1 Dam: dalhang Mo"so: mung dao: wa2 ngo jhao" joe" gyo" li" mung: – Xaosu byu we" nao Israel amyu" qe re vai: sham" dao: khyo" Mo"so ta" ra" dao: re kai" zhao: kyo:3 nae" akhyo wa – Gekai: lai: ave, asam" we' sho: mug' gyai myo" yaug: mung: qi: qhang: ra" daung de; zeim baung: wa Lebanon: bam khyo joe" mung: shaug' gae au: re lao"4 zhab' ci zo" re" – Myhao: thao" ra" anyaug re lao" khyug' mung: gau mung myho" khyo" mang: khyo ci: lo" mung: gau mung5 vogaung: mae qho" to" ra". – Myug: shi: re re: yu mung: qid laug: ra" yo thaung: din" mae qang mung: Mumakha' sag' gae ru:6 qho" to" ra". – Agae nyham mung: qhang sho' naui: ra" sabyi' naui gae yaug mung: yao" akaung ako' jham wa zeim baung: na: ra" khyo qang: ke' mung: yao" agyid' mae agyi: cin" yang: akaung ako' jham we'7 byang" vin" ra" sabyi' naui boe" ra". – Sho: mug' thau mung: qi" ra" daung de; ra" zeim baung: dadau: na: jo; ra". Sabyi' naui wa yao: yao: qho" ra" qid khyo: nhae mae zeim baung" jeju: mathao qid qo" nae" tau: yao: na: ra" khyo agyi: cin" mung: akaung re:8 yaug: qhang: ra". – Akaung ako' we' jab mung: ashi: zaui: yang: gai: ra" sabyi' naui boe" nae" tau: qid laug: ra" jao: myid jin" bo: ra" yothaung: lao: mae ai: agae re qho"9 ra". – Aimung: Mo"so: dao: re kai" zhao: kyo: nae" ru wa ai: anaui qo" qi" qhang: li" nae" i"? Jhoe' nyhug' lo" nae" tau: agyi: re naid: pye' mung: ashi: re phyo' pye' zai mangaid: i"? Taid' li" ra" afo' jham wa jhoe' nyhug' lo" li" nae". Agyi: we' daga" sham" khyo" nae" mau" re kaid' nae" tau: qi" ra" kheim:so' myo: laug: ra" mo, mo" thaui: maca" ngaid: ra".10 Qho" yhaug' to" ru gai: qi" li" nae" i"? Ba thug' la hug' lo: ra" au: alhab' gain sho' jhoe' nyhug' lo" nae" mangaid: i"? Qi" qhang: ra" yothaung: lao: mae jhoe' nyhug'11 lo" li" genae" ga: mho: ra". – Dam: Mo"so: mung dao: wa ngo jhao" gyo" li" mung: –12 Tau: lhain: ba: ra" amyu" re nao ta" nae" ru wa, . Ce: dao: khoru: ta" nug: ru re ba: gyo: ko" i"? Babilon: jhaung zug: wa Yerusalem: khyo joe" li" mung: Yerusalem: jhaung zug: we' agyi khaung: mhao: jham re Babilon:13 khyo sham" tai: lo" va". – Yao" sang: tin: qe mae" dayaug re khai: yu mung: dao: thang: to: yang: dao:so: qid jhaug' ava". –14 Ai: mang: wa gyoe; gyo" mung: thao mae maqo" to" ye, lo: dao:so: re cao" ra" khyo" na: tang nae" taui: qam: bo: ra" mang: din" byu qe re re: sham" pyaung" tai: lo" va". –15 Ngaid qere: myao: jham byu jham re mho' yu nae" tau: logyo: re Egutu mang: khyo nhao: ke' mung: tau: lhain: veko". Ai ru: kaid' yaug wa na: gai nae" i"? Dao:so: phyo'16 mung: gai: loe, nae" i"? – AsAng Mo"so ce ru: ga: mho: ra". Ngo kao daui: na: ru we' dakhyo: gai gai: jhaung zug: aya: mae na nhao: ra" jhaung zug: dao:so: re maphug' makhyaid' kaid' mung: dao: thang" re phyo' ra" mathao ai: jhaung zug' jo, qo wa Babi- lon: vogaung: kao" mae shid: li" nae". –17 Pharaoh jhaung zug: wa byu re se' nae" tau: qam: bo: ra" gye mo, mo" thaui: we' daga" gyab lhao: dung: khung: dau: mung: zho: cang yham jham re kaid' to: qere: yao: mang: khaid' re aung doe, nae" mangaid: . –18 Khoru: ga" re Yerusalem: jhaung zug: wa dao:so: re maphug' makhyaid' kaid' mung: dao: thang" re phyo' mung: ce ru" mau" re kaid' ra" mathao mae yao: qo" loe, nae"19 mangaid: . – Ai mung: Mo"so ce ru: ga: mho: ra". Ngo kao daui: na: ru we' dakhyo: gai gai: nga" dao:so: re maphug' makhyaid' kaid' mung: nga" dao: thang" re phyo' ra" qobo re yao" au: dao mae khyo" ke' nae". –20 Ngo wa nga" geim: yang yao: re pye' nghoe' mung: nga" lha" mae myi" nhao yang: Babi- lon: khyo jhui" lo" nae". Ai: vo mae yao:21 re dao: phyid' nae". – Yao: we' daga" phao: ra" byu qe we' gye zo: jham wa shae lhae mae shid genae". Na: dang shi" ra" mo, la hug' lo khao: ngo" ci: dao" lo" mung: khyi" khao: ngo" na: myi" sin" lo" li" genae". Ngo Mo"so yao: ta" ru re naonhaung" ba genae" ga: mho: ra".22 Dam: Mo"so ce ru: ga: mho: ra". Myhao: thao" ra" shaug' gae anyaug re yu mung: qho: nae". Anyaug jham mae nau" ra" anyaug re xag' yu yang: myhao: ra"23 bam dao mae ngo qho" to: nae". – Myhao: thao" ra" Israel bam dao mae ngo qho: nae". Ai wa akaung ako' jham jab: lo mung: ashi: zaui" ru gai: ra" sabyi' naui boe" nae". Ai: agae qao: we' akaung ako' jham mae ngho' jhid' ngho' zo: cao jab khug: na: li"24 genae". – Ngo Mo"so wa myhao: ra" agae re nyham nhao mung: nyham: ra" agae re tau: to' nae". Nyug lao qam" ra" agae kyaug' lo" nhao nae". Kyaug' ho: ra" agae nyug lao qam" boe" nhao: akhyo jham re seyo: sag' gae jham ba: li" genae". Ngo Mo"so wa ta" to" ru we' dakhyo: kaid' lhoe" nae" ga: mho: ra".