1 Ce: vogaung: phyo' qheim" nae" mo, li" geri: , yaug nge, phyo' qheim" nae" sin: shae lhae ci ge, ga: thoe mo" we' khai thoe2 re ngo the' gyo" ke'. – Ai: au: nyag tin" labaug qid meim shaid' ang: ra" tho' pyae kham: dung: mae" byu khyaug' yaug thug' ye; li" ko". Yao: bam yaug nge, mang: khaid' sin: vo: zaung: ci ko" ra". Yao: bam: khug mae" dayaug wa jid: mo" mai lao" yang" ci mung: yao: mhaug' thaug' vin mung: thug' li" ra". Yao: bam vao li" mung: gyid: bo" xeim: nghaui" phain nhae ye; na: jo,3 ko" ra". – Israel amyu" Mo"so: kheim:so' phung bao gyo" qhaug' ra" Kherubim: mae" yham kham: baung dao khyo do, mung: pin: mai: bau: lao" yang" ci yang: mhaug' thaug' vin: ci: ra" yaug re khai mung: –4 Mo"so wa Yerusalem: vogaung: kao" mae su: du" lo" wa, . Vo khug mae kaid' ko" ra" anyain: avho: mau" mathao mae kaug' myain" qhu: thoe mung: na ko" mo, nga: lao: mae khyang" tung" xam: wa, ga: yao:5 re mho: ra". – Ai: khyaug' yaug re mho: ru wa ce: yaug: thao vo khug mae su" ye" lo" mung: qam" se' pye' ge, . Naonhaung" myo, jid' o: daqu" do ge, . Nhag' myain:6 nhag' khyag' myid dabo ge, . – Kao qi: mo, ngai mo, zomyi: zolau: zoshao myiqe: jham re shao" sho' se' pye' ge, . Ngaid qere:so: xam: de; ra" mo, dayaug re re: dathe' tin: ge, . Ai: mau" re nga" shao gyang" ra" jo, qo mae" qhid ge, ga" thoe re ngo the' gyo" ke'. Yao: bam re: yham jao: kheim: mae na ko" ra" kao qi: mo, re sao qhid' se' ko" ra". –7 Yao: wa pa" jhaung: yham re anyain: avho: kaid' pye' mung: su shid mao gaung jham: yang vang" zai" pyang" ge, . Ana" to" thug' ye" lo" ge, se, ga: mho: ru we' dakhyo: yao: bam thug' ye" lo" mung: vogaung: re8 phyo' qheim" khyo" pye' ko" ra". – Yao: bam phyo' qheim" khyo" pye' mung: ngo yao: za: dang: gyo" na: au: Mo"so we" Yerusalem: vogaung" dao mae nhag' yo" gyid' re vhe' sheim" khyo" ke' mung: na: dang: ra" Israel amyu" jham re se' jheim" pye' nae" i"? ein: zag: yao mung: mho'9 vhao" va" . – Mo"so re: Israel amyu" we' Yuda boe: qe: qobo wa gyai myo: laug: ra". Damang" geim" byu: kao re se' ra" yug: no qobo byang" jo; ra". Vogaung: jham re: tau: lhain: ko" ra" qobo byang" ra". Yao: bam Mo"so wa mug: myid re shelhaui" pye' ava". Mo"so mamyao nae".10 Ai ru: mung: ngo nhag' mamyain: pe" o: mado lo: yao: bam: na qab: ye, bao we' dakhyo: qobo dae re yao: bam: au: dao mae joe" gyo" nhao nae" ga: ngo re mho:11 ra" . – Pin: mai bau: lao" yang" mung: mhaug' thaug' laui: ci: ra" yaug re: AsAng mho: to" ru we' dakhyo: ngo kaid' va" ga: dam: mho: ra".