1 Mo"so: mung dao: ngo jhao" dam:2 joe" gyo" li" ru wa – Xaosu byu we" myhi" qhain" ra" yao: bai: yao: nhaung: shid' yaug3 na ko" ra". – Yao: shid' yaug wa zomyi" ayo, mae Egutu mang: mae tarha" mavao: phavae mau" re kaid' ko" ra". Ai: mang: mae yao: tao: nug' am re myhag' shain: mung: zomyi" nga: re khyoe' ko" ra".4 Yao: bai" mang wa Ohola' , yao: nhaung: wa Oholiba' ngaid ko" ra". Yao: nhae tao wa nga" yham sang myhi" boe" mung: zo: dau khau myhung veko". Ohola' wa Samari' ngaid: ra". Oholiba' kam" wa Yerusalem: ga" ru ngaid: ra".5 Ohola' wa nga" yham sang myhi" boe" na: ayo, mae tarha" mavao: phavae mau" re6 kaid' ra". – Yao" zoqae: pho" ga" ra" Asuri yham kyo: Asuri byu qe re yao: o ngaui: ra". Yao: bam wa bau: nyhug ve; ra" sin: thu, khaung: mhao: , qu" jhid' nae" ru" zolau: , myao: jui: sulhe: jham ngaid ko" ra". –7 Yao: wa Asuri byu qe we' tarha" mavao: phavae mau" re kaid' ra". Yao: re qu" shab' o: ra" mo, sulho jham we' yao" gaung: re8 nyain: vho" pye' ra". – Ai re" ru: yao: wa Egutu mang: mae na shi" yo, mae" yao: shaid' nghung" ru re to" pye' ru mangaid: , yao" zomyi" ta mae yao: bam wa yao: we' qhain" yab mung: yao" nug' am re nug' myhag' myhag' mung: yao: we' na: shaid'9 ko" ra". – Ai ru: mung: ngo wa yao: qu" o ngaui: ra" Asuri byu qe jhao" yao: re qhaug'10 pye' mung: – Yao: bam wa yao" mai bau: re khyaid' khyo" byid: ko" ra". Yao" zo: dau jham re sham" pyaung" lo" mung: yao: bam re shae: yang se' pye' ko" ra". Ai re" ru: qobo dae byid' ru qhug' ra" khyo" yang ham" hung: qi" ra" myiqe: boe" ra".11 Ai: mau" zo" re yao: nhaung: Oholi- ba' the' myao yang: yao: bai: tho' je: qu" shab' mhin: ra" myid we' yao: bai: tho' je mung: tarha" mavao: phavae mau" re12 kaid' ra". – Yao: wa yaung" lho" ra" mai bau: ve, ko" ra" Asuri amyu" mang: gyi , khaung: mhao: , qu" jhid' de; ra" zolau: , myao: jui: sulhe: jham re qu" shab' mhin:13 ra". – Ai re" ru: yao: anyain: avho: ngaid: ru re ngo myao va". Yao: shid' nhae tao wa khyo dagau: dakhe' mae za: cao" ko"14 ra". – Yao: wa getau tho' mae phavae mau" re je: kaid' ra" akhyo wa phyid' cui: cui: gekai: lai: mai pin: au: thab' thab' co' phyid' jao: Khalade" mang: Babilon: vobyu ru" ru yham kho' qae mae tung" to" ra" byu: alho15 jham re the' myao: na: ra". – Zhocang qae: ru mae Khalade" byu qe: alho re the' myao: ra" au: qu" shab' mhin: ra" nhag' myid bo:16 li" mung: – Khalade" mang: khyo logyo:17 nhao: ke' ra". – Babilon: vobyu qe wa li" mung: yao" yab jaung: khyo vao ko" ra". Yao: we' na: shaid' ko" khyo" yang anyain: avho: boe" nhao ko" ra". Yao: re: ai bam re ca' pho: boe" sho' anyain: avho" ru re18 myid: ca' pye' ra". – Ai re" ru: tarha" mavao: ra" phavae mau" kaid' ru , mai bau: mave, gaung lam: sho pyaid' ngaid: ru na: qhu" ra" mathao: yang ngo wa yao: bai: re ca' ru we' dakhyo: yao: re re: qu" ca'19 ra". – Zomyi" ta Egutu mang: mae na shi" au: shaid' nghung" lo: ru re myid: beim" ke' mung: apaug' apyae na: shaid' na:20 nghung" ra". – Lau gung: baung: zo: we' dau: ra" baung: zo: de, mung: myao: re" ru shug' laug: ra" zoqae: qe re yao: o: ra". –21 Ai mung: Egutu byu qe wa ni" zomyi" ta mae nao we' zam" mung: ni" nug' am re nug' myhag' myhag' ko" ru we' makhyang" mau" kaid' ko" mathao mae ,22 AsAng Mo"so mho: ru wa nao ca' ra" zoqae: jham re ngo to" ye, nhao yang: khyi" khao: ngo" khyo" zang" li" mung: khaid'23 nhao nae". – Asuri byu qe we' daga" Babi- lon: vobyu qe we' Khalade" mang: byu alhab' , Peku , Shoa' we' Koa' byu qe joe" li" genae". Yao: bam gaung khyao yaung" ra" zoqae jham , mang: gyi , khaung: mhao: , kheim:so' qo" ra" zug: qe ngaid ko" ra". Yao: bam alhab' myao: jui: ko" ra". –24 Yao: bam gye khaid' sin: ngaid: ra" lhin" go jo, to' maug zhaung: mung: gye mo, thaui: mo" we' joe" li" yang: nao re li" lhang" kham" ci: li" genae". Tarha" dao: phyid' nae" akhang" yao: bam mae ngo qhaug' byid: mung: yao: bam wa yao: bam: tarha"25 li we' dakhyo: dao: phyid' genae". – Nao re malam" genae" tau: ngo kaid' mung: nao re thin: ra" khyo" tarha" pyam" genae". Ni" nho, no: khye' jham re lhai" phyid' mung: gegu: re shae: yang je; nhau" pye' genae". Ni" zo: dau jham re sham" jhui" lo" mung: dang: gu: re myi: ngha" pye' li" genae".26 Ni" mai bau: re re: khyaid' pye' mung: yaung" ra" gai: ra" zai yo jham re sham"27 tai: lo" li" genae". – Ai re" ru: nao wa thao phyao: nao maqu" lo: Egutu mang: re mamyid: beim: nae" tau: nao kaid' ra" phavae mau" we' Egutu mae" bobo: lo: ra" anyain: avho: phavae mau" re ngo qab: pye'28 nae". – Dam: Mo"so: dao: wa nao manug: ra" yaug nao ca' gyaug: ra" mo; lo, khug29 khyo nao re ngo qhaug' ke' yang: – Yao: bam wa manug: ru we' dakhyo: nao qho: qaung" to" ra" jo, nho" alhab' re sham" yu mung: ni" gaung re mai bau: made, gaung lam: sho pyaid' nha: to" li" genae". Nao shaid' nghung" ra" akeim aseim ru , deim: so: zag kaid' ru , tarha" mavao: phavae: khyo cao" ru jham wa myao: thug' li"30 nae". – Nao wa getau: byumyu" qe we' shaid' nghung: mung: yao: bam: alho jham we' nyain: vho: ko" mathao ai re" ru: ngo31 pyam" nae". – Nao wa ni" bai: cao" ra" khyo dang re cao" ra" mathao mae yao: shaug' ra" keim re ni" lo, mae ngo to" to:32 nae". – AsAng Mo"so mho: ru wa ni" bai: shaug' ra" keim , lae mung: no; ra" keim re nao shaug' ca" nae". Ai: keim mae myo: sho' vao mung: nao re jung" gaui: ru phau:33 nae". – Ni" bai: Samari' shaug' ra" keim , mug' mo, nhao: ra" keim re shaug' mung: yid: ru nhag' ngai: ru we' qhug' li" nae".34 Ai: keim re shaug' yang: jhab' shaug' mung: keim gyoe; je, re bin" zag: ga" re ni" qao bam go; lo" li" nae". Mo"so wa ngo35 mho va" ga: mho: ra". – Ai mung: nao wa ngo re to" myhid' pye' mung: ni" nhaung thao" khyo ngo re shelhaui" pye' mung: nao wa makhyang: mashab' mau" we' tarha" mavao: phavae mau" qobo re phau: wa, ga: Mo"so mho: ra".36 Dam: dalhang: Mo"so mho: ru wa , xaosu byu we" nao wa Ohola' we' Oholiba' tao re dao: phyid' wa, . Gai gai: yao: yao: tao kaid' ra" anyain: avho: mau" jham re37 ta" sho' kyo: wa, . – Khoru: ga" re yao: nhae tao wa su: lao lhaid' veko". Yao: tao: lo, mae sa: de, veko" ra". Yao: yao" gyoe lho: mathao lao shaid' veko". Nga" tau: khau myhung: ra" zomyi: zolau: qe re lao" mo"so: alho: tau: myi: phaid' ngaui" xeim:38 kaid' veko" ra". – Ai mae" getau ngo mae kaid' ko" ra" mau" wa ai: ba mae yao: nga" shao gyang" jo, qo re mashao malho" kaid' mung: nga" dug no: ba re anyain: avho:39 kaid' veko". – Yao" zo: dau zomyi: zolau: qe re yao: bam: mo"so: alho qhid' kheim: mae se' mung: ai: ba mae yao: nga" shao gyang" ra" yham re anyain: avho: kaid' nae" tau: vao ye: ko" ra". Gai gai: yao: nga" yham agaung: mae yao: bam kaid' veko"40 ra". – Ai mae" getau nao wa logyo: nhao mung: mug: va: mae" yaug gai jham re khai mung: yao: bam re: li" ko" ra". Nao wa yao: bam: tau: gaung cid' myo, shao mung: myo, mae mocid' gyaid mai bau: shaung:41 ve; ci yang: – Yaung" lho" ra" yab jaung: dao mae zaung: jo, mung: nga" sheim nae pyo" ra" ja: we' xau re kai" to" ra" zo: bo" re yab jaung: nhae mae nyhang" seim" to"42 ra". – Pyo: poe vao: ra" mo; dao: thoe yao" yham mae the' gyo" ra". Getau: byu myo: sho' we' seyo khyo" li" ra" azhaug' amhe' byu qe wa yao" lo, mae lo, thang: , yaung" ra" au: thab' we' lhugmaug re zhaung:43 byid: ko" ra". – Alao" ngo re: ai bam wa ce: myiqe: we' gai gai: yao: na: shaid' genae" laug: i"? ein: mao: sho' yaug zhang:44 myhi" we' tin: yang: myid: qu" ra". – Yaug zhang: myhi" na: ra" khyo yaug gai jham vao: ru re" ru: yao: bam wa makhyang" ra"45 Ohola' we' Oholiba' jhao" vao ko" ra". – Ai mung: lao lhaid' ra" myiqe: , byu se' qobo qo" ra" myiqe: ngaid ko" mung: lao lhaid' ra" myiqe: re pyam" ru we' dakhyo: dang main" ra" mo, wa tarha" dao: phyid' li" genae".46 Mo"so mho: ru wa ai: myiqe: tao na: ra" khyo byu mo, mo" thaui: re ngo nhao: ke' mung: lhaid' sham" lo" nae" akhang" ngo47 byid: nae". – Ai: mo, mo" thaui: wa myiqe: tao re laug baui: yang pye' mung: shae: yang qam: genae". Zo: dau qe re se' mung: yham48 jham re myi: ngha" li" genae". – Ai re" ru: getau: myiqe: jham na mae: na wa nao tao re" ru: anyain: avho: mau" re makaid' lo: myid: beim: genae" tau: nao tao: makhy- ang: mashab: mau" re damang: geim" mae49 ngo qab: lhaui" pye' nae". – Byu mo, mo" thaui: wa nao tao: makhyang: mashab: mau" zo" qobo we' daru: za: pyam" mung: nao tao wa alho we' tin" ra" qobo re phau: mung: ngo wa Mo"so ngaid: ru re ba: lo: li" genae" ga: Mo"so mho: ra".