1 Zin ve; daxe: dazin: zin lho" ngo" khye' daba: ne, mae Mo"so: mung dao: wa ngo2 jhao" joe" gyo" li" mung: – Xaosu byu we" Turu vo e" he" mang: din" jham AsAng Yerusalem: wa byo; byaug va" mung: nga" lo, khug vao lo: li" nae". Ai: vo wa cae: jhug tag ngaid: ra" mathao ngo wa na gai: li" nae" ga: Yerusalem: re khyoe' dao: ta"3 ra" mathao – Mo"so ce ru: ga: mho: ra". Turu vo we" ni" dashaid' mae ngo na: . Qid dae bang: lhung" re" ru: byu amyu" myu"4 jham wa kao re li" khaid' nhao nae". – Yao: bam Turu' vokham" re dau" phaid' phyo' mung: gye byu gai: jham re phyo' khyo" pye' genae". Phaui: lhug re khyag' ko: khyo" mung: sho' sho' gyao: gyao: poe"5 pye' nae". – Qid dae mo" gaung: mae geim lao" pyao" lhe' jao: poe" pye' nae". Ngo ta" to: va" ga: Mo"so mho: ra". Byumyu" qe: lhaid' zo: lhaid' shaug' jao: poe" pye'6 nae". – Yothaung: din" mae na ko" ra" zomyi: qe wa shae lhae: yang shid mung: ngo wa Mo"so ngaid: ru re ba: li" genae"7 ga: mho: ra". – Dam: dalhang Mo"so mho: ru wa jhaung zug: qe: jhaung zug: ga" ra" qid meim: jhaung zug: Nebukhaneza: re myao: lhin" , myao: jui: sulhe: , byu mo, mo" thaui: we' daga" Turu' vo khyo ngo8 jhui" li" nae" . – Yao: wa yothaung: din" mae na: ra" ni" zo: zomyi: jham re shae: yang se' li" nae". Ni" nhae mae gye qe, kaid' mung: gyab lao: dung: khung: dau" laung" mung: go jham: yang go: to: li"9 nae". – Ni" vokham" thoshaid' ce: shaid' mae soxam: pyao: zhaug' mung: zho: cang yham jham re ce' bao" yang dau" phyo'10 pye' li" nae". – Yao" myao: jham myo" laug mung: phaui: lhug wa nao re nghoe' lo" li" nae". Khe' khaid' mung: bung" lo" ra" vogaung: khug khyo yain" vao ko" re" ru: ni" vokham" kham: khyo" vao ko" au: lhin" myang thoe , myao: jui: sulhe: jham: thoe: yang: ni" vokham" laui" nain" li" nae". –11 Khyo dang gau: khao: ngo" mae myao: khu byang" nae". Ni" byu jham re shae: yang se' mung: nao khug ngha: ra" alho jham re re: myid mae pye: byin yao: phyo' pye'12 genae". – Ni" jo, nho" re lhaid' yu mung: ni" aung: xain: jham re re: sham" tai: lo" li" genae". Ni" zhocang qae: ru re phyo' khyo" mung: gye byu gai" jham re bin: phyo' lao" ni" laug , sag' the: myid zhai: jham13 re qid mae myhung: ke' li" genae". – Ni" nghaui" myain" nghaui" thoe re tam" kyo" pye' nae". Nao pag' ra" tang: thoe re thao phyao: khag' re: mathe' gyo: lo: genae". –14 Nao wa shao" pyaid' ra" laug the: re" ru: geim lao" khao" lhe' jao: boe" nae". Thao phyao: maqo" dam: zhaug' tang lo: nae"15 Ngo Mo"so ta" va" ga: mho: ra". – Turu' vo re qang yang: Mo"so mho: ru wa- ni" agaung: mae qi" thao" ra" se' jheim" mau" boe" mung: the' zao" ra" mo, zag: gyi: hug' ko" au: nao lang" byin: lo" ra" thoe: mathao gemang: gedin" mae" mo, gyaug: nin"16 genae". – Ai: ba na mae qid dae mo" zug: agyi qe alhab' wa la kin mae" gyo" mung: bau: re re: , khu: tung" de; ra" mai bau: re khyaid' khyo" pye' mung: gyaug: nin" ra" mai bau: re ve, yang: gyaug: din: ru we' myid gaung mae zaung yang: ni" mau" re myid: nghae" mug' hao" na: bam ko" ra". –17 Yao: bam re: ham" hung: qi" ra" vogaung: we" qid dae mau" ba: zaui: mung: qid dae mae qam: ba: ke' ra" khug ngha mo, gyaug phug' ra" vogaung: we" nao wa gyai yao: byo, qeim: byaug venhaung i"? ga: ta" zo"18 re" ni" tau: kaug' nyhung: li" genae". – Nao byo, qeim: ra" ba mae gemang: gedin" mae" mo, wa gyaug: nin" mung: nao byaug: lo" mung: qid dae mae jo; ra" gogyo: kao" jham19 wa gyaug: din: li" genae". – Mo"so ce ru: ga: mho: ra" byu mana: ra" vogaung: re" ru: ngo nao re cae: jhug tag boe" nhao yang: qid dae re ni" dao khyo jhui" lo yang: bang: lhung" yang nao re nhai" lo" au: –20 Geco' ne, byu xug' qe: jo, qo mang: khung: khyo gyo" vao mo, we' daga" nao re deim" khyo" mung: nao mae byu mana genae" tau: mang: khung: khyo gyo" vao mo, we' daga" geco' ne, mae" cae: jhug tag: jo, qo myid gaung gyid' mae ngo khyo" to: nae". Ai mung: kao daui: na mo; jo, qo mae nga"21 phung qab bao re ngo phung" nae". – Nao kam" wa gyaug pho" ra" ja: ngaid mung: thao phyao: khag' re: mathe' myao lo: sho' byaug: baui" lo" khyo joe" nae" ngaid: ra" ga: AsAng Mo"so mho: ra".