1 Dam: dalhang Mo"so: mung dao: wa2 ngo jhao" joe" li" mung: – Xaosu byu we" Yerusalem: wa yao" anyain: avho: mau" jham re ba nae" akhyo re kaid' wa, . –3 Mo"so wa Yerusalem: vo re mho: ra" dao: re nao kai" zhao: kyo: nae" wa , ni" na qao: , nao re khau: ra" jo, qo wa Khalade" mang: mae jo; ra". Ni" pho" wa Amori' re byumyu"4 myhi" wa Hiti amyu" ngaid ko" ra". – Nao re khau myhung: ra" akhyo kam" wa khau: ra" ne, mae co' maqhab' maphyid' , qid: yang macid' shao , xo: magyaid , mai5 cug' yang mathab'. – Nhag' khyag' nhag' myain" myid we' caung gam nae" tau: nao re myao mung: khag' re: nhag' mamyain: , khau: ra" ne, yao: nao wa qu" ca' sho' ru din" yo mae shepye' to" ru qhug' ra". –6 Ngo su" lai: lo" re sa: tham: mae lhau" na: ra" nao re myao: ra" au: kao bo myo, myi: nae" ein: nao sa: tham: mae lhau" na: au:7 ngo mho va". – Din" yo mae" myo, gae re" ru: ngo nao re qi: qhang je" lo nhao va". Nao wa dane, we' dane, qi" qhang: li" mung: yaung" lho" ra" gaung khyao we' byang" vin" ra" ni" qao bam nug' qi" li" mung: gaung mae re: sho: mug' yaug: ra". Sao qhid' mae mai bau: mave, gaung lam:8 sho pyaid' ngaid: ra". – Ana" ai: gau: khyo" ngo su" lai: lo" re nao re the' myao: ra" au: nao mae qu" jhid' de, pho" ru ngaid mung: ngo wa nga" bau: thao phyid: lhung: yang: nao gaung lam: sho pyaid' ngaid: na: ru re nghoe' gam byid: va". Jham tang: mung: nao we' dao: thang: to: yang: nao wa nga"9 yham sang myhi" boe" va". – Alao" ngo nao re gaung cid' byid: mung: ni" gaung10 mae" sa: re cid' shao: pye' byid: va". – Khu: tung" de; ra" mai bau: vhe' mung: Takhi- sha' sho: qid khyid zhaung: zhaung: byid: va". Yaung" jid: mo" mai: yang yang" nhao11 va". – Lo, thang: we' qui: mae" dadu xaui: nam ve, nam jham: yang shaung yhaung"12 va". – No: to' , nho kheim" , yaung" ra" au:13 thab' re re: thab' nhao va". – Ai re" ru: nao wa ngaui hhang we' zin yung pin: yaung" khu: tung" tung" ra" ve, nam ci nam jham: yang shaung yhaung" mung: cinmain" byo: yhid xau jham re zo: yang: gyai yaung" lho" ra" ave, bo: li" mung: jhaung zug: myhi"14 aya: re khae: yu nhao va". – Ngo wa nga" kheim:so' myo, nho nga: lao: nao mae qhaug' byid: yang: nao wa gyai yaung" lho" ru byang" vin" mung: amang: mang: adin" din" mae ham" hung: qi" lo: ra".15 Ngaid qere: nao wa ni" yaung" lho" ru re nga: yu mung: nao ham" hung: qi" ra" mathao: yang yaug zhang: myhi" kaid' mung: su" lai: ra" mo, alhab' we' zam" ko" mung: yaug gai khao: ngo" wa nao we' zam" nae" akhang" qo" ko" ra".16 Nao wa ni" mai bau: re khyaid' mung: ave, aja: ja: gai: the' myao: ra" pin: po: yaung" we' myhao: ra" jo, qo jham re shaung yhaung" to: mung: ai: dao mae yaug zhang: myhi" kaid' ra". Ce ru" ru wa khonhae" re: maboe" qu" , thao phyao: re:17 boe" nae" mangaid: . – Nao wa ngo byid' ra" ngaui hhang ve, nam xaui: nam jham re yu mung: yaug gai: alho sheim" yu mung: yao: bam we' na: shaid' na venhaung18 i"? – Khu: tung" tung" ra" ni" mai bau: re yu yang: ai: alho jham re vhe' mung: nga" xau we' sheim nae pyo" ra" ja: jham re yao:19 bam: qhid' kheim: mae to" to" ava". – Ngo byid' ra" zo: nam , nao re ngo zho: jhaug' ra" cinmain" nhug , xau , byo: yhid jham re re: yao: bam: qhid' kheim: mae kai" to:20 venhaung i"? – Ai mae" getau nao khau: ke' ra" nga" zo: dau re re: ai: alho jham re caung da" nae" tau: xeim: ngaui" byid: venhaung21 i"? – Nao mangaid makhung" gaung sho: zam" khug: ru re nhag' madag: ra" mathao nga" zo: dau jham re se' mung: alho jham22 re myi: ngha" hab' ngaui" zai i"? – Nao kaid' ra" anyain: avho: mau" tarha" mavao: phavae mau" alhab' geim" re kaid' ra" au: mae nao ngai shi" au: gaung lam: sho pyaid' ngaid: ra" akhyo , sa: tham: lhau" na: akhyo23 re mamyid: beim: lo: nhaung i"? – Nao wa byuxa: voqoe, va" byuxa: voqoe, va" ga: Mo"so mho ngaid qere: ce: shaid' nghung"24 ra" mau" alhab' za: maka" – Nao na nae" zho: cang yham kaid' mung: vogaung: khyo dang khao: ngo" mae myhao: ra" jo,25 qo jham re kaid' to: va" ra". – Nao wa khyo kao: kao: khao: ngo" mae myhao: ra" jo, qo kaid' to: mung: ni" yaung" lho" ra" gaung khyao re anyain: avho: kaid' pye' sho' ai: gau: khyo" su" lai: mo, alhab' re paung phyu khyaid' qhu" mung: shaid' nghung"26 ra" mau" kaid' ke' ava". – Nao wa ni" yham kyo: ngaid: ra" gaung khyao qi: qhang: ra" Egutu byu qe we' phavae mau" kaid' mung: ngo re nhag' yo" gyid' nhao sho' ni" shaid'27 nghung" mau" re kaid' thug' ke' ava". – Ai ru: mung: ngo wa lo, yheim" ke' mung: ni" zo: shaug' re qab: yu mung: nao re nghang" ra" ni" makhyang: mashab: mau" mathao mae ba: qho' ra" Philisti amyu" zomyi" lo,28 khyo qhaug' va". – Nao wa mhin shab' ru mabaui: mung: Asuri byu qe we' re: na: shaid' veko". Ai re" ru: na: shaid' na ngaid29 yang: re: nhag' madag. – Ai mae" getau Khanain: mae" ru Khalade" mang: joe" sho' tarha" mavao: phavae mau" re myo: laug nhao sho' ngaid yang: re: nhag' madag30 shi: ngaid: ra". – Maba: qho' lo" ra" yaug zhang: myhi" re" ru: ce: mau" zo" alhab' nao kaid' ra" mathao mae ni" nhag' myid wa gyai yao: makhyang: nhaung i"?31 Ni" zho: cang yham re jo, qo khyi" khao: ngo" mae kaid' mung: khyo kao: nge, sho' myhao: ra" jo, qo mae kaid' to: yang: akho" aphug' mayu: ra" mathao mae yaug zhang: myhi" we' madau ngaid: ra". –32 Yaug gai byu bang" re ni" yham sang pho" atha" lham: khae: yu: ra" mathao mae lao lhaid' yaug we' dau: ra".33 Yaug zhang: myhi" alhab' wa akho" aphug' yu ko" ra". Nao kam" wa ni" zoqae: pho" jham re jhaung qhu" ga: byid' ra". Khyi" khao: ngo" mae" mo, li" lo mung: tarha" mavao: phavae re kaid' nae" tau: su geje re lhaung: nha: to: ba: ako".34 Ai mung: nao wa getau: yaug zhang: myhi" jham we' shai" ra" khyo: kaid' ra". Nao kaid' ra" khyo: khoyaug tarha" mavao: phavae mau" re makaid' ko". Nao wa akho" aphug' mayu , su re byid: gae: ra" mathao getau: myiqe: jham we' shai" ra".35 Ai mung: yaug zhang: myhi" we"36 Mo"so: dao: tae" gyo: wa, . – AsAng Mo"so ce ru: ga: mho: ra". Nao wa ni" gyid: cug' jham re vhe' khyo" pye' mung: ni" zoqae: jham we' na: shaid' yang: ni" gaung cin dam: re ci: qhu" ra" mathao mae re: , ni" anyain: avho" ra" alho jham alhab' we' nao yao: bam re qhaug' ngaui" ra" ni" zo: dau37 qe: sa" mathao mae re: , – Nao re jhid' de, ko" ra" zoqae: alhab' we' nao jhid' de; ra" yaug , nao re nghang" ra" mo, re ngo khai: zhang: ham phaung nhao nae". Ni" avai: ayae mae ham phaung nha: to: mung: nao gaung lam: sho pyaid' ngaid: ru re ngo myao yang: ai bam alhab' mo, wa nao mae gaung lam: sho pyaid' ngaid: ru38 re the' myao genae" . – Lao lhaid' shaid' ra" myiqe: we' byu se' ra" myiqe: jham re pyam" re" ru: nao re pyam" mung: nhag' lam: laung: ru we' yo" gyid' ra" sa: byid:39 nae". – Nao re yao: bam: lo, khyo qhaug' yang: yao: bam wa ni" zho: cang yham re phyo' mung: myhao: ra" jo, qo jham re phyo' sin" khyo" pye' genae". Ni" mai bau: re khyaid' mung: yaung" ra" zai yo jham re lhaid' lo" mung: nao re mai bau: mavhe' gaung lam: sho pyaid' shelhaui" to: co' li"40 genae" . – Byu mo, thaui: mo" re re: yao: bam khai mung: ai bam wa nao re laug baui: yang nao re pye' se' mung: shae:41 yang adau atam" je; pye' li" genae". – Ni" yham jham re re: myi: ngha" pye' mung: myiqe: jham myo: sho' qhid' kheim: mae nao re dae byid: geyang: nao thao phyao: yaug zhang: myhi" makaid' lo: na nae" tau: ngo kaid' nae". Thao phyao: nao su maju"42 phyo' lo: sho' kaid' nae". – Ai re" ru: nga" nhag' lam: yaug yo nhao nae". Nao re ngo malam". Gyai laung: ra" nhag' myid cae" lo" mung: ngo wa nhag' mayo: lo: yaug yo43 taung" na nae". – Nao wa ngai shi" ra" ayo, re mamyid: beim: ja: khao: ja: ngo" mae ngo re kaung: kag' ra" mathao ni" qobo re ni" au: dao khyo khyo" ke' nae". Anyain: avho: mau" alhab' geim" adao mae mashab makhyang" ra" ru re paug' yang: ai: mau" re magai: kaid' lo: nae".44 Dao: khyo: ta" mo, wa yao: myhi" ru" zomyi: ga: nao re qang yang: dao: khyo:45 lhaung" ta" genae". – Nao wa yham sang pho" we' zo: dau qe re ca' gyaug: ra" myiqe" yao: nhaung: ngaid: ra". Ni" myhi" wa Hiti amyu" ni" pho" wa Amori' byu ngaid:46 ra" . – Ni" bai: wa ni" lo, yo shaid' mae yao" zo: dau qe we' daga" na: ra" Samari' ngaid: ra". Nao tho' kao ngai: ra" ni" nhaung: wa yao" zo: dau qe we' daga" ni" lo, yo shaid' mae na: ra" Sodom: vogaung:47 ngaid: ra". – Ngaid qere: nao wa yao: bam: sam" ve, li we' anyain: avho: khyo re za: cao" ru mangaid: ai re pe" mataung" ngaid: ra" khyo" myid mung: ja: khao: ja: ngo" mae je: mashab makhyang: ngaid: ra" . –48 Ngo kao daui: na: ru we' dakhyo: nao wa ni" zo: dau qe we' daga" kaid' lo: ru ru: ni" nhaung: Sodom: we' yao" zo: dau qe49 kaid' qu" ko" ru mangaid: . – Ni" nhaung: Sodom" qobo wa yao: we' zo: dau qe ngaid beim: nhag' lam: qi" ru , gyi: gyi: baug baug zo" ru , yaug yo za: na gai ko" mung: sho: jhin moe, shab' na mo, re mabao" mathaug' lo: na: bam ko" ra".50 Nhag' myid qi" nghao" mung: nga" qhid' kheim: mae ca' gyaug pho" ra" mau" re kaid' ko" ra". Ai mung: nao the' myao: ru we' dakhyo: yao: bam re ngo sham"51 khyo" pye' nae". – Samari' re: nao kaid' ra" qobo mau" agaung: daqi" lao" makaid' , nao kam" wa anyain: avho: mau" re yao: bam tho' je: zai" myo: mung: nao kaid' ra" anyain: avho: mau" jham: mathao52 mae – Nao wa ni" bai: ni" nhaung: re qobo vhin yang: yao: bam kaid' ra" tho' anyain: avho: mau" re je mung: kaid' ra" mathao mae qho' phau" ru re khae: yu wa, . Yao: bam wa nao tho' je: dang main: ko" ra". Nao kam" wa ni" bai: ni" nhaung" qobo re mamyhao" lo: sho' kaid' ra" mathao: yang nhag' lam: byo, mung: qho' phau"53 ru re khae: yu wa, . – Sham" pyaung" tai: lo" qhug' ra" Sodom: we' yao" zo: dau qe , Samari' we' zo: dau qe re ngo dam: jhui" lo: ra" au: sham" pyaung" lo" qhug' ra" ni" byu jham re re: yao: bam we' daga" ngo54 jhui" lo nae" . – Aimung: nao wa yao: bam re nhag' tang" nhao mung: kaid' lai: lo va" mau" mathao nhag' lam: byo, mung: qho'55 phau" ru re khae: yu: li" nae". – Ni" bai: ni" nhaung: Sodom: we' yao" zo: dau qe , Samari' we' yao" zo: dau qe wa na qao: jo, qo khyo dam: joe" lo ko" au: nao re: ni" zo: dau qe we' daga" qhid' phyao: mae" na qao:56 jo, qo khyo dam: joe" lo genae" . – Suri' zomyi: jham we' yao: bam: avai: ayae mae na: bam ko" ra" mo, alhab' wa nao re jung"57 mung: – Ni" avai: ayae mae na: ra" Philisti zomyi: zo: qe wa maphug' makhyaid'58 kaid' genae" ayo, majoe" shi: re – Nhag' lam: ngaid beim" ra" ayo, akhin: mae ni" nhaung: Sodom" yao: bai: dao: dajhid' re: magai: jhau nae". Ana" kam" nao yao" mashab makhyang" ra" mau" we' ca' pho: mau: jham: qobo re nao phau: ca" nae" ga:59 Mo"so mho: ra". – AsAng Mo"so ce ru: ga: mho: ra". Nao wa khae: yu va" dao: thang" re phyo' nug: ra" mathao dao:so: dao: dang re maphug' makhyaid' kaid' ru ru: nao mae ngo kaid' nae".60 Ngaid qere: nao ngai shi" yo, mae ngo nao we' to" to" ra" dao:so: re ngo beim: mung: malam: lai: lo" dao: thang" nao we'61 to: shi: nae". – Nao wa khae: yu va" dao: thang: re macao" ngaid qere: dao: thang" khyo" yang ni" bai: ni" nhaung: bam re ni" zo: dau boe" nae" tau: ngo byid: mung: nao yao: bam re lham: khae: yu lao" nao yao: kaid' lo: ra" mau" re beim:so: mung: gyaug62 qho' li" nae". – Ai lao" nga" dao: thang" re nao we' to: nae". Ngo Mo"so ngaid: ra"63 akhyo re nao ba: li" nae". – Nao kaid' qu" lai: lo va" yug: no qobo re ngo khyaid' pye' byid' re nao myid: beim: mung: qho' gyaug phau: yang: mug' byaug: ra" mathao thao phyao: nhaid' maphung" lo: na: na: li" nae" ga: Mo"so mho: ra".