1 Dam: dalhang Mo"so: mung dao: wa2 ngo jhao" joe" gyo" li" mung: – Xaosu byu we" nao Ammon: zo: myid: shaid' myo, khung: qang mung: lapa pa zo" re" kai"3 zhao: kyo: nae" ru wa – AsAng Mo"so: dao: re tae" gyo: ge, . AsAng Mo"so ce ru: ga: mho: ra". Nao wa anyain: avho: boe" jo; ra" nga" shao gyang" jo, qo re re: , cae: jhug tag ngaid: jo; ra" Israel mang: re re: sham" pyaung" tai: lo" ra" Yuda amyu" re re: ahe"4 ga: nao mho: ra" mathao mae – Nao re ba thug' shaid' mang: mae" mo, re ngo sang nhao: pye' nae". Yao: bam wa ni" mang: khug mae yham kaid' mung: na genae". Ni" qhovo: qho shi: re zo: , ni" nung: nug' re5 shaug' genae". – Raba' vogaung: re ma dae myao: yham , Ammon: mang: re yao jham: gyo, zo: jao: boe" nhao: pye' nae". Ngo Mo"so ngaid: ra" akhyo re naonhaung" ba6 genae". – Nao wa Israel mang: re manug nhung: mung: lo, pyo' pyo' , khu thao thang" ru re ngaui bau: ngaui lho" kaid' ra"7 mathao mae – Ngo nao re khaid' mung: byumyu" jham lhaid' zo: lhaid' shaug' nae" tau: qhaug' nae". Byu na: ra" mang: khao: ngo" mae" nao re qab: lhaui" pye' nae". Ngo wa Mo"so ngaid: ra" akhyo re naonhaung" ba genae".8 Mo" ba' mang: we' Sera vo mae" Yuda amyu" wa getau: byumyu" jham we' dau9 ko" ra" ga: ta" ra" mathao – AsAng Mo"so ce ru: ga: mho: ra". Mo" ba' mang: mug: kyo: nhae mae ngaid: na: ra" , mang: din" myo, nho nga: lao: ngaid: ra" Betjeshi moth , Bala-meon: vo Keriathim: vo re10 ngo lhau: lhe' to: nae". – Ai: vogaung: jham re Ammon: zo: myid: qe we' daga" ba thug' mang: mae" mo, re sang nhao: pye' nae". Ammon: mang: byu qe re mang: dau zhain jham mae maqo" boxam:11 nae". – Mo" ba' mang: re re: ngo qobo dae byid: mung: ngo wa Mo"so ngaid: ra" akhyo re yao: bam ba: li" genae" ga: AsAng Mo"so mho: ra".12 Edom: mang: wa Yuda amyu" re loge, phaug' ru we' manug makhyaid' kaid' ru we' shaid' nghung: yang: qobo dae byid'13 ra" mathao – Mo"so ce ru: ga: mho: ra". Edom: mang: re ngo khaid' mung: byu we' gug' nyhug' gug' du: jham re sham" khyo" pye' nae". Temain: vo mae" mung: byu sheim manae cae: jhug tag poe" pye' nae". Dedain: vo joe" sho' shae lhae mae shid14 genae". – Nga" byu Israel amyu" khyo" yang Edom: mang: re nga" nhag' shid jao: boe" nae" tau: dae te' nae". Yao: bam wa nga" nhag' yo" gyid' ru qi" ru we' dakhyo: Edom: mang: re kaid' genae". Ngo byid' ra" qobo dae re ba: li" genae" ga: Mo"so mho: ra".15 Philisti byu qe wa loge, phaug' ru we' ngaid beim" ra" khyo" kaid' mung: manug makhyaid' myid bo mung: phyo' qheim" nae" tau: qobo dae byid' ra" mathao mae –16 Mo"so ce ru: ga: mho: ra". Philisti byumyu" re ngo mang: khaid' mung: Kheriti amyu" re zai" kain" mung: qid dae yae mae na: dang shi" ra" mo, re phyo' qheim" khyo"17 pye' nae". – Thin: ra" mho" shid' ru we' daga" qi" ra" qobo dae re byid: nae". Ai re" ru: ngo nhag' shid se' nae" tau: dae byid: lao" ngo wa Mo"so ngaid: ra" akhyo re yao: bam ba: li" genae" ga: AsAng Mo"so mho: ra".