1 Dam: dalhang Mo"so: mung dao: wa2 ngo jhao" joe" mung: – Xaosu byu we" nao wa tau: lhain: ba: ra" mo; akhug mae na: ra". Yao: bam wa myao nae" myo, jid' de, ko" qe re: mamyao ko". Gyo: nae" no: khye' de, ko" qe re: mathe' gyo: ko" ngaid: ra". Tau: lhain: ba: ra" amyu" ngaid ko"3 ra" . – Aimung: xaosu byu we" getau khyo qui" phao nae" zai jham seim" nyhang" mung: na" re yao: bam: myo, qhao: tae mae qui" phao wa, . Yao: bam: myo, qhao: tae mae getau: jo, qo khyo qui" phao wa, . Tau: lhain: ba: ra" amyu" ngaid ko" qe re:4 beim:so" re beim:so: ko" maba. – Nao qui" phao nae" tau: ni" zai yo jham re na" mae yao: bam: myo, qhao: tae mae tai: thug' wa, . Cam" pyaung" lo" qhug' yaug re" ru: myi" mae yao: bam: myo, qhao: tae mae5 phao: thug' lo" ca" nae". – Yao: bam: myo, qhao: tae mae zho: cang vokham" re dau" co' phung" mung: ni" zai yo jham re tai:6 thug' lo" wa, . – Caid' sham" zo" ayo, mae yao: bam: myo, qhao: tae lo, sin mae tau: vo, mung: tai: thug' ca" nae". Myid gaung re mathe' myao lo: sho' myo, khung: nghoe' pye' ca" nae". Khoru: ga" re nao re Israel amyu" qe: tau: ve, lho boe" veshao: ein: ngo nao re khyin: nhao: to: va" ga: mho: ru7 we' dakhyo: – Ngo wa cam" pyaung" tai: lo" yaug: zai yo re" ru: , nga" zai yo jham re na" mae tai: thug' mung: myi" re zho: cang vokham" re lo; yang dau" phung" bin lao" caid' sham" zo" re yao: bam: myo, qhao: tae lo, sin mae tau: vo; thug' lo"8 va". – Thao: ne, seim mae Mo"so: mung9 dao: wa ngo jhao" joe" mung: – Xaosu byu we" tau: lhain: ba: ra" Israel amyu" qe nao ce ru: pe" mung: kaid' i"? ga: myid: ko" re –10 Mo"so: mung dao: re kai" zhao: kyo: nae" ngaid: ra". Ce: mung dao: wa Yerusalem: vo re ug: ra" zug: mae" dadu ai: vo mae na11 ko" ra" Israel alhab' we' tin" ra". – Ngo wa naonhaung" ve, lho ngaid: . Ngo kaid' ru ru: naonhaung" kaid' ca" li" genae". Cam" sham" pyaung" tai: lo" ru thaung" qhug'12 genae". – Naonhaung" jhaung zug: pho" re: yao" lo, sin mae vo, mung: caid' sham" zo" re thug' lo" ca" nae". Thug' lo" nae" tau: zho: cang vokham" re dau: ca" li" nae". Myid gaung re mathe' myao lo: sho' myo,13 thab' pye' ru qhug' nae". – Ai: jhaung zug: re nga" geim: yang nghoe' lhaung" mung: nga" lha" mae myi" nhao nae". Khalade" mang: Babilon: vo khyo jhui" lo" genae". Ai mae shid ngaid qere: vogaung: re the' myao14 nae" mangaid: . – Yao: re bao" thaug' nae" tau: yao" avai: ayae mae na mo, alhab' we' yao" gyezo: qe alhab' geim" re la hug' lo khao: ngo" ngo tao" sin" pye' mung: yao: bam: thao mae re: shae re cao" nhao: ke"15 nae". – Byu amyu" myu" khug mae pyo: sin" ke' mung: amang: mang: adin" din" mae na: myi" lo" li" genae". Alao" Ngo wa Mo"so ngaid: ru re yao: bam ba: li"16 genae". – Ngaid qere: shae lhae gye , bao" khug' gye , no qam" gye jham mae" loe, mung: dang: ra" mo, daqhae: wa yao: bam yao: kaid' lai: lo va" anyain: avho: mau" alhab' thao mae ye: joe" ra" getau: byumyu" mang: mae ci qhu" li" genae". Ngo wa Mo"so ngaid: ra" akhyo re yao: bam ba: li"17 genae". – Dam: dalhang Mo"so: mung dao:18 wa ngo jhao" joe" li" mung: – Xaosu byu we" nin" zo" re" zo zo: wa, . Nin" zo" re"19 lha" yang: qid shaug' wa, . – AsAng Mo"so wa Israel mang: Yerusalem: vobyu qe re qang mung: mho: ra" dao: re kai" zhao: kyo: nae" ru wa yao: bam wa lha" zo" re" zo zo: genae". Myid: nghae" mug' zo" mae" qid shaug' genae". Ai: mang: din" wa cae: jhug tag: jo, qo boe" mung: mang: byu qe: se' da: be, khyaid' mau" mathao mae shao" pyaid' sho' phyo' sin" pye' ru thaung" qhug'20 genae". – Byu ana: ra" vogaung: jham wa byo, qeim: lo" mung: damang" geim" cae: jhug tag boe" nae". Ngo Mo"so ngaid: ru re naonhaung" ba genae" ga: mho: ra". –21 Dam: dalhang Mo"so: mung dao: wa ngo22 jhao" joe" mung: – Xaosu byu we" ba na wa qui" lai" na mung: lamyhung" alhab' re: byo; byaug va" ga: Israel mang: mae ci:23 ra" dao: khyo: wa khoru: i"? – Ai mung: AsAng Mo"so: amyin" kai" zhao: kyo: nae" ru wa ai: dao: khyo: re ngo phyaug' pye' nae". Thao phyao: Israel amyu" mae maci lo: nae". Ba na ayo, wa jhao" li" va". Lamy- hung" alhab' re: jab: byang" lo: li" nae" ein:24 ta" kyo: wa, . – Thao phyao: Israel amyu" mae aseim akeim: lamyhung" magai: jo, lo: nae". Jhu" caung" ra" lapa pa: ru re: magai:25 bo lo: nae". Ngo wa Mo"so ngaid: . – Ngo wa nhaid' ta" ru we' dakhyo: lo, qaug byang" lo: li" nae". Jab byang" nae" ayo, re: maqui: nae". Tau: lhain: ba ko" ra" amyu" qe we" naonhaung" ta mae ngo ta" nae" ta" ru we' dakhyo: re: byang" boe" lo nhao nae"26 ga: Mo"so mho: ra". – Dam: Mo"so: mung27 dao: wa ngo jhao" joe" mung: – Xaosu byu we" Israel amyu" qe wa yao: myao: ra" lamyhung" wa myao" shi" ra". Va" ra" ayo, akhin: re qang mung: ta" ru angaid: ga: ta"28 ko" ra". – Ai mung: Mo"so: amyin" re kai" zhao: nae" ru wa nga" dao: jab byang" nae" ayo, akhin: maqui: nae". Ngo mho: ru we' dakhyo: re: jab byang" nhao nae" ga: AsAng Mo"so mho: ra".