1 Zin ve; nhaid' zin ein: zin lho" ngo" khye' khye' daxe ba: ne, mae Israel amyu" kao qi: nhag' bo ade, jham wa Mo"so re dao: myid' qu" nae" ga: zang" li" mung: nga" qhid' kheim: mae zaung: na: bam ko" ra". –2 Mo"so: mung dao: wa ngo jhao" joe" gyo"3 li" mung: – Xaosu byu we" Mo"so: dao: re Israel amyu" nhag' bo ade, qe re zhao: kyo: nae" ru wa- naonhaung" ngo re dao: myid: nae" tau: li" ko" mangaid: i"? Ngo kao daui: na: ru we' dakhyo: naonhaung" dao: myid:4 re ngo makhae: yu nae". – Xaosu byu we" nao yao: bam re ca: qu" wa, . Ca: qu" wa, . Yao: bam: phug' pho" jham kaid' qu" ra" ca' pho: mau" re ta" sho' kyo: mung: .5 AsAng Mo"so: dao: re kai" zhao: kyo: nae" akhyo wa Israel amyu" re ngo khyin: yu mung: Egutu mang: mae yao: bam re na: qhu" yang: ngo wa naonhaung" AsAng Mo"so ngaid: ein: Yaku' amyu" zo: qe re jham kai" ra" ayo, ,6 Yao: bam re Egutu mang: mae" jhui" thug' yang: mang: din" alhab' tho' mae byo: yhid we' nung: nug' yug: ra" mang: , yao: bam: tau: ngo qu" nyhang" to" ra" mang: khyo jhui" lo" nae" au: ngo jham kai" ru7 wa – Naonhaung" yaug nge, lam khug goe; pa" ra" ca' pho" ja: jham re shepye' ge, . Egutu sulho jham we' yao: yao" gaung re danyain: vho: nhao ge, . Ngo wa naon- haung" AsAng Mo"so ngaid: ein: ngo mho8 qe re: – Naonhaung" wa matae" gyo: ko". Ngo re tau: lhain: ko" ra". Yaug nge, goe; pa" ra" ca' pho: jham re re: , Egutu sulho re re: , mashepye' lo: na veko". Ai mung: ngo yao: bam mae nhag' shid se' nae" tau: Egutu mang: khug mae yao: bam: adao khyo nga" nhag' gyid' ru vhe' sheim" khyo"9 ke' nae". – Ngaid qere: yao: bam bona: ra" su pe" byumyu" qhid' kheim: mae nga" myo, nho nga: lao: maqeim mabyo, nae" tau: nga" mang khyao: bao: myhao" zo" re" yao: bam re Egutu mang: mae" jhui" thug'10 lo va". – Egutu mang: mae" jhui" pyaung" thug' lo mung: seyo mae lo: joe" ra" au: –11 Ai mae ngo yao: bam re nga" cao" khyao jin kham re byid' to: mung: ngo tarha" pyam" ra" akhyo re ci: qhu" va". Ai: ru wa qo" cao"12 yaug kao daui: na nae" akhyo ngaid: . – Ai mae" getau Ngo Mo"so wa yao: bam re shao kyang" va" ga" akhyo re yao: bam ba genae" ru re yao: bam we' nga" gyo: mae sagso: boe" nae" tau: nga" dug no: ba re13 ngo byid' to: va". – Ngaid yang: re: Israel amyu" qe wa seyo mae ngo re tau: lhain: veko". Qo" cao" yaug kao daui ko" veshao: ein: nga" cao" khyao jin kham re macao" ru za: maka" maphug' makhyaid' kaid' mung: nga" dug no: ba re khyoe' veko". Ai: au: yao: bam re phyo' kain" pye' nae" tau: seyo mae nga" nhag' yo" gyid' ru re yao: bam: dao mae vhe' sheim" khyo" ke'14 nae" ein: myid va". – Ngaid qere: ngo yao: bam re jhui" lo" ra" jeju re myao: ra" getau: byumyu" jham: qhid' kheim: mae nga" ham" hung: myo, nho nga: lao: masham mabyo, nae" nga" mang khyao" tau: zang:15 qhao" va". – Ai: tho' mago" mang: din" alhab' mae je: gai mung: nung: nug' byo: yhid yug: ra" mang: yao: bam re ngo byid: nae" mang: khyo majhui" dai" lo: nae" tau: seyo mae yao: bam re ngo jham kai:16 va". – Khoru: ein: re yao: bam: nhag' myid wa sulho jham re za: nhag' taui: ko" mung: nga" cao" khyao jin kham jham macao" pyang" maphug' makhyaid' mung: nga"17 dug no: ba re khyoe' veko". – Ngaid yang: re: ngo yao: bam re o: byid mung: maphyo'18 qheim" , seyo mae mazai" kain". – Yao: bam: zo: myid: jham re re: naonhaung" phug' pho" jham cao" ra" khyo" dacao" ge, . Yao: bam: sulho jham khyo" yang yao: yao"19 gaung re danyain: vho: nhao ge, . – Ngo wa naonhaung" AsAng Mo"so ngaid: . Nga" cao" khyao jin kham jham re khae: yu cao"20 pyang" ge, . – Nga" dug no: ba re re: shao kyang" ge, . Ngo wa naonhaung" Mo"so ngaid: ein: ru re naonhaung" ba genae" akhyo re ai: dug no: ba re ngo we' naon- haung" gyo: mae sagso: daung" zang boe" nhao ge, ein: ngo ta" va".21 Ngaid yang: re: yao: bam: zo: myid: jham wa ngo re tau: lhain: veko". Qo" cao" ra" yaug kao daui nae" akhyo ngaid: ra" nga" cao" khyao re makhae: yu macao" lo: na gemung: nga" dug no: ba re khyoe' veko". Alao" ngo wa seyo mae nga" nhag' gyid' ru yo: lo" nae" tau: yao: bam: dao nga" nhag' yo" gyid' ru re vhe' sheim" ke' nae"22 ein: myid va". – Ngaid yang: re: ngo jhui" thug' lo: ra" jeju re the' myao ko" ra" getau: byu qe: qhid' kheim: mae nga" ham" hung: myo, nho nga: lao: masham nae" tau: nga" mang khyao: re myid yang: zang: qhao"23 va". – Ai mae" getau yao: bam re mang: din" khyi" khao: ngo" khyo pyo: sin" ke'24 nae" tau: seyo mae jham kai: va". – Khoru: ga" re yao: bam wa yao: bam: phug' pho" qe lam khug: ra"sulho mae nhag' taui" na ko" mathao nga" cao" khyao re macao" , maphug' mamyao: kaid' ko" mung: nga" dug no: ba re khyoe' veko".25 Aimung: magai: ra" cao" khyo kao madaui: ra" cao" khyao jin kham jham re26 ngo byid: va". – Ngo Mo"so ngaid: ru re yao: bam ba genae" khyo: yao: bam re zai" kain" pye' nae" tau: zoqhid' qe re myi: hab' xeim: kaid' ru mae yao: bam: caung da" jhaung qhu" we' daga" yao: bam re anyain: avho: kaid' pye' va".27 Ai mung: xaosu byu we" Mo"so: dao: re Israel amyu" jham re kai" zhao: kyo: nae" ru wa- naonhaung" phug' pho" qe wa ngo re alhang lhang zai" shaid' mung: khyoe'28 lo vegenhaung i"? – Yao: bam re byid: nae" tau: ngo dang: to" ra" mang: khyo jhui" vao lo" ra" au: yao: bam wa myhao: ra" bug gaung , sag' vho' maung" ra" ru re qu" mung: ai ru" jo, qo khyi" khao: ngo" mae ngo re nhag' zai" yho: nae" tau: xeim: ngaui" ru , sheim nae pyo: nam phaid' hab' ru, keim tang vhe' sheim" ru jham re kaid'29 ko" ra". – Ngo re: naonhaung" lhaung" ye" na ko" ra" myhao: ra" bug gaung wa pe" ngaid: i"? ein: myid: ngaid qere: ana" ba joe" sho' myhao: ra" bug gaung ga: ta" nug: ra" Ba:ma: ga: mang mhang" ko" ra".30 Ai mung: nao wa Mo"so: dao: re Israel amyu" jham re kai" zhao: kyo: nae" ru wa- Israel amyu" qe we" naonhaung" wa phug' pho" qe: ave, we' dakhyo: anyain: avho: ngaid: ra" ca' pho: mau" re kaid' mung: shaid' nghung: veko".31 Xeim: caung da" ru re: yao: yao" tau: myi: ngha" ngaui" ko" ru re: , ana" ba joe" sho' sulho jham we' nyain: vho" na ko" ru mae ngo wa naonhaung" myid' ra" dao: myid: re khae: yu zai i"? Ngo kao daui: na: ru we' dakhyo: naonhaung" dao: myid: re32 ngo makhae: yu nae". – Ngonhaung" wa getau: byumyu" qe re" ru: sag' thaung: mo"so , laug baui mo"so re goe; pa" ko" ra" mang: , byumyu" qe re" ru boe" nae" myid: yaung: to: ko" ru we' dakhyo: gai: boe" genae" mangaid: .33 Mo"so ce ru: ga: mho: ra". Ngo kao daui: na: ru we' dakhyo: gai gai: qam: mo" bo: ra" lo, yheim" qang: ke' ra" lo, lam: vhe' sheim" ke' ra" nhag' yo" laung: ru: yang34 naonhaung" dao mae ug nae". – Naon- haung" byo: sin" na: bam ko" ra" mang: khao: mang: ngo" mae" qam: mo" bo: ra" lo, yheim" qang: ke' ra" lo, lam: vhe' sheim" ke' ra" laung: ra" nhag' lam: we' zhang" yu35 mung: ham phaung: na nhao nae". – Byu amyu" myu" jham: seyo khyo jhui" vhao" mung: ngo yao: tarha" dao: phyid' nae". –36 Egutu seyo mae naonhaung" phug' pho" qe we' dao: phyid' ru re" ru: naonhaung"37 we' dao: phyid' nae". – Vo: se: gyid' mae su" lo" nhao mung: dao: thang" we' taui"38 to: nae". – Ngo re tau: lhain: mung: shaid' nghung" ra" mo, re yao: bam: khug mae" phoe' lhaui" pye' nae". Yao: bam re: na: ra" mang: mae" thug' lo" ko" ngaid yang: re: Israel mang: khyo maqo" vao genae". Ngo Mo"so ngaid: ru re naonhaung" ba39 genae". – Israel amyu" zo: qe we" Mo"so ce ru: ga: mho: ra". Ye" lo" ge, . Yaug nge, wa yao: yao"sulho jham re goe; pa" ge, . Ngaid qere: gai gai: yao: thao phyao: naonhaung" nga" dao: re matae" gyo: lo: na gezai mangaid: . Naonhaung" byid' ra" jhaung qhu" we' gyoe lho jham: yang nga" shao lho" ra" mang khyao: re anyain: avho: kaid' lo: gezai mangaid: .40 Khoru: ein: re nga" shao lho" bam , myhao: thao" ra" Israel bam dao mae Israel amyu" zo: , mang: byu alhab' ngo re lam khug goe; pa" genae". Ngo re: khae: yu mung: ai: jo, qo mae naonhaung" caung da" ra" jhaung qhu" sao qhid' mhang" ra" myug: shi: mae" khyin: yu: ra" amyug: ashi: we' daga" naonhaung" mae shao lho" ra"41 ja: alhab' re ngo mho' nae". – Naonhaung" byo: sin" na: ra" mang: khao: mang: ngo" mae" ngo jhui" yu yang: ham phaung: na nhao ra" au: naonhaung" mae bobo: lo: ra" sheim nae pyo: nam we' daga" naon- haung" re ngo khae: yu mung: naonhaung" mathao: yang su pe" amyu" qhid' kheim: mae myo, nho nga: lao: ham" hung: bao42 qhi: na: jo; li" nae". – Naonhaung" phug' pho" qe re byid: nae" ein: dang: to" ra" Israel mang: khyo naonhaung" re ngo jhui" joe" lo lao" ngo wa Mo"so ngaid: ru re naonhaung" ba genae".43 Naonhaung" yao: yao" gaung re anyain: avho: kaid' lai: lo: ra" akhyo re ai: mang: mae myid: beim: mung: kaid' shaid' lo: ra" akhyo: mathao mae yao" gaung yao: re44 myid: ca' genae". – Israel amyu" qe we" naonhaung" mashab makhyang" ra" ave, asam" we' dakhyo: ngo wa ngo yao" mang khyao: re myid: aug' o: mapyam" ru re myao lao" ngo wa Mo"so ngaid: ra" akhyo re naonhaung" ba: li" genae".45 Mo"so: mung dao: wa ngo jhao" joe"46 li" mung: – Xaosu byu we" qid bang: khyo myo, khung: lhang mung: qid bang: qang yang: qid bang: mae jo; ra" seyo re kai"47 zhao: kyo: nae" ru wa – Mo"so: dao: re qid bang" mang: mae jo; ra" seyo yoqao" jham re kai" zhao: kyo: nae" ru wa ngo wa nao mae myi: maid nae". Nao mae jam" ra" sag' gae , kyaug' ra" agae jo, mae" jo, myi: ngha" nae". Nga" ra" myi: mashid lo: qid bang" thao mae" qid meim joe" sho' myid48 dagye, geim" nga" lo" li" nae". – Ai: myi: re Ngo Mo"so ngha" ru re daui nam yaug nam alhab' bam: ba: li" genae". Ai: myi: wa49 mashid nae" ga: Mo"so mho: ra". – Ngo re: Mo"so we" yao: bam wa ce: yaug wa dao: tau" khyo" za: ba: ta" ra" mangaid: i"? ga: ngo re qang yang: ta" ba ko" ra" ein: dam: tau: va".