1 Ana" gug zin ein: zin lho" daxe khye' daxe ba: ne, mae dalhang Mo"so: mung2 dao: ngo jhao" joe" gyo" li" mung: – Xaosu byu we" ce: ba na: mang re tung" to: wa, . Ana" ne; ba re xam" to: wa, . Ana" ne, ba mae Babilon: jhaung zug: wa Yerusalem:3 re li" lhang" kham" qhid va" ra". – Tau: lhain: ba: ra" amyu" re dao: tau" we' Mo"so mho: ra" dao: re kai" zhao: kyo: nae" ru wa, ug' re myi: khyeim" mae lhung: mung:4 qid vhe' sheim" ke' wa, . – Sho: khai" sho: je, agai gai we' paung sho: lo, sin sho: gai jham we' qug: khyao bo: ra" sho: qug: jham5 ke' pyang" wa, . – Yao phaung mae" xau: yaung" ra" yao re khyin: yu mung: sho: qug: daqhae: re ug' gyid' mae bam: to: mung: sho: qug: re kyug' nae" tau: mae thao: ngha" wa, . Gelho: za: zain" zhau wa, . Ai: khug mae sho: qug: jham gyug:6 nhain: lo" veshao: ga: mho: ra". – Aimung: Mo"so ce ru: ga: mho: ra" zu no: mung: khonhae" re: magai: shao" lo" ra" ug' ga" ra" vogaung: we" byuxa: voqoe, veshao: . Sho: khai" jham re dakhai" thao dakhai" phoe' wa, . Pha" khyo" maca".7 Khoru: ga" re ai: vogaung: re se' ra" yaug: sa: wa vogaung: kao" mae jo; ra". Byu: sa: re phaui: lhug: yang nghoe' pye' nae" tau: myid bam dao mae vhe' khyo" ru mangaid: . Jhaid' ra" laug baui dao mae8 kai" to" ra". – Ngo qug: khai: byid: nae" tau: nhag' yo" thug' li" nhao nae" ru mung: jhaid' ra" laug baui dao mae kai" to: va". –9 Ai mung: Mo"so mho: ru wa- byu: sa: zai" yhug' ra" vogaung: wa byuxa: voqoe, shao: ngo wa khyeim" mo" myi: maid: to:10 nae". – Thao: zhain: to: mung: myi: ngha" wa, . Sho: re gyug sho' kyug' mung: sho: qang: re kin: sho' kyug' wa, . Sho: qug:11 jham re khag' sho' ngha" wa, . – Ai: thao mae ug' cin za: myi: gyoe: dao mae to" to: wa, . Gyid: yug: qang" lo" sho' myi: zain: wa, . Ug' mae de; ra" apang alhag' yug: qang" lo" mung: ug' mae de; ra" zu byaug: lo" veshao: .12 Gyai qam: ke' thaug' qhao: yang: re: zu wa shao" lo" ru mangaid: , myi" yang13 lao" maqo" zai" kain". – Ni" apang alhag' mae phavae mau" bobo: ra". Ngo nao re cid' shao ngaid qere: nao makhae: yu: ra" mathao nga" nhag' yo" gyid' ru ni" dao mae majoe" joe" wa ni" apang alhag' re magai:14 cid' shao" nae". – Ngo Mo"so ta" to: va". Ta" ru we' dakhyo: ngo byang" lo nhao nae". Thao khyo madam: lhang: tug' pe" o: mado , naung myid maqo" , ni" ave, asam" we' dakhyo: ngo pyam" nae" ga: Mo"so mho: ra".15 Dam: dalhang Mo"so: mung dao: wa16 ngo jhao" joe" gyo" li" mung: – Xaosu byu we" nao gyai qu" nug: ra" nao jhid' de, yaug re ngo nyag tin" labaug qab: khyo" pye' nae". Ngaid qere: nao kaug' re: dakaug' , ngug re: dangug , ngug byid dagyo" nhao. Sae17 sae za: kaug' myain" mung wa, . – Shid: ra" yaug: tau: kaug' ngug: ru dakaid'. Au: thab' thab' mung: khyid zhaung: zhaung: wa, . Nhaid' re danghoe' , sho: jhin: ra" yaug: zo:18 pho: re dazo: ga: mho: ra". – Ai ru: ngo wa ne, seim: ayo, mae byu jham re ta" kyo: va". Myi" thao: ayo, mae yham sang myhi" shid va". Ngo re mho: to" ru we' dakhyo: thao: ne, ba mae ngo kaid' va".19 Mang: byu qe re: nao ce ru: kaid' ru wa ngonhaung" we' khoru: tin" ra" i"? Ngonhaung" re mata" i"? ga: ngo re myid:20 ko" ra". – Ngo wa Mo"so: mung dao: ngo21 jhao" joe" gyo" li" mung: – Mo"so: dao: re Israel amyu" zo: qe re kai" zhao: kyo: nae" ru wa nga" shao gyang" ra" jo, qo naon- haung" kheim:so'qam: o: , naonhaung" qu" nug: ra" zai yo , gyai o: do ko" ra" ja: re ngo khyoe' nae". Naonhaung" khau myhung: ke' ra" zo: dau qe wa shae lhae mae shid genae".22 Ngo kaid' ru re" ru: kaid' genae". Naonhaung" nhaid' re danghoe' ge, . Sho: jhin: ra" mo; zo: shaug' re dazo: dashaug'23 ge,. – Naonhaung" au: thab' thab' mung: khyid zhaung: zhaung: genae" ngaid: ra". Kaug' myain" qhu: thoe magai: mung nae". Naonhaung" wa yao: yao" qobo: mathao ngaung" gyi" lo" mung: dayaug re24 dayaug nyung: na: li" genae". – Ai re" ru: Ezekia wa naonhaung" tau: ve, lho qhu" ru boe" ra". Yao: kaid' ru we' dakhyo: kaid' genae". Ai: mau" boe" lo: re ngo wa25 Mo"so ngaid: ru re ba: li" genae". – Xaosu byu we" ni" mau" zo" wa, . Yao: bam: qam: o: , yao: bam ngaui bau" ham" hung: yao: bam nhag' taui" ra" ja: re: , zo: dau jham re re: , ngo qab: lhaui" pye' ra" au: –26 Loe; lo" ru dayaug yaug nao jhao" joe" li"27 mung: li" ta" kyo" li" genae". – Alao" loe; lo yaug we' qhug' yang: ni" nhaid' bung" li" nae". Dao: majhau lo: na: ra" ayo, lai mung: ta" kyo: ca" li" nae". Ai re" ru: nao wa yao: bam: ve, lho boe" mung: ngo wa Mo"so ngaid: ru re byu qe ba: li" genae" ga: Mo"so mho: ra".