1 Israel amyu" kao qi: mo, daqhae: li" mung: nga" qhid' kheim: mae zaung: na:2 jo, ko" ra". – Ai: au: Mo"so: mung dao:3 ngo jhao" joe" li" mung: – Xaosu byu we" ce: byu jham wa yao: bam: mo"so re yao: yao" nhag' khug mae to" to: ko" ra". Yao: yao: tha" thu: lang: nae" jo, qo re yao: bam: qhid' au: to" to: ko" ra". Yao: bam myid' ra"4 dao: re ngo tau: byid: zai i"? – Ai ru: mung: Mo"so: amyin" re yao: bam re kai" zhao: kyo: nae" ru wa , yao: yao" mo"so re yao: yao" nhag' khug mae to" to: mung: yao: yao: tha" thu: lang: jo, qo re yao: yao" qhid' au: mae to" to: yang: lapa re ye: myid' qu" ra" Israel byu khag' re re: yao: mae gyoe lho myo: laug: ru we' dakhyo: Ngo Mo"so5 yao: re dao: tau: byid: nae". – Ai re" ru: Israel amyu" re yao: bam: nhag' myid we' dakhyo: ngo dae co' phaug' nae". Ai bam alhab' wa yao: yao" mo"so: alho: mathao mae ngo we' va" lin: lo" veko" ra". –6 Aimung: Mo"so: amyin" re Israel amyu" qe re kai" zhao: kyo: nae" ru wa naung myid qo" mung: gyoe lho jham re jao" pye' ge, . Naonhaung" kaid' ra" anyain: avho: mau"7 alhab' re to" pye' co' ge, . – Ngo we' gao: lao" yao: yao" mo"so re yao: yao" nhag' khug mae to" to: mung: yao: yao: tha" thu: lang: nae" jo, qo re yao: yao" qhid' au: mae to" to: yang: nga" nhag' myid re myid' qu" nae" tau: lapa jhao" li" ra" Israel amyu" ngaid qere: yao: bam mae khug ngha: na mo, ngaid qere: Ngo Mo"so yao: dam: ta"8 nae". – Ngo ai: yaug re lham: nai: khyug' nae". Ai: yaug re nga" amyu" khug mae" phoe' thug' pye' nae". Ngo Mo"so ngaid:9 ru re naonhaung" ba genae". – Lapa pho" re: lapa pa: shaid' ngaid: re Ngo Mo"so yao: yao: re zai" shaid' nhao: ru ngaid: . Ai: yaug re dae byid: mung: nga" amyu" Israel amyu" khug mae" phoe' lhaui" pye'10 nae". – Yao: bam re: qobo we' main: qi" ru qhug' li" genae". Lapa phau" dae wa lapa re ngha: ra" yaug phau" ra" dae we' daru: za:11 ngaid nae". – Aimung: thao phyao: Israel amyu" wa ngo re mapye' malhae". Khyo manghung: zai" shaid' qobo: yang yao: yao" gaung re manyain: vho: nhao lo: za: yao: bam wa nga" amyu" , ngo wa yao: bam: Mo"so boe" nae" ga: Mo"so mho: ra".12 Dam: dalhang Mo"so: mung dao: wa13 ngo jhao" joe" li" mung: – Xaosu byu we" mang: byu jham wa alhang lhang tarha" lhoe" mung: ngo re shaid' nghung: ko" ra" mathao ngo wa lo, yheim" qang: ke' mung: cinmain" abao" athaug' tam" kyo" pye' yang: zo: pho: re myaung: lo" nhao mung: ai: mang: mae byu we' gug' nyhug' jham re14 zai" kain" pye' re – No'a, , Daniel , Yoba' ce sam yaug bo ko" qe re: yao: yao" kao re za: khyi: yu nae" akhang" qo" genae" ga:15 Mo"so mho: ra". – Ngo wa myang kha: zoqhid re ce: mang: mae thug' li" nhao mung: ai jham: yang cae: jhug tag boe" mung: khag' re: masu" lai: lo: sho' ngaid:16 re – Ai sam yaug bona qere: ngo kao daui: ru we' dakhyo: yao" yao: zo: qe re maqo" khyi genae". Yao: yao" kao za: aloe, genae". Mang: din" wa cae: jhug tag: ru jo; li"17 nae". – Mangaid: lao" shae we" ai: mang: mae byu we' gug' nyhug' maqo" gai: na lo: sho' ai: mang: phyo' qheim" paui" pye'18 ngaid: re – Ai sam yaug bona ko" qere: ngo kao daui: na: ru we' dakhyo: yao: yao" zo: dau qe re maqo" khyaid' khyi genae". Yao"19 gaung yao: za: aloe, genae". – Mangaid: lao" ai: mang: mae no phyo: qam" re nhao: ke' mung: byu we' gug' nyhug' jham magai: na lo: sho' nga" nhag' gyid' myid: sa: ai: mang: dao mae vhe' sheim" khyo"20 ke' re – No'a, , Daniel , Yoba' bam bona ko" qere: ngo kao daui: na: ru we' dakhyo: yao" zo: dau jham re maqo" khyi: khyaid' genae". Yao: yao" dang main" ra" khyo" yang yao: yao" kaoso'solo re za: aqo" khyi: khyaid' genae" ga: Mo"so mho: ra".21 Ai ru: mung: Mo"so ce ru: ga: mho: ra". Yerusalem: mae byu we' gug' nyhug' jham re qab: khyo" pye' nae" tau: shae lhae gye , bao" khug' gye , myang kha: zoqhid gye we' no qam" gye ga" ra" qug' thao" gye byid ja: re ngo nhao: ke' ra" au: ai: tho' mago" qug: khai: kyi" khyag' genae" mangaid:22 i"? – Ngaid qere: ai mae" loe; thug' lo" ra" zo: dau zomyi: zolau: daqhae: dang genae". Naonhaung" wa yao: bam jhao" ye: mung: yao: bam: na qab: ye, bao re naonhaung" ba: yu genae". Yerusalem: mae ngo khyo" byid' ra" qug: khai: mau" mathao mae myid gug: myid myo" ru mabo yaug yo: ru qhug'23 genae". – Yao: bam: na qab: ye, bao re naonhaung" the' myao ko" ra" au: nhag' jo, yo genae". Yerusalem: vo re ngo kaid' ra" gu: alhab' geim" mae akhyo: majo: ru makaid' ru re ba: li" genae" ga: Mo"so mho: ra".