1 Dam: Mo"so: mung dao: wa ngo jhao"2 joe" mung: – Xaosu byu we" yao: yao" nhag' myid mae cao" yang: lapa pa ko" ra" Israel re ta" kyo: wa, . Mo"so: amyin" re tae" gyo: ge, ein: yao: bam re ta" kyo: wa, . –3 Mo"so ce ru: ga: mho: ra". Pe" lamyhung" re: mathe' myao: ru yao" nhag' myid khyo" za: lapa pa ko" ra" lapa ago jham wa byuxa:4 voqoe, genae". – Israel amyu" qe we' naonhaung" lapa qe wa seyo mae na: qin"5 ra" zag ne jham we' dau ko" ra". – Israel amyu" qe wa Mo"so mang: zin" khaid' ra" ba mae qo" lham: khaid' nae" khyo: vokham" dao khyo do, mung: nyhang" kyae" byao: ru makaid' lo: za: na: bam ko"6 ra". – Mo"so manhao: ru , Mo"so ce ru: ga: mho: ra" ga: ta" yang: ta" ra" mo, wa akeim aseim: lamyhung" myao mung: mhug' ra" khyo" boe, phyid' ko" ra". Yao" dao: gyang" dang: lo nae" ga: byu myo: sho' re myid:7 nghae" nhao ko" ra" . – Ngo mata" ru re Mo"so ce ru: ga: mho: ra" ga: yao: bam ta" ru wa akeim aseim myao ko" ru mangaid' ra" i"? Mhug' yang: lapa pa veko" mangaid:8 i"? – Ai ru: mung: Mo"so ce ru: ga: mho: ra". Naonhaung" akeim aseim dao: jhau mung: mhug' ra" lamyhung" myao ko" ra" mathao ngo naonhaung" re tau: lhain: yang: na nae".9 Akeim aseim re za: lamyhung" myao mung: mhug' dao: ba: ta" ko" ra" lapa jham re ngo tam" kyo" yang: yao: bam wa nga" byu qe volo mo, phaung mae maqo" vao genae". Israel japhin: mae yao: bam: mang magai: ke' nae". Israel mang: mae re: magai: na genae". Ngo wa Mo"so ngaid: ru10 re naonhaung" ba: li" genae". – Myain cae: yaug yo: ru majo; ru myain cae: yaug yo: ga: ta" yang: nga" byu jham re mhug' geyang: re: , dayaug wa vokham" kyae" , dayaug wa shohhui: gyaid: ru kaid' geyang: re: , –11 Ai: vokham" wa byo; gyo" lo" li" nae" ein: shohhui: gyaid yaug re ta" kyo: wa, . Mug: qu: nhai" nae". Lag qu ce' aqi: khyo" nae". La qam" we' mug: mo" thaui: gyo" nae". –12 Ai: vokham" byo; gyo" lo" mung: naon- haung" xug' gyaid: ra" shohhui: wa khai: lo" veko" ga: yao: bam re myid' li" genae"13 mangaid: i"? – Ai ru: mung: Mo"so mho: ru wa Ngo nhag' yo: mung: naonhaung" vokham" re mug: qu la qam" yang phyo' khyo" nae". Nga" nhag' gyid' ru: yang mug: qu: nhai" mung: lag qu ce' aqi" yang gyoe; gyo" nhao nae".14 Ai re" ru: naonhaung" shohhui: gyaid mung: kaid' ra" vokham" re myid mae joe" sho' ngo phyo' khyo" pye' mung: vokham" gyoe; nhai" mung: naonhaung" re nhai" se' genae". Ngo Mo"so ngaid: ru re ai: au:15 naonhaung" ba genae". – Ai: vokham" mae re: , shohhui: gyaid yaug mae re: ngo nhag'16 jo, yo nae". – Vokham" re: shohhui: gyaid mo, ga" ra" yaug yo: ru majo, ngaid qere: Yerusalem: tau: yaug yo: ra" lamyhung" myao mung: ba: ta" ko" ra" Israel lapa qe ana" mae" mana lo: genae" ein: re: Ngo ta"17 nae" ga: AsAng Mo"so mho: ra". – Ai mae" getau xaosu byu we" yao: yao" myid khyo" lapa pa ko" ra" ni" amyu" myiqe: qe re qeim wa, . Yao: bam re qang yang: lapa pa wa, . –18 Mo"so: amyin" dao: re kai" zhao: kyo: nae" ru wa nhag' myid re taung" yu nae" ga: alhab' geim" lo, mhaid' thaung: thao tau mae au: khau" thaung mae ke' mung: aqi: angai jham: au: mae au: thab' re thab' byid: ko" ra" myiqe: jham wa byuxa: voqoe, genae". Naonhaung" wa nga" byu jham: nhag' myid re taung" yu mung: naon- haung" we' tin" ra" mo; kao re shid nae"19 ru mae" lhoe' ke' genae" i"? – Yho" phaui: daxu we' cinmain" daje, re qo" nae" tau: nga" byu qe: qhid' kheim: mae ngo re jung" khyoe' pye' genae" i"? Mhug' ra" dao: re ba: tae" gyo: ko" ra" nga" byu qe re mhug' ra" dao: kheim" yang shid nae" mamain: qi" ra" yaug re se' mung: shid nae" main: qi" ra"20 yaug re kao daui: na nhao genae" i"? – Ai ru: mung: Mo"so mho: ru wa naonhaung" nhag' myid re ngho' re taung" yu: ru re" ru: qo" taung" yu sho' naonhaung" ci: ra" au: khau" jham re manug: qu" mung: naon- haung" lo, mhaid' thaung: thao mae" she: thug' mung: naonhaung" qho: taung" ra" nhag' myid jham re ngo lhoe' ke' nae" . –21 Naonhaung" au: nghoe' re re: ngo lao" caid' mung: thao phyao: yao: bam cam" taung" yu nae" naonhaung" lo, majoe" lo: nae". Ngo Mo"so ngaid: ru re naonhaung"22 ba genae". – Ngo nhag' mangai nhao: ra" su gai qe re mhug' dao: khyo" nhag' ngai nhao ko" ra" mathao mae re: , makhyang" ra" byu qe wa yaug: yo: ru maqhug' lo: sho' yao" mashab makhyang" ru re mato" pye' nae" tau: yao: bam re qam: pin" byid:23 ko" ra". – Ai ru: mung: naonhaung" thao phyao: akeim aseim lamyhung" mamyao lo: genae". lapa magai: pa lo: genae". Nga" amyu" zo: qe re naonhaung" lo, khug mae" ngo khyi: khyaid' yu nae". Alao" Ngo Mo"so ngaid: ru re naonhaung" ba genae" ga: mho: ra".