1 Nga" amyu" zomyi: zo: we' tin" ra" shid mo; tau: mae Ngo wa myi" na" ngug yao" qo" yao" nae" ru wa Nga" au: wa qid yao: za: , Nga" myo, jid' wa ngug byid thug' ra"2 qid thug' boe" veshao: wo". – Ngo wa Nga" amyu" re to: co' mung: qo" thug' lo" sho' seyo mae seim zaung jo, shao: wo". Yao: bam alhab' wa myi: lhaid' lao lhaid' shaid' mo, we' dao: so: mazaung nhag' lam: kaui3 mo, ngaid ko" ra". – Yao: bam wa mhug' dao: qo" ta" sho' yao: yao" sho re la: ru: thaung: ci ko" ra". Dao: so: re mangha lo: mug: myid: dao mae" lau: de, ngaid ko" ra". Gai gai: mau" zo" mae magai: mau" zo" dam: paug' kaid' ko" ra". Ngo re re: aso: mazhaug' maba ko" ngaid: ra" ga: Mo"so4 mho: ra". – Khag' re: yao: yao" yham kyo: cao: qe re lha" wa, . Yao: yao" mao: nhaung: qe re dalam" ge, . Mao: nhaung: ngaid: gu: wa yao: yao" mao: nhaung: aya: re xo' xo' lhaid' yu li" nae". Yao: cao: yao:5 nga: phyo' pye' li" genae". – Yaug nge, wa yao" yham kyo: cao: re mhug' vhain" zo" li" nae". Dang main" ra" dao: mata" mung: yang: wa mhug' vhain" dao: ta" nae" tau: yao: bam: sho re mho" byid' ava". Yao: bam wa makhyang" ra" mau" zaui: so" ru we' yao: yao" gaung re myaung: nhao va" ra". –6 Ni" jo, qo wa mhug' vhain" jao: mae jo; ra". Yao: bam wa mhug' vhain" ru: yang Ngo re maba nug: ako" ga: Mo"so mho: ra".7 Ai ru: mung: gug: mang: din" gam ug Mo"so mho: ru wa-Nga" amyu" myiqe: zo: we' khoru: zaui: so: nae" tau: Ngo yao: bam8 re ca: qu" nae". – Yao: bam: sho wa shid nhao ba: ra" la: ngaid: ra". Mhug' vhain" ru ba: jhau: ra". Yao: yaug yao" ra" nhaid' yang yaug yo dao: ba: ta" mung: nhag' lam: mae"9 ba: jhug' qu" ko" ra". – Ai ru" ra" qobo dae re Ngo maca: qu" za: na zai i"? Ai ru" ra" amyu" re dae byid: mung: Nga" nhag' lam: mayo shao: ein: na zai i"? ga: Mo"so mho: ra".10 Bam jham , jao: dae jham: qhid' mae" Ngo zag; ngug: ru kaid' ca" nae". Ai: jo, qo jham mae myi: nga" na yang: byu wa magai: su" lai: qin". Yao , nung: myang thoe jham re mathe' gyo: . Mug: le; phyo: ngho'11 we' zoqhid jham tao" phao: lo" va". – Ngo wa Yerusalem: vogaung: re boe, said bam , zag ne jham: na jao: poe" pye' nae". Yuda vogaung: jham re re: byu mana cae: jhug tag poe" pye' nae".12 Ce jham re ba: se" gyo" ra" juyi ba ru wa khoyaug i"? Mo"so: nhaid' mae" thug' ra" mung dao: re khae: yu mung: ce: akhyo re ba: ta" ru khoyaug ngaid: i"? Khag' re: magai: su" lai: lhau lo: sho' damang" geim" seyo re" ru nga" lo" mung: byo; qeim:13 lo" ru wa pe" mathao mae i"? – Mo"so ceru: ga: mho: ra". Yao: bam Nga" dao: re matae" gyo: . Yao: bam mae Ngo byid' to" ra" tarha" re macao" pyang" lo: shepye'14 mung: – yao: yao" nhag' myid qao: ru we' dakhyo: phug' pho" jham lam khug cao" lo: ra" Bala' mo"so: thao cao" ko" ra" mathao:15 yang – Israel amyu" Mo"so AsAng gug: mang: din" gam ug Mo"so mho: ru wa yao: bam re (Do na')myaug daug we' zho: jhaug' nae". Naui kho: we' phaung: ra"16 qid byid: jhaug' nae". – Yao: bam re: yao: bam: phug' pho" qe maba mamyao: qu" ra" labug: amyu" qe: agaung: mae pyo: sin" ke' mung: shao" shao" byo; qeim: ru joe" sho' yao: bam jhao" shae gye re nhao: ke' nae".17 Gug: mang: din" gam ug: Mo"so mho: ru wa myid: phad' qu" ge, . Ba: kaug' ngug yaug re khai: yu ge, juyi bo: ra" myiqe: qe re khai mung: yao: bam li" lo geshao: . –18 Ngonhaung" ngug byid thug' mung: myo, qid mae" phyo, phyo, ga: gyo" sho' ai: myiqe: jham ngonhaung" tau: ngug yao"19 yao" byid: vegeshao: . – Tae" gyo: ge, . Ziun: vo mae" kaug' ngug thoe wa ngon- haung" wa khoqhi" byo; qeim: ru re phau: venhaung wo". Labug: amyu" qe ngon- haung" na jao: re phyo' qheim" sin" pye' ko" mung: ngonhaung" wa nyhao: yao" mang: din" re to" pye' co' mung: gyai yao: mug'20 hao" na: bam va" wo". – Myiqe: myhi" qe we" Mo"so: mung dao: re tae" gyo: ge, . Yao" nhaid' mae" thug' ra" mung dao: re khae: yu ge, . Naonhaung" zomyi: zo: qe re ngug yao" ru , yaug nge; zam" cao: qe re kaug' myain: qhu thoe mho" shid' ge,21 wo". – Khoru: ga" re shid zug: wa ngon- haung" bao: zo" kham: khyo" do, mung: ngonhaung" yham khug khyo vao yang: zoshao qe re taung gaung mae zolau: qe re khyo dang khain mae se' pye' veko".–22 Mo"so mho: ru wa su shid mao jham wa yothaung: din" mae , nung: khyid' bam re" ru: shaung: nyham: byu mabo , gaug yaid yaug: thao mae dang: jo; ra" gaug gyo" re" ru: gyo" nai" jo; li" genae" ein: ta" kyo: wa, .23 Mo"so ta" re juyi bo yaug wa yao" juyi mae ngaid dabeim: . Qam: o: bo yaug wa yao" qam: mae ngaid dabeim: . Jo, nho" qo" yaug wa yao" jo, nho" mae danghao"24 beim: . – Ngaid beim: yaug wa mug: myid: dao mae jhid' nhag' gain gin makhin: nhag' myid , pyam" yhin" nae" nhag' myid , dang main" ru qhu" byid' ra" yaug wa Ngo Mo"so yao: ngaid beim: mung: Nga" akhyo ba: gyo" ru mae ngaid beim: shao: . Ai ru" ru re Ngo nhag' dag: ra" ga: Mo"so mho: ra".25 Mo"so ceru: ga: mho: ra". Nyaug phyid' ru re khae: yu yaug nyaug phyid'26 ru re makhae: yu yaug , – Egutu byu , Yuda byu , Edom: byu , Ammom: amyu" , Mo"ba' amyu" qe we' bo: qae mug' qaug; ra" amyu" , seyo segae: mae na: ra" mo, alhab' geim" re Ngo pyam" yhin" mho" nae" ayo, akhin: joe" lo: li" nae". Labug: byumyu" qe wa nyaug phyid' makhae: yu mo, ngaid ko" ra". Israel amyu" alhab' geim" wa nhag' lam: khug mae nyaug phyid' ru makhae: yu mo, boe" ko" ra".