1 Ai: thao Solo wa ngo re vo; lo" mung: ba thug' shaid' khyo myo, khung: qang: ra" Mo"so: yham ba thug' shaid' kham: dung: khyo jhui" lo" ra". Ai mae byu shid' xe: ngo" yaug na: jo, ko" ra". Yao: bam: khug mae mang: zug: ngaid ko" ra" Azura' yao: zo: Yazania we' Benaia yao: zo: Pelethina' re ngo myao: .2 Alao" yao: wa xaosu byu we" ce bam wa magai: ra" juyi khyug' mo, ngaid ko" ra". Ce: vogaung: magai: khyo" byin phyo:3 qham mo, ngaid ko" ra". – Yao: bam wa yham kaid' nae" ayo, majoe" shi: , ce: vogaung: wa ug' ru: ngonhaung" wa sho:4 ngaid: ga: yang: ta" ko" ra". – Ai mung: xaosu byu we" yao: bam mae lapa pa5 mung: ta" kyo: wa, ga: mho: ra". – Ai: au: Mo"so: Solo wa nga" dao mae gyo" zaung mung: nao ta" kyo: wa, . Mo"so mho: ru wa Israel amyu" qe we" naonhaung" wa ce ru: ga: ta" na veko". Naonhaung" juyi6 khyug' ru re ngo ba va". – Naonhaung" wa ce: vo mae shid mao gaung jham myo: laug nhao mung: vogaung" khyo dang mae shid7 mao jham we' byang" nhao veko". – Ai ru: mung: Mo"so ce ru: ga: mho: ra". Naon- haung" to" to" ra" shid mao gaung jham wa sho: ngaid ko" ra". Ce: vogaung: wa ug' ngaid: ra". Ngaid qere: naonhaung" re vo8 mae" khe' thug' pye' nae". – Naonhaung" wa shae re gyaug ko" mung: ngo wa ai: shae re naonhaung" adao mae joe" nhao9 nae" ga: Mo"so mho: ra". – Ngo wa naon- haung" re vo khug mae" keim" thug' yang: gemang: gedin" byu qe: lo, khyo qhaug'10 mung: qobo dae byid: nae". – Naonhaung" wa shae: yang shid: gain genae". Israel mang: athao" mae Ngo lham: ca: qu" yang: Ngo Mo"so ngaid: ru re naonhaung" ba: li"11 genae". – Ce: vo wa naonhaung" ug' boe" nae" mangaid: . Naonhaung" re: sho: boe" zai mangaid: . Israel mang: athao" mug: kyo: mae Ngo lham: ca: pyam" mung: Ngo Mo"so ngaid: ra" akhyo re naonhaung" ba genae".12 Naonhaung" wa Nga" tarha" re macao". Ngo to" ra" cao" khyao re macao" pyang". Naonhaung" avai: ayae mae na ko" ra" mo, byumyu" jham: ave, li re cao" ko" ra" ga:13 mho: ra". – Ai: mung dao: re ngo wa kai" ta" kyo" na: au: Benaia yao: zo: Pelethina' wa shid: lo" ra". Alao" ngo wa goe; gam" mung: AsAng Mo"so we" na: dang: gyo" ra" Israel amyu" zo: qe re shid: gain nhao nae" i"? ein: thoe mo" we' zag: yao va".14 Dam: dalhang Mo"so: mung dao: ngo15 jhao" joe" mung: – Xaosu byu we" Yeru- salem: vobyu qe Mo"so jhao" mae" va: khyo thug' ye" lo" ge, wa, . Ce: mang: din" ngonhaung" re sang nhao va" ga: ni" mao: nhaung: , ni" zam" cao: , Israel amyu"16 alhab' re: ta" li" genae". – Ai ru: mung: Mo"so ce ru: ga: mho: ra". Ngo yao: bam re mug: va: mae" byumyu" qe jhao" qhui" pyaung" pye' mung: amang: mang: adin" din" mae ngo yao: bam: tau: shao gyang"17 jo, qo re" ru: dazab zo: boe" nae". – Mo"so ce ru: ga: mho: ra". Byu amyu" myu" mang: din" amang: jham mae" ngo zhang" yu mung: ham phaung nhao nae". Israel18 mang: din" re byid: nae". – Yao: bam ai: mang: khyo joe" mung: anyain: avho" ra" ja: jham jo; gu: alhab' re sham" jhaid' she:19 khyo" pye' genae". – Ngo re: nyang vang" ra" nhag' myid we' nhag' myid asag' re ke' byid: nae". Yao: bam: gaung khyao khug mae" laug re" ru: qao: ra" nhag' myid re she: thug' pye' mung: sho: sang: kheim20 nhag' myid re byid' ra" mathao mae – Yao: bam wa ngo khyo" to" ra" cao" khyao jin kham tarha" khyo dang khyo cao" mung: na: pyang" ye; pyang: geyang: nga" byu qe boe" genae". Ngo re: yao: bam: Mo"so boe" na nae".21 Mangaid: lao" anyain: avho" mau" jham re nhag' myid khyo" cao" ra" mo; qobo re yao: bam: au: dao khyo ngo khyo"22 ke' nae" ga: Mo"so mho: ra". – Ai: au: mae Kherubim: jham daung phyid: lhu mung: lhin" ce' jham re: cao" ko" ra". Israel amyu" Mo"so: phung bao re: yao: bam: dao mae23 ngaid: ra" . – Mo"so: phung bao wa vo khug mae" do, mung: vogaung: ba thug' shaid' mae jo; ra" bam dao lo" thang: ra". –24 Solo wa ngo re: Mo"so: lamyhung" khyo" ngo re vo, mung: sham" pyaung" lo" mo, na: ra" Khalade" mang: khyo jhui" lo" ra". Ngo myao co' ra" lamyhung" wa ngo we'25 gao: mung: mug: khyo do, lo" ra". – Mo"so qhu" lo: ra" ja: nam jab re sham" pyaung" nha: to: mo, re ta" kyo: va".