1 Dam: dalhang Mo"so: mung: dao:2 wa ngo jhao" joe" li" mung: – Xaosu byu we" Yerusalem: khyo qhid' kheim: phaug' mung: shao gyang" ra" jo, qo khyo ang ang mae ta" mung: Israel mang: mae cao" ta"3 wa, . – Mo"so: dao: re Israel mang: re kai" zhao: kyo: nae" ru wa ngo wa nao re gye tug' she mung: nga" shae re shae byao mae" she mung: nao mae tarha" ra" byu, matar-4 ha" byu jham re kyo' shao: pye' nae". – Ai re" ru: nao mae tarha" ra" yaug matarha" yaug jham re she: khyo" nae" akhyo bo: ra" mathao mae nga" shae wa qid bang: mae" ru qid meim joe" sho' daui nam alhab' re phyo' mhain" khyo" pye' li" nae".5 Ngo Mo"so wa nga" shae re shae byao mae" she: thug' ru re daui nam alhab' mo, wa ba: li" genae". Ai: shae wa shae byao khyo dam: vao lo nae" mangaid: .6 Ai mung: xaosu byu we" kaug' myain" qhu: thoe mung wa, . Ni" gaung khai" nho sho' yao: bam: qhid' kheim: mae no kyang:7 kyang" kyo: wa, . – Yao: bam re: nao pe" mung: no kyang: kyang" na: i"? ga: myid: ko" re ngo lau dao: the' gyo: yang: kyang" na: . Ayo, joe" li" na va". Gyaug: din mung: lo, qam: pyain" lo" genae". Nhag' lam: byo, mung: paid' laug re: qid re" ru: boe" byaug: li" genae". Qu" ge, . Ai wa joe" li" yang: boe" nae" ngaid: ra" ga: Mo"so mho:8 ra". – Mo"so: mung dao: wa ngo jhao"9 joe" gyo" li" mung: – Xaosu byu we" lapa pa mung: Mo"so: dao: re kai" zhao: kyo: nae" ru wa shae re tho' sho' saui: veko".10 Jhaid' sho' said' ci veko" ra". – Byu se' nae" tau: mae gyai tho' ra" shae wa lhe' caid' ru: qhid qhid mung: ra". Ai ru: mung: nga" zo: jhaung zug: nau" lhae daung: mathao ngo ngaui bau: zhao: yao: ru kaid' zai i"? Ai: shae wa sag' gae re pe" dao" manghae"11 kaid' li" nae". – Ci yhung: nae" tau: ai re nyhang" said' jhaid' nae" yaug: lo, mae qhaug' byid: nae" tau: ai: shae re qhi qhi mung sho' saui" tho' nhao va" ra".12 Xaosu byu we" zag: gyi: ngug wa, . Khoru: ga" re nga" byu jham mae joe" nae". Israel jhaung zug: alhab' mae re: joe" nae". Yao: bam we' daga" nga" byu jham re qhaug' va" ra". Ai mung: ni" paung daung:13 re pyo' wa, . – Ai: ru wa lag yu: qu" ru ngaid: ra". Shae wa lhae daung: re pe" shui manho ngaid: re lhae daung: wa gyug' pye'14 li" nae" ga: Mo"so mho: ra". – Ai mung: xaosu byu we" lapa pa mung: lo, pyo' pyo' wa, . Shae wa shid' lhang sam lhang joe" nae". Sulhe" shae , qam: bo: ra" sulhe" shae ngaid: ra". Ai wa yao: bam li" lhang" kham"15 ra" shae ngaid nae". – Yao: bam: nhag' lam: gyug: yang: seim" genae" tau: shae gye re vo khao: ngo" kham: dung: khyo ngo joe" nhao mung: shae shao" jhaid' ra". Byu se' nae" nyhang" said' pyaid' to: veko"16 ra". – Shae she: ci wa, . Lo, yo shaid' khyo qam" ke' wa, . Lo, vai: shaid' mae" ru nao qang: ye" lo" ra" gu: alhab' re qam: wa, .17 Ngo re: lo, be, be, mung: nga" nhag' yo" gyid' ru re yaug yo nhao nae". Ai re" ru:18 Ngo Mo"so yao: mho va". – Dam: Mo"so: mung dao: ngo jhao" gyo" li" mung: –19 Xaosu byu we" Babilon: jhaung zug' shae ci: ye" lo" nae" khyo wa shid' gau: jo; ra" ru re xam" to: wa, . Khyo shid' khe' geim" wa damang: din" mae" za: thug' li" nae". Vomo" khyo ye" lo" ra" khyo kao: dakao: mae jo, qo yu wa, .20 Ammon: mang: mae Raba' vo khyo re: Yuda mang: mae gang" tang: ra" Yerusalem: khyo re: shae ye" lo" nae" khyo re xam"21 to: wa, . – Babilon: jhaung zug: wa boe, phyid' qu" nae" tau: khyo shid' gau: qham: ra" khyo kao: mae ye; na: jo; ra". Yao" myo: khe' jham re lhau: lhag' mung: gyoe lho jham re myid' qu" mung: do: re qu"22 ra". – Vokham" phyo' nae" tau:so: xam: pyao: zhaug' to: nae" re: , gye khaid' nae" tau: zag: hug' nhao nae" re: , vomo" kham: shid' shaid' mae soxam: pyao: re qhu" to: nae" re: gyab lao: dau: nae" re: , gye qe, to: nae" re: yao" lo, yo shaid' mae Yerusalem: re phyo' paui nae" myo: ci: ra".23 Ngaid qere: jhaung zug: mae dao:so: khae: yu va" mo, wa ai boe, phyid' ru re pe" shui manho aseim akeim re" ru: jho ko" ra". Jhaung zug: kam" wa yao: bam taung" yu: ru qhug' sho' yao: bam: shaid' nghung" ru re beim:so: nhao: ra".24 Ai ru: mung: Mo"so ce ru: mho: ra". Naonhaung" zai" shaid' lo: ra" mau" myao: thug' li" ra". Naonhaung" zaui: so" lo: ra" mau" alhab' mae qobo za: ngaid: ru we' byu qe naonhaung" qobo re beim:so" na ko" ra" mathao mae naonhaung" wa dang dang yao: cam" taung" lo: ru qhug' genae". –25 Tarha" cao" khyao maci: ra" Israel jhaung zug: we" ni" makhyang: mashab: ra" mau" mathao mae na: byo; gain: lo" nae" ayo, joe" lao" ni" ayo, re: joe" nae" ngaid: ra". –26 Au: thab' re khyaid' pye' wa, . Lhugmaug re re: khyaid' khyo" wa, . Thao re madam: gai: thab' zhaung: lo: nae". Nyham: gyo" na yaug re tau: to' ca" nae" , myhao: ra"27 yaug re: nyham: khyo" ca" nae". – Ngo wa mang: din" re tau: mhaug' pye' nae" , tau: mhaug' pye' nae" , tau: mhaug' pye' nae". Ai re ug nae" main: qi" ra" yaug majoe" joe" wa jo; na shao: , ai: yaug joe" li" lao" ngo ai: yaug re qhaug' byid: nae" ga: Mo"so mho: ra".28 Xaosu byu we" Ammon: zo: qe we' yao: bam: su jung" khyoe' ra" khyo we' tin: yang: lapa pa wa, . Mo"so ce ru: ga: mho: ra" ein: ta" kyo: wa, . Shae she: thug' to: va" , lhe' caid' re" ru: bao mung: zin" se' nae"29 tau: bao qhi: jo; ra". – Mashab makhyang" mau" mathao seim" gyoe; gyo" nae" ayo, joe" mung: qobo dae phau" ra" au: mae se' qhug' ra" mo; mao gaung dao mae jo, qo yu nae" ni" tau: akeim aseim ngaid: ru re myao mung: mhug' dao: vhain" dao: ta" ru mae shae wa se' nae" ga: qhi sho' said' ci veko". Ni" shae re shae byao mae zaui: to: wa, . –30 Nao re ngo myhung: ke' jao: , khau: ra" jo,31 qo mae nao re pyam" nae". – Ni" dao mae nga" nhag' yo" gyid' ru vhe' sheim: nae". Nga" nhag' yo" myi" yang nao re maid nae". Makhyang" thao" ra" nhag' myid bo: ra"32 yaug: lo, khyo qhaug' ke' nae". – Nao wa myi: maid nae" thao: boe" nae". Ni" sa: wa vogaung: kao" mae jo; li" nae". Thao phyao: khag' re: beim:so: lo: genae" mangaid: ein: Ngo Mo"so yao: mho: to: va".