1 Dam: Mo"so: mung dao: wa ngo jhao"2 joe" gyo" li" mung: – Yao: phug' yao: pho" jham sabyi' shi: jhin zo: mung: zo: myid: qe zaui kyam ko" ra" ga: naonhaung" Israel mang: re qang yang: ta" ko" ra" dao: zham"3 wa pe" ga" ru ngaid: ra" i"? – Mo"so mho: ru wa- Ngo kao daui: na: ru we' dakhyo: thao phyao: Israel mang: mae ai: dao: zham" ta"4 nae" akhyo majo, lo: nae". – Aung khug: nhag' myid re Ngo sang: , phug' pho" qe: aung khug: nhag' myid re Ngo sang: ru we' dakhyo: zo: myid: qe: aung khug: nhag' myid re re: Ngo sang: . Qobo kaid' ra" aung5 khug: nhag' myid wa shid genae". – Byu ga: ru wa nhag' lam: din: mung: tarha" vao: ra" mau" , dang main: ra" mau" re kaid' re6 wa – Bam dao mae" mazo: , Israel amyu" lam khug goe; pa" sulho re magoe; pa". Su: myi: su: lao mashaid' , mai ci: ra" myiqe:7 we' mazam". – Khag' re re: mayhin" pyam" , li" ngha: to" ra" zai re madam: byid: lo: makaid' , su: jo, nho" malhaid' zo: , vae: moe; mo, re byid: zho: mung:8 mai bau: made, mo, re byid: vhe' re – Gau pai: yu mung: ngaui mashai , deim:so: zag: mau" re makhae: yu , su pe" mau" re tarha"9 ra" khyo" dao: phyid' ru – Ngo byid' to" ra" cao" khyao we' dakhyo: cao" mung: dao:so: zaung: ru re kaid' cao" re ai: yaug wa din" ra" yaug ngaid: ra". Gai gai: kao10 daui: na nae" ga: Mo"so mho: ra". – Ngaid qere: ai: yaug: yao: zo: wa cang tau: kaid' yaug byu se' yaug azhao ta" lai: lo va" qobo11 daja: ja: kaid' shaid' yaug – Azhao mho: to" ra" gai: ra" ru re makaid' , su: jo, nho" zai yo re lhaid' yu: ru. Bam dao mae" zo" ru ,12 su: myi: su: lao shaid' ru – Sho: jhin moe, shab' mo, re yhin" pyam" ru su: jo, nho" zai yo re lhaid' yu: ru , ngha: to" ra" jo, nho" zai yo re madam: byid: lo: na: ru , sulho re13 goe; pa" ru ca' pho: mau" re kaid' re – Gau pai: we' ngaui jhid' shai: ru kaid' ra" yaug wa kao loe, nae" i"? Magai: loe, ca' pho" ra" mau" re kaid' ra" ru mung: gai gai: se' ru qhug' nae". Shid nae" main: qi" qobo bo:14 ra" . – Ngaid qere: ai: yaug: yao: zo: wa yao: pho" zai" shaid' ra" qobo alhab' re myao mung: myid: nghae" qu" yang: ai re" ru: ra"15 mau" re makaid'. – Bam dao mae" mazo: , Israel amyu" lam khug goe; pa" sulho re16 magoe; pa". – Su: myi: su: lao mashaid' khag' re re: mayhin" mapyam". Ngha: to" ra" jo, nho" zai yo re mayu , su: jo, nho" zai yo malhaid' moe, shab' mo, re zho: jhaug' ru mai bau: xug' khye' maqo" mo, re gae17 vhe' ru – Qug: khai: kyin" nhaung" qhug' ra" yaug re manhaung" khoe' , ngaui pai: mayu lo: ngaui jhid' shai: ru kaid' mung: ngo khyo" to" ra" cao" khyao jham re cao" pyang" re wa ai: yaug wa yao: pho" yug: no qobo: mathao mae gai: shid nae" mangaid: ,18 gai gai: kao loe, nae". – Yao: pho" kam" wa yao" mao: nhaung: qe re alhang lhang pyam" yhin" ru , su: jo, nho" zai yo lhaid' ru , yao" amyu" yao: cao: mae magai: ra" mau" kaid' ra" mathao se' ru qhug' nae" . –19 Naonhaung" re: khoru: i"? Yao: zo: wa yao: pho" qobo re magai: phau: i"? ga: myid: ko" re yao: zo: tarha" vao: mau" dang main" ru re kaid' mung: ngo khyo" to" ra" cao" khyao jin kham jham re cao" pyang" re20 gai gai: yao: kao loe, nae" . – Zai" shaid' yaug wa shid nae". Yao: zo: wa yao: pho" qobo re magai: khae: yu yao: pho" wa yao: zo" qobo re magai: khae: yu tarha" ci: ra" yaug wa tarha" ra" khyo" tarha" maci yaug matarha" ra" khyo" qobo re khae: yu ca"21 nae". – Ngaid qere: tarha" ru macao" yaug wa yao: yao: kaid' shaid' ra" qobo alhab' re jao" pye' yang: nga" cao" khyao jin kham jham re cao" pyang" mung: tarha" vao: ra" mau" dang main" ra" mau" jham re kaid' re shid nae" ru mae" loe, mung: gai gai: kao daui: na nae".22 Yao: zai" shaid' lo: ra" qobo re xam" to: lo: nae" mangaid: , dang main" ra" mau" kaid' ra" mathao: yang kao daui: na:23 li" nae" . – Tarha" maci: ra" yaug wa yao" ave, re jao" pye' mung: yao: daui: na nae" ru re o ngaui: ru mangaid: i"? ga: Mo"so24 mho: ra". – Ngaid qere: tarha" ra" yaug wa phaug' lhain" lo" mung: se' da: be, khyaid' mau" re re: tarha" maci: ra" mo, kaid' ra" anyain: avho: mau" alhab' re kaid' re kao loe, zai i"? qhid' phyao: kaid' lo: ra" agai re mayhin: , yao: shaid' lhoe" ra" mau" zai" shaid' ra" qobo: mathao shid se' se' ru qhug' nae".25 Ngaid yang: re: naonhaung" wa Mo"so khyo" to" ra" cao" khyao wa madin: ga: mho veko" nhaung i"? Israel amyu" we" nga" cao" khyao wa din: mung: naon- haung" cao" khyao wa kaui: ra" mangaid:26 i"? – Tarha" ci: ra" yaug wa tarha" akhyo re ngag: pye' mung: se' da: be, khyaid' kaid' re ai: mau" mathao shid sho' se' ru phau:27 nae". – Ai we' daru: za: tarha" maci: ra" yaug wa yao: yao: zai" shaid' lo: ra" se' da: be, khyaid' mau" re jao" pye' mung: tarha" vao: ra" mau" dang main" ra" mau" re kaid' re yao: yao" kao re khyi: khyaid' yu: li" nae".28 Kaid' shaid' lo: ra" se' da: be, khyaid' mau" myid: nghae" qu" yang: jao" pye' ra" mathao shid nae" mae" loe, mung: gai gai:29 kao daui: li" nae". – Ngaid yang: re: Israel amyu" wa Mo"so: cao" khyao wa madin: ngaid: ra" ga: mho genhaung i"? Israel amyu" qe we' nga" cao" khyao wa din: mung: naonhaung" cao" ra" cao" khyao wa kaui:30 ra" mangaid' i"? – Aimung: Israel amyu" we" naonhaung" yaug nge, ave, asam" we' daru: za: qobo dae byid: nae". Naon- haung" wa se' da: be, khyaid' mae" alhab' re shepye' mung: lhang: lo ge, lhang: phaug' lo ge, wo". Zai" shaid' qobo: mathao mae tha" thu: lang: mung: gain: thao" lo" nae"31 khyo majoe" ko" veshao:. – Naonhaung" kaid' ra" tarha" lhoe" mau" re shepye' co' mung: aung khug nhag' myid asag' re nyhang" byao ge, . Israel amyu" qe we" naonhaung" shid se' se' ru re khoru: mung:32 khae: yu nug ko" yha". – Shid: ru qhug' ra" yaug shid nae" mau" zo" mae ngo myid: o: ru mangaid:. Aimung: lhang: phaug' lo ge, wo" ga: AsAng Mo"so mho: ra".