao: kyo: nae" akhyo wa Egutu jhaung zug: Pharaoh we" Nila: qid gaung: mae qhug' na mung: nga" qid gyaung: re ngo sang: , nga" tau: mae" ngo phain: va" ga: ba: ta" ra" qid dao kha: we" ngo nao re lham: tau: lhain: nae". –4 Ni" boqae re jo, to' nghoe" yang lao" kyin mung: ni" qid gyaung: mae na: ra" ngo: jham: ngo: kye' re nao mae te' byid nae". Qid gaung: mae" nao re she: thug' mung: qid gyaung: khao: ngo" mae ngo: na: ra" ngo: jham re ni" akye' mae kyin" de; lo: li"5 genae". – Nao we' ni" qid gyaung: mae na: ra" ngo: jham re seyo mae shepye' to: nae". Gaoso yo mae nao yoe" jhao" na mung: thao phyao: khag' yang re: mali" sham" yu yang: zoqhid jham we' mug: le; phyo: mae"6 ngho' jham: zo: pho: poe" pye' nae". – Ngo wa Mo"so ngaid: ra" akhyo re Egutu mang: byu qe alhab' wa ba: li" genae". Khoru: ga" re nao wa Israel amyu" tau: je jid: lhae7 daung: boe" ra". – Nao re lo; yang zaui: nae" ein: re nao makhae: yu ngaid: ra". Yao: bam: lo, sin qug: qhoe" re lao" thaid' byid' ra". Nao mae khug ngha lao" nao gyug' gyang: lo" mung: yao: bam: phyid' dam:8 re no nhao: ra". – Aimung: Mo"so ce ru: ga: mho: ra". Ngo wa ni" adao khyo shae ci: li" mung: byu we' gug' nyhug' jham re9 se' tam" pye' nae". – Egutu mang: wa byu sheim manae byo, qeim: lo" ra" au: mae ngo wa Mo"so ngaid: ru re ba: li" genae". Nao wa nga" qid gyaung: re ngo sang: , ngo phain: to: va" ga: mho: ra" mathao mae –10 Nao we' ni" qid gyaung: jham re ngo lham: tau: mhaug' pye' nae". Migdola' vo mae" ru Thune: vo joe" sho' re: , Ethiopia mug: kyo: joe" sho' re: shae: yang phyo' pye' mung:11 cae: jhug tag poe" pye' nae". – Zin ve; byid xe zin lam: lam: byu mana: jao: gug' nyhug' mana: jao: , khag' re: magai: na genae".12 Byo, qeim: lo" ra" mang: jham mae Egutu mang: bobo sho' phyo' pye' nae". Byu sheim manae: vo jham mae byid xe zin lam: lam: Egutu mang: byo, qeim: jo; li" nae". Egutu mang: byu jham re mang: khao:13 ngo" khyo byo: sin" lo" nhao nae". – Ngaid qere: AsAng Mo"so ce ru: ga: mho: ra". Zin lam: byid xe lo" byang" ra" au: byo: sin" na: bam ko" ra" byu amyu" myu" khug mae" Egutu byu qere khai mung: ham phaung:14 na nhao nae". – Sham" pyaung" tai: lo" qhug' ra" Egutu byu jham re ngo dalhang dam: jhui" lo mung: yao: bam: mug: myid Pathru khyo lo" nhao nae". Ai: mang: mae qam: nang" ra" mang: boe" genae".15 Mang: din" jham mae qam: nang" thao" ra" mang: boe" mung: getau: byumyu" jham re qo" ug lo: nae" mangaid: , thao phyao: getau: amyu" qe re maqo" ug lo: sho' ngo16 nyham: khyo" pye' nae". – Israel amyu" qe wa yao: bam jhao" cao: na: re qug: khai: za: thaung" qhug' ru re myid: beim: mung: thao phyao: yao: bam mae khug ngha lo: genae" mangaid: . Ngo wa Mo"so ngaid: ra"17 akhyo re ba: li" genae" ga: mho: ra". – Zin vo; shid' xe zin ein: zin lho" ngo" khye' daba: ne, mae Mo"so: mung dao: wa ngo jhao" joe" gyo" li" mung:-18 Xaosu byu we" Babilon: jhaung zug: Nebukhaneza: wa Turu' vo re gye khaid' yang: yao" gye phung: re mau" qi: kaid' nhao: ra". Au: gyam" byaug veko". Lo, sin khao: ngo" jaid: byo, veko" ngaid qere: Turu' vo re qam: ke' khe' khaid' ra" ru mae" jhaung zug: we' gye phung: jham pe"19 aphug' re: mathe' yu ko" ngaid: ra". – Ai ru: mung: Mo"so ce ru: ga" ra". Babilon: jhaung zug: Nebukhaneza: re Egutu mang: ngo qhaug' byid: nae". Ai: zug: wa mang: byu mo, thaui: mo" re re: , qo" yu: ra" zai gyo" aja: ja: re re: sham" yu mung: yao" gye phung: re aphug' gae byid' li" nae". –20 Yao: bam wa nga" mau" vin vo, ko" mung: Turu' vogaung: mae qam: ke' ko" ra" mathao mae ngo yao: re Egutu mang:21 qhaug' byid: va" ga: Mo"so mho: ra". – Ai: ne, mae" Israel amyu" qe: tau: mae ngo khyug yaug: thug' nhao mung: yao: bam: phaung gaung: mae nhaid' phung" nae" akhang" re byid: nae". Ai: mathao ngo wa Mo"so ngaid: ra" akhyo re yao: bam ba: li" genae" ga: Mo"so mho: ra".