1 Ai mae" getau Israel amyu" tau: mae kaug' ngug: yao" yang: ta" nae" ru wa-2 Ni" myhi" wa khag' ngaid: i"? Lo:tin: myhi" ngaid: ra". Yao: wa lo:tin: phaung mae ab' jo; ra". Lo:tin: nau" qe mae yao:3 zo: jham re qi" qhang nhao: ra". – Yao: qi: qhang nhao: ra" lo:tin: nau" dadau: wa lo:tin: aqae boe" va". Yao: wa sho: ba: qho:4 ru we' byu re bin" se' ba: ra". – Byumyu" qe wa yao" akhyo the' gyo: mung: myid gyain: mae ai: lo:tin: taung" yu mung: jao co" yang: taui: mung: Egutu mang: khyo5 yu: ye: ko" ra". – Yao: myhi" wa lao" nghang: mung: nhag' nghae: jao: majo, lo" ru ba yang: zo: dadau: dam: khau: yu mung: qi" li" sho' caung: qhang" yu:6 ra". – Yao: wa lo:tin: jham we' zam" na mung: lo:tin: qae boe" yang: seyo: gug' nyhug' re taung: nae" ru we' byu jham re7 re: bin: zo" ra".– Yao: bam: yham jham re yao: ba mung: mug khyu: vogaung: jham re phyo' sin" pye' ra". Yao: kyid' ra" thoe: yang mang: din" we' ai mae na: ra" mo,8 sae za: na: bam ko" ra". – Alao" byu jham wa seyo: vogaung: khyi" khao: ngo" zang" li" mung: li" lhang" kham" ci yang: geim: yang pye' lhaung" mung: dung: gyain: mae9 taui" yu ko" ra". – Yao: re jao co: taui" yang taui: mung: Babilon: jhaung zug: jhao" jhu" lo" ko" mung: yao" dao: thoe wa Israel bam dao mae thao phyao: mamyang nae"10 tau: kyam: mae lhaung" to: ko" ra". – Ni" myhi" wa nao we' dau yang: qid yae mae qho" to" ra" sabyi' naui re" ru: ngaid: ra". Qid qo" yang: akaung ako' jab: lo mung:11 shi: myo: sho' zaui: ba: ra". – Jhaung zug: qe ci: ra" jang vai" gang" ra" jang vai" lhae daung: we' byang" vin" ra". Thau: ru we' myo: laug: ra" akaung ako' jham we'12 amyhao mae to" ye; jo; ra". – Ngaid qere: ai wa nhag' lam: laung: ru: yang naid: pye' mung: gyang: lang" ava". Ba thug' la hug' lo yang: ashi: kyaug' lo" nhao: ra". Kyaung: ra" jang vai" jham gyug: mung: kyaug' lo"13 yang: myi: nga" ru phau" ra". – Ana" kam" wa qid majo; ra" gaoso yo mae qho" to"14 ru qhug' va" ra". – Akaung ako' jang vai" dalam: mae" myi: thug' li" mung: ashi: re nga" pye' ra". Jhaung zug' jang vai" kaid' nae" tau: kyaung mung: gang" ra" jang vai" dalam: re: madang lo: ngaid: ra". Ceru wa kaug' myain" qhu: thoe mung nae" akhyo boe" ra". Kaug' ngug nae" akhyo re: boe" li" nae".