1 Dam: dalhang Mo"so: mung dao: wa2 ngo jhao" joe" gyo" li" mung: – Xaosu byu we" Turu' vo: tau: kaug' ngug: ru kaid' mung: Turu' re kai" zhao: kyo: nae" dao:3 wa – Qid dae yae mae jo; ra" vogaung: we" myo: sho' ra" gogyo: kao" byu qe: gau mung myho" khyo" ba: ra" vogaung: we" ni" AsAng Mo"so mho: ru wa Turu' vo we" nao wa yaung" thao" va" ga: ngaid beim: dao: jhau: na: ra".4 Ni" mug: kyo: wa qid dae khug mae jo; ra". Ni" lo, mau" lo, do, zaui: mo, wa nao re yaung" lho" jab byang" sho' kaid' veko". –5 Ni" sag' the: alhab' wa Sinira' hhu: je' yang kaid' mung: khyi zang re Lebanon: shaug' gae re yu ko" ra".6 Bashain: lashe' sag' sho" yang nyhe' cae: jham re re: Khedthim: gogyo: kao" mae" yu: lo mung: xao zaui we' te' yhaung" ra" Tashu' sag' sho" yang kang lam: jham7 re re: kaid' veko" ra". – Egutu mang: khu: tung" de; pin: yaung" khye' jham re phyid: lhung: mung: Elisha gogyo: kao" mae" yu: lo: ra" pin: nyhug pin: mo, yang kaid' ra"8 myo, go we' byang" ra". – Sidon: vobyu , Avaid vobyu jham wa lha mau" vin mo, ngaid mung: Turu' juyi ba mo, wa khyo jhui" ra" lha keim: mo, ngaid ko" ra". –9 Gebala' ade, juyi bo mo, wa ni" lha cao" nyhang" kaid' veko". Qid dae mo" khyo gai: gau" ra" lha alhab' we' daga" nao we' gau10 mung myho" khyo" kaid' veko". – Persi byu , Luda byu , Phuta' byu jham wa ni" gye zo: , sulhe: kaid' ko" ra". Go we' jo, to' maug jham re ci mung: ni" ham" hung:11 re tau: yhe' veko" ra". – Avaid' amyu" zo: qe wa ni" gye zo: jham we' daga" vokham" gam: gam: du" qin" veko". Avaid' byu qe wa gye byu gai" lhaug' mung: vokham" lhang" gam: mae zaung" lhaug' mung: yao: bam: myo: daung" jham re lhao" to: mung: nao re jab byang" yaung" sho' kaid' byid: veko" ra".12 Nao mae gau mung myho" khyo" nae" zai yo myo" ra" mathao Tarshi' vo wa ngaui , jo, to' yang the: xa jham we' jho"13 tha" yu ko" ra". – Yavain: vo , Tubala' vo , Mesheg' vo jham wa nao we' gau mung mung: jeim gyid: ne we' jho" tha" ko"14 ra". – Togama' amyu" zo: qe wa myao: , jui: myao: jham re ni" gai khyo vhao"15 ko" ra" . – Dedain: vobyu qe re: nao we' gau mung myho" khyo" ru kaid' ko" ra". Gemang: gedin" mae" myo: phyao: wa nao kaid' thug' ra" zai yo jham re vai mung: khyug , xao zaui , sag' no, sag' sho: jham we' jho" tha" ko" ra".16 Nao kaid' thug' ra" zai yo myo" ra" mathao mae Suri mang: wa nao we' gau mung myho" khyo" mung: laug nyug mai: , pin: nyhug , khu: tung" tung" ra" mai bau: , pin: yaung" , laug xa , laug ne jham re ni"17 gai mae vhao" ko" ra". – Yuda mang: we' Israel mang: wa saungso gaug mura: xau , kyid' , balm: gyid: , zo: xau byo: yhid jham18 gai mae vhao" ko" ra". – Damasku vo mae nao kaid' thug' ra" zai yo myo: laug: ra" mathao Helibon: sabyi' qang: , yao mug' phyu jham we' jho" tha" yu yu kaid' ko"19 ra". – Dedain: vo we' Yavain: mang: Uzala vo re: jo, to' khyaung: re ci: li" mung: ni" gai mae sag' cao: we' jho" tha" ko" ra". –20 Dedain: vo bao: wa myao: jui: sulhe: jham ve; ra" pin: yaung" re aung: mung: nao we'21 gau mung myho" khyo" ko" ra". – Arab' mang: we' Kedara: zug: qe wa nao kaid' ra" zai yo re qo" nae" tau: , yao nau" yao lo: , caid' be, jham we' jho" tha" ko" ra".22 Sheba' we' Rama' gau mung mo, nao we' gau mung myho" khyo" ru kaid' mung: gai: thao" ra" sheim nae nam , phug' de; ra" laug aja: ja: hhang aja: ja: jham re nao jhao"23 vhao" ko" ra". – Harain: , Kaine , Edin: , Sheba' gau mung myho" khyo" mo, wa nao24 we' xo' taui: mung: – Gekai: lai: zai yo , pin: nyhug khu: tung" tung" ra" pin: , phug' de; ra" mai bau: xug' khye' bo mung: taui" yang myag: zag: ra" shaug' the: bain" jham re ni" zai yo khug khyo vhao" ko" ra".25 Tarshi' lha jham wa ni" zai yo re ke' ci mung: du: su" lhau ko" mathao mae qid dae mo" mae nao wa qo" jo, mung:26 mang qi" ra". – Ana" kam" lha kau: mo, wa nao re qid dae mo" agaung: khyo jhui" gau" ye" lo" mung: ba thug' la wa qid dae mo" agaung: mae nao re nai: khyoe' khyo"27 va". – Nao ai re" ru: lang" gyoe; lo" au: mae ni" jo, nho" zai yo , lha kau: mo, lha khang" yaug , lha byao: nyhang" yaug , gau mung mo, gye zo: jham mo, mo" thaui: mae bo: ra" mo, wa qid dae mo" agaung: mae byid:28 gyo" nab: ru qhug' genae". – Ni" lha keim: khyo jhui: mo, zag: gyi: hug' ra" thoe: mathao mae avai: ayae wa laui" nain" na29 veko". – Lha gau: mo, alhab' wa lha mae" gyo" mung: lha dao mae mau" zaui: mo, we' lha keim: mo, wa taung gaung mae ye;30 byaung" na yang: – Ni" tau: zag: gyi: hug' ngug: li" genae". Phaui: lhug re au: dao mae gag: gyain: mung: myiqe, bam mae31 lhau: genae". – Xae re phyid' khyo" pye' mung: jid: mo" mai lao" yang" mung: nhag' ngai: ru we' yao" tau: qi: sho' kaug' ngug32 vegenhaung i"? – Qid dae mo" gaung: mae nab: gyo" lo" ra" Turu' vo we' khovo dau33 nae" i"? – Ni" jo, nho" zai yo jham wa qid dae gau: khyo" yug: thug' lo" au: byumyu" jham re nhag' dag nhao mung: ni" zai yo: yang myid kin: jhaung zug: qe re dai vhin"34 byid' ra". – Ana" kam" wa nao wa qid dae mae re: , ni" zai yo jham wa bang: lhung" agaung: mae re: , gyug' gyoe; gyo" mung: nao mae bobo: ra" mo, alhab' geim" re: , shid: gain veko" ra".35 Gogyo: kao" byu qe wa ni" mau" mathao mae myid: mug' mung: jhaung zug: qe wa gyo, shi: qid qid to" veko"36 ra" . – Byumyu" qe: gau mung myho" khyo" mo, wa nao re jung" khyoe' veko". Nao wa gyaug pho: yao: boe" venhaung i"? Thao phyao: dalhang magai: to" ye, lo: nae" myao: i"? ga: kaug' nyung: li" genae" ga: mho: ra".