1 Dam: ngo qu" na: re Kherubim: au: dao mae laug ne bo" ru" ru jhaung zug' la2 kin akhyao ave, bao: thug' li" ra". – Pin: mai bau: lao" yang" ci: ra" yaug re re: myi:lhin" ce' jham: agyo: mae Kherubim: agyid' khyo vao wa, . Kherubim: agyo: mae" myi: gyoe: jham re lo, shid' lo, we' gag: sham" yu mung: vogaung" dao mae sin" ke' wa, ga: mho: ru we' daru: za: ai: yaug wa nga" myo, qhao: tae mae to" thug'3 ye" lo" ra". – Ana" ai: yaug vao lo" re Kher- ubim: jham wa yham: lo, yo shaid' mae ye; jo, mung: qe, khug mae nhag' qhid' byang"4 jo; ra" . – Mo"so: phung bao wa Kheru- bim: adao kham: baung dao khyo qui" do, lo" mung: yham geim" nhag' qhid' khao" byang" jo; ra". Vang" geim" re: Mo"so:5 phung bao bao: byang" ra". – Getam: geto: AsAng Mo"so: thoe ru" ru Kherubim: jham:6 thoe re the' gyo" ke'. – Pin: mai bau: ve; ra" yaug re re: lhin" ce' agyo: mae" myi: re yu wa, ga: mho: ke' lao" ai: yaug re: vao mung: lhin" ce' jham: anhae mae ye; jo;7 ra". – Kherubim: jham mae" dayaug wa lo, tau: qang: yheim" ke' mung: Kheru- bim: agyo: mae jo; ra" myi: re yu yang: pin: mai bau: ve; ra" yaug: lo, mae ke' byid' ra". Ai: yaug wa lham: yu mung: thug'8 ye" lo" ra". – Kherubim: agyid' mae byu:9 lo, re re: ngo the' myao: . – Ngo qu" ke' re Kherubim: jham: anhae mae lhin" ce' dalam: lam: jo; ra". Ai: lhin" ce' jham: ave,10 wa laug qhi: ave, ru" ru ngaid: ra". – Ai: lhin" ce' byid lam" geim" wa daru" ru za: ngaid ko" ra". Lhin" ce' dalam" khug mae11 dalam: te' to" ru ru: ngaid: ra". – Su" lo" au: lhin" ce' jham wa davang" vang" ngaid mung: malhang: qin" lo: su" lo" ko" ra". Myo, khung: qang: ra" shaid' khyo cao" mung: malhang: lhau lo: su" lo" ko" ra". –12 Ai: lhin" ce' byid ce' we' Kherubim: byid dau: wa dao kao" , lo, daung mae" dadu dagaung geim" myo, jid' yao: za" ru ngaid13 ko" ra". – Ai: lhin" ce' jham re malam: lai: lhang: na: lhin" ce' ga: mhang" ko" thoe re ngo the' gyo" ke'.14 Kherubim: jham wa myo, khung: byid lam: lam: de, mung: dalam" myo, khung: wa Kherubim: myo, khung: , shid' lam: ein: lam: wa byu: myo, khung: , sam lam: ein: lam: wa lo:tin: myo, khung: , byid lam" lam: wa zeim baung" myo, khung: ngaid15 ko" ra". – Ai: Kherubim: jham tho' do, lo" ko" ra". Ce ru wa Kheba: qid yae mae ngo the' myao: qu" ra" gug' nyhug' jham ngaid ko" ra".16 Kherubim: jham su" lo" lao" lhin" ce' jham thao myhi thao khyain: cao" ko" ra". Kherubim: jham mug: tho' do, nae" myid gaung mae" daung phyid: lhu lao" lhin" ce'17 jham re: te' te' cao" ko" ra". – Yao: bam thang lao" lhin" ce' jham re: thang ko" ra". Yao: bam myid gaung mae" do, lao" lhin" ce' jham re: cao: do, ko" ra". Khoru: ga" re ai: gug' nyhug'solo wa lhin" ce' jham mae18 bo: ra". – Mo"so: phung bao wa kham: baung dao mae" qui" lo" mung: Kherubim:19 jham: adao mae lo" zaug: ra". – Ai: Kheru- bim: jham wa nga" myo, qhao: tae daung jham re phyid: lhu yang: myid gaung mae" tho' do, ko" ra". Mo"so: yham jao: kheim" kham: nhae mae ye, mung: Israel qe: Mo"so: phung bao wa yao: bam: adao mae20 zaung: ra". – Ce: ru wa Kheba: qid yae nhae mae ngo myao: qu" ra" gug' nyhug' jham ngaid: ra". Kherubim: jham re re: ngo21 ba: ra". – Yao: bam wa myo, khung: byid lam: lam: , daung byid daung de, mung: daung gyid' mae byu: lo, akhyao de; ra". –22 Myo, khung: jham wa Kheba: qid yae nhae mae ngo myao: qu" ra" myo, khung: we' dau ko" ra". Gaung khyao ave, re: dau: ra". Ai jham byid dau" geim" wa qhid' au: ang ang din: din: za: su" lo" ba ko" ra".