1 Dam: dalhang Mo"so: mung dao: wa2 ngo jhao" joe" li" mung: – Xaosu byu we" sabyi' naui akaung ako' jham wa seyo mae" getau: sag' gae sag' sho: tho' je: gai: ru pe"3 jo; ra" i"? – Daja: ja: kaid' nae" tau: sabyi' naui re lhaung" yu: qu" ko" i"? Daja: ja: lhau" lhao" ze; to: nae" zau: deim: re sabyi'4 naui: yang gai: kaid' nae" i"? – Ai wa ngha" nae" tau: thao: za: ngaid: ra". Myi: wa ai: sabyi' apain , ale; aphyo: re nga" pye' ra".5 Pe" kaid' gai: ra" i"? – Ai wa myi: manga" shi: mae" pe" kaid' magai , nga" jeim: thao mae re: pe" kaid' magai mangaid' ra" i"? –6 Ce: mau" mae Mo"so mho: ru wa seyo: sag' gae jham mae thao: toe' nae" ngo qhaug' byid' ra" sabyi' naui re" ru: Yerusalem: vobyu jham re ngo qhaug' pye' nae". –7 Yao: bam re ngo lham: khaid' nae". Yao: bam wa myi: dakhyeim" mae" thug' mung: dakhyeim" mae nga" genae". Ai re" ru: ngo lham: khaid' lao" Ngo Mo"so ngaid: ru re8 naonhaung" ba genae". – Yao: bam wa ngo re akai" kai" azhao" zhao" zai" shaid' ko" ra" mathao mae ngo wa yao: bam: mang: re byu sheim manae: jo, qo poe" pye' nae" ga: Mo"so mho: ra".