1 Dam: dalhang Mo"so: mung dao: wa2 ngo jhao" joe" gyo" li" mung: – Xaosu byu we" AsAng Mo"so: dao: re Turu' jhaung zug: re ta" kyo: nae" ru wa nao wa nao yao" gaung re mo"so re" ru: jho ngaid qere: mo"so mangaid: , byu shao shao ngaid: ru we' ngo wa mo"so ngaid: . Qid dae mo" gaung: mae zaung nae" ga: ngaid beim: nghao" ra" nhag' myid we' ta" mung: –3 Nao wa Daniel tho' juyi je: bo mung: ni" qhid' kheim: mae nyham" vho' shaung: to"4 ru daja: re: majo, nhaung i"? – Ni" anyain: juyi we' nao jo, nho" qo" mung: ngaui hhang re ni" bain" mae qaung" to" ava". –5 Qi" thao" ra" juyi we' gau mung myho" khyo" ba: kaid' yang: jo, nho" qho: bam: to: mung: ai: jo, nho" mathao mae nhag' myid6 qi" nghao" ra". – Aimung: AsAng Mo"so ce ru: ga: mho: ra". Nao wa nao yao" gaung re7 mo"so re" ru: jho: ra" mathao – Gemang: gedin" mae" qu" gyaug pho" ra" mo, re ngo nao na: khyo jhui" lo mung: yao: bam ni" juyi nyain: re shae: yang zin: mung: ni" myo, nho nga: lao: re khyoe' li" genae". –8 Nao re mang: khung: khyo khyo" ke' mung: qid dae mo" gaung: mae shid: ru qhug' ko"9 ra" mo, re" ru: nao shid: li" nae". – Ni" kao re se' ra" mo; lo, khug mae nao wa mo"so mangaid: , byu shao shao ngaid: ru we' ngo wa mo"so ngaid: ein: ni" kao re se' ra" mo;10 qhid' kheim: mae qo" ta" nae" i"? – Nao wa byu bang" qe: lo, mae nyaug maphyid' yaug shid: ru ru: shid nae". Ngo ta" to: va" ga: Mo"so mho: ra".11 Dam: Mo"so: mung dao: wa ngo jhao"12 joe" gyo" li" mung: – Xaosu byu we" Turu' jhaung zug' tau: kaug' myain" qhu: thoe dao: jhau mung: Mo"so: dao: re kai" zhao: kyo: nae" ru wa nao wa mug' pho" ra"so: xam: ce' ngaid: ra" juyi we' byang" vin" mung: yaung" lho" ra" myo, nho: nga: lao:13 re: jab byang" ra". – Nao wa Mo"so: khyae ga" ra" Edin: mae na va". Ni" au: mae laug ne laug phyu qhi , laug qhi , laug nyug gyang" , bo" mo, laug , mhai: nyug laug , laug ne bo" , laug mo, qhi , laug ne jham ru" ru laug aja: ja: jham re hhang: yang da bu yag: pye' ru: yang ni" gaung re shaung yhaung" ci: ra". Jhe' cang" we' khulhao: ba: kaid' ra" mo, re: nao khau: ra" ba mae" yao: ni" tau: nyhang" to: gau ngaid ko" ra".14 Nao wa alhab' re qo" nghoe' gam: ra" Kherubim: ngaid: ra". Nga" akhang" we' Mo"so: shao lho" ra" bam dao mae nao qo" na: ava". Bao qhi: ra" laug dao mae15 su: du" lhau va". – Nao khau: ke' ra" ba na mae" qhid mung: qobo myao: thug' li" ra" ba na ayo, joe" sho' mau" cao jab16 kaid' ava". – Ngaid qere: gau mung myho" khyo" yang: magai: ra" mau" we' byang" vin" mung: shaid' nghung" ra" qobo qo" ra". Ai mung: makhyang: mashab: ra" yaug re" ru: nao re Ngo Mo"so: shao lho" ra" bam dao mae" khe' thug' nae". Kherubim: ru" yaug we" bao qhi: ra" laug the: dao mae"17 ngo qab: lhaui" pye' nae". – Nao yaung" lho" ra" mathao: yang nhag' myid qi" ra". Ni" juyi wa phaug' lhag' byaug: ava". Ngo wa nao re myid gaung mae pye: byin yao: nyham: khyo" nae". Jhaung zug: jham wa nao re zhaug' qu" yang: ngaui bau: genae" tau: yao: bam: qhid' kheim: mae nha: to:18 nae". – Nao tarha" mavao: ra" khyo" gau mung myho" khyo" mau" kaid' ra" khyo" shao gyang" ra" jo, qo re anyain: avho: boe" nhao: ra" mathao mae nao re myi: ngha" mung: nao re the' myao: ra" mo; qhid' kheim: mae ni" myimhab re myid19 mae ngo vhe' khyo" nae". – Nao re ba: ra" mo, byu amyu" myu" qe wa ni" mau" mathao mae myid: mug' li" genae". Nao wa gyaug pho: boe" nae". Thao phyao: madam:20 qo" to" ye, lo: nae" ga: mho: ra". – Dam: Mo"so: mung dao: ngo jhao" joe" gyo" li"21 mung: – Xaosu byu we" nao Sidon: vo re myo, khung: qang mung: lapa pa zo" re" –22 Mo"so: dao: re kai" zhao: kyo: nae" ru wa Sidon: vo we" ni" dashaid' mae ngo na: . Ni" agaung: mae nga" phung qab bao wa thug' bao: li" nae". Nao re qobo dae byid: mung: phug' myao: ko" ra" au: Ngo Mo"so ngaid: ra" akhyo re byu myo: sho' mo, ba:23 li" genae". – Ni" au: dao mae no qam" gye re re: ni" khyo dang jham mae shae lhae gye re nhao: ke' mung: ni" avai: a yae mae shae: yang sulhe: jham wa ni" agaung: mae lang" shid ko" ra" au: Ngo Mo"so ngaid: ru24 re ba genae". – Ai re" ru: Israel amyu" qe: avai: ayae mae na: bam mung: yao: bam re maphug' makhyaid' kaid' ra" mo, mae zau: gai: zau" sag' gae , dae te' ba: ra" zau: paung" thao phyao: majo, lo: lao" Ngo Mo"so ngaid: ra" akhyo re ba: li" genae"25 ga: mho: ra". – Dam: dalhang Mo"so mho: ru wa Israel amyu" qe wa byo: sin" na ko" ra" byu amyu" myu" khug mae" ngo khai mung: ham phaung nhao: ra" au: yao: bam: mathao byumyu" qe: qhid' kheim: mae phug' myao: ko" ru re ngo khae: yu mung: nga" jeim Yaku' re qhid' phyao: ngo byid' to" ra" mang: mae yao: bam qhug' na26 genae". – Ai: mang: mae gaung yug sho: byo; ru majo, yham kaid' ru , sabyi' khyae kaid' ra" mau" re kaid' genae". Yao: bam: avai: ayae mae na mung: manug makhyaid' kaid' ra" mo, alhab' re ngo qobo dae byid' ra" thao mae yao: bam wa gaung yug sho: byo; ru majo, lo: na mung: ngo wa yao: bam: Mo"so AsAng ngaid: ra" akhyo re ba genae" ga: Mo"so mho: ra".