1 Dam: Mo"so: mung dao: wa ngo jhao"2 joe" gyo" li" mung: – Xaosu byu we" byu se' sa: de; ra" vogaung: re dao: phyid' wa, . Dao: phyid' wa, . Yao: kaid' shaid' lo: ra" mau" zo" jham re ta" sho' kyo: wa, . –3 Mo"so: dao: re ta" kyo: nae" ru wa yao: yao" ayo, joe" nae" tau: yao: yao" agaung: mae byu se' mung: yao: yao" gaung re anyain: avho: boe" nae" ru re mo"so: alho re kaid'4 ra" vogaung: nao ngaid: ra". – Nao wa byu se' ru: yang qobo qo" ra". Sulho jham re kaid' ra" khyo" yang anyain: avho" ru joe" ra". Yao: yao" ba na ayo, nao yao: joe" nhao va". Ai: mathao ngo wa nao re mang: din" jham mae jung" khyoe' gaui mho jao: boe"5 nhao nae". – Myo, nho nga: gyoe, mung: anhaung" akhoe' boe" ra" vogaung: we" nao re ajhao" ava: mae na ko" ra" mo, gaui6 mho jao: boe" nae". – Israel zug: nau" qe wa yaug nge, akho: akhang" kheim:so' we' dakhyo: ni" khug mae byu re se' ko"7 ra". – Ni" agaung: mae myhi" pho" re maphug' mamyao: kaid' ko" ra". Cug' zo: nau" qe we' cug' mo" jham , bang" vo qe re deim:so: zag pyam" yhin" ko" ra". –8 Nao wa nga" shao lho" ra" zai yo jham re maphug' makhyaid' kaid' ra". Nga" dug no:9 ba re khyoe' ra". – Ni" agaung: mae byu re se' nug mung: ju" phyo' ra" yaug , bam dao mae zo zo" ra" yaug azhaug' amhe' kaid' ra" mo, ba ko" ra".10 Ni" akhug mae yao: pho" yham sang myhi" re na: shaid' ko" ra". Mai ci: ra"11 myiqe: we' zam" shaid' ko" ra". – Ni" akhug mae daqhae: wa yham kyo: cao" yham sang myhi" we' na: shaid' ko" ra". Daqhae: wa yao: yao" dau mo" we' na: shaid' ko" ra". Daqhae: wa yao: yao" nhae" mo" qe we' zoqae: jho" tau" ko" ra".12 Ni" akhug mae byu se' phug' yu ko" ra". Ngaui bai: yu mung: ngaui jhid' shai ko" ra". Yham kyo: cao" jo, nho" re lhaid' yu ko" ra". Ngo re re: to" myhid' pye' ko"13 ra". – Aimung: nao qaung" to" ra" jo, nho" , ni" agaung: mae sheim: ra" sa" mathao mae14 ngo lo, pyo' pyo' ra". – Nao re ngo pyam" yhin" ra" au: ni" nhag' myid qo" qhao" nae" i"? Ni" lo, re: qam: o: qo" nae" i"? Ngo Mo"so wa mho: to: va" ru we' dakhyo:15 kaid' zai ngaid: . – Ngo wa labug: amyu" qe: khug khyo nao re pyo: sin" ke' nae". Ni" apang alhag' re re: ngo shao: khyo"16 pye' nae". – Nao yao: nao yao" gaung re su pe" qhid' kheim: mae qho' beim: mung: Ngo Mo"so ngaid: ru re nao ba: li" nae" ga: Mo"so mho: ra".17 Mo"so: mung dao: wa ngo jhao" joe"18 gyo" li" mung: – Xaosu byu we" Israel amyu" wa nga" qhid' kheim: mae shae khyid' boe" veko". Ai bam wa baung: lhaung" khug mae ke' to" ra" gyid: ne gyid: phyu jo, to' xa re" ru: ngaui we' gao" ra"19 shae khyid' boe" veko". – Ai mung: Mo"so ce ru: ga: mho: ra". Naonhaung" alhab' geim" wa shae khyid' boe" veko" mathao mae Yerusalem: mae khai: zhang" ham20 phaung nhao nae". – Ngaui , gyid: ne phyu jo, to' xa jham re myi: maid mung: aqang: hab' yhug' nae" tau: baung: lhaung" khug mae ke' re re" ru: ngo wa gyai nhag' yo" gyid' ru we' ai re" ru vo khug mae zhang" nha: to: mung: aqang: hab' yhug' nae". –21 Dang dang khai: zhang: mung: nga" nhag' gyid' myi: re maid mung: naonhaung" wa vogaung: khug mae aqang: hab' yhug' pye'22 ru re qhug' li" genae". – Ngaui re baung: lhaung" khug mae aqang: hab' yhug' ru ru: naonhaung" wa vo khug mae aqang: hab' yhug' ru qhug' geyang: Ngo Mo"so wa naonhaung" au: dao mae nga" nhag' gyid' ru re vhe' sheim: venhaung ga" ru re ba: li" genae".23 Dam: dalhang Mo"so: mung dao: wa24 ngo jhao" joe" gyo" li" mung: – Xaosu byu we" nao kai" zhao: kyo: nae" ru wa ngo nhag' yo" ra" ba mae mug: maqu , nao wa mug: qid re maqo" khae: yu: ra"25 mang: ngaid: ra". – Ai: mang: gaung: mae lapa jham wa sho: taung: zo: nae" kyid' na: lo:tin: re" ru: tau: lhain: mau" zai" thug' ko" ra". Aimung: cug' mo" jham zai" myo:26 nhao ko" ra". – Yao: bam: khin: jaung qe re: nga" tarha" re phyo' mung: nga" shao gyang" ra" jo, qo re anyain: avho: kaid' pye' ko". Shao lho" ra" ja: , mashao lho" ja: jham re maba: kho' khaui: lo: ko". Shao lho" ja: we' mashao malho" ra" zai yo jham re lhau: lhag' pye' ko" ra". Nga" dug no: ba re re: jao" ko" ra". Yao: bam: phaung gaung: mae27 ngo aqho' aqhid' phau" na: . – Yao: bam: zug: qe re: matarha" ra" khyo" jo, nho" qo" sho' ga: sho: qho: qin" mung: sa: zai" thug' ru we' byu re bin" se' ra" zag ne we'28 dau ko" ra". – Yao" lapa jham re: Mo"so mata" nhao: ru re Mo"so ce ru: ga: mho: ra" ga: aseim akeim re myao mung: mhug' ta" ru we' yao: bam: zug: pho" tau: mae29 shohhui: gyaid ko" ra". – Mang: byu jham re: pyam" yhin" ru , cang tau: kaid' ru , masho: majhin: mo, re pyam" ru , getau: byumyu" qe re matarha" pyam" ru re kaid'30 ko" ra". – Ai: mang: re ngo maphyo' pye' nae" tau: gug: gam nae" yaug vokham" qeim dao mae ye; jo, mung: tam" kyo" nae"31 su dayaug re: ngo mathe' myao. – Ai ru: mung: nga" nhag' yo" ru re vhe' sheim: yang: nga" nhag' yo" gyid' myi" yang yao: bam re ngha" mung: yao: bam: qobo re yao: bam: au: dao mae ngo khyo" ke' nae" ga: AsAng Mo"so mho: ra".